ຂປລ
ຂປລ. ຄະນະພົວພັນຕ່າງປະເທດສູນກາງພັກ ຈັດປາຖະກະຖາ ເຜີຍແຜ່ເອກະສານ ວັນກຳມະ ກອນສາກົນ ຄົບຮອບ 138 ປີ (1/5/1886-1/5/2024); ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7/5/1954-7/5/2024); ວັນຜ່າວົງປິດລ້ອມ ຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາການນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ໃນວັນທີ 20 ພຶດສະພາ 2024.
ຂປລ. ຄະນະພົວພັນຕ່າງປະເທດສູນກາງພັກ ຈັດປາຖະກະຖາ ເຜີຍແຜ່ເອກະສານ ວັນກຳມະ ກອນສາກົນ ຄົບຮອບ 138 ປີ (1/5/1886-1/5/2024); ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7/5/1954-7/5/2024); ວັນຜ່າວົງປິດລ້ອມ ຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາການນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ໃນວັນທີ 20 ພຶດສະພາ 2024.
ໂອກາດນີ້, ສະຫາຍ ເກີລໍ່ ຢ່າງກໍ່ ກຳມະການຄະນະພັກ, ເລຂາໜ່ວຍພັກ, ຫົວໜ້າກົມຈັດຕັ້ງ-ພະນັກງານ ໄດ້ຍົກໃຫ້ເຫັນປະຫວັດຄວາມເປັນມາ ຂອງວັນກໍາມະກອນສາກົນ, ບັນດາອົງການຈັດຕັ້ງ, ສົນທິສັນຍາ, ຖະແຫລງການ ແລະ ກອງປະຊຸມຕ່າງໆ ກ່ຽວກັບກໍາມະກອນ ແລະ ຊາວຜູ້ອອກແຮງງານໃນພາກພື້ນ, ສາກົນ ພ້ອມທັງຂະບວນການຕໍ່ສູ້, ຄວາມຮຽກຮ້ອງຕ້ອງການ ຂອງກຳມະກອນສາກົນ ລວມທັງກຳມະກອນລາວ ໃນຍຸກປັດຈຸບັນ(4.0),ການປະກອບສ່ວນ ໃນພາລະກິດປະຕິວັດ ຂອງກຳ ມະກອນລາວ ແລະ ການເສີມຂະຫຍາຍມູນເຊື້ອອັນດີງາມ ຂອງກຳມະກອນສາກົນ ໃນໄລຍະຜ່ານມາ. ພ້ອມທັງ ໄດ້ຍົກໃຫ້ເຫັນເຖິງ ໄຊຊະນະອັນຍິ່ງໃຫຍ່ ຂອງບັ້ນຮົບດຽນບຽນຟູ ທີ່ພິລະອາດຫານຂອງ ປະຊາຊົນຫວຽດນາມ ຕໍ່ສູ້ຕ້ານກັບພວກລ່າ ເມືອງຂຶ້ນແບບເກົ່າ, ແມ່ນໄຊຊະນະທີ່ສະຫວ່າງສະໄຫວ ທີ່ສຸດໃນປະຫວັດສາດ ການຕໍ່ສູ້ຂອງປະຊາຊົນ ຫວຽດນາມ ຕ້ານການຮຸກຮານຂອງຈັກກະພັດ ແລະ ໄດ້ຖືກບັນທຶກເຂົ້າໃນ ປະຫວັດສາດຂອງຊາດ ແລະ ຂອງໂລກຢູ່ໃນ ສະຕະວັດທີ XX. ໄຊຊະນະດຽນບຽນຟູ ແມ່ນໜຶ່ງໃນບັນດາປັດໄຈ ແລະ ໝາກຜົນຂອງ ຄວາມສາມັກຄີພິເສດ ແລະ ການຮ່ວມສຳພັນສູ້ຮົບ ລະຫວ່າງ ລາວ-ຫວຽດນາມ ໃນການຕ້ານສັດຕູຕົວດຽວກັນ, ການປະສານສົມທົບ ແລະ ຊ່ວຍໜູນເຊິ່ງກັນ ແລະ ກັນ, ມັນໄດ້ເຮັດໃຫ້ສັດຈະທຳ ມີຄວາມສະຫວ່າງສະໄຫວຂຶ້ນຢູ່ໃນຊາດ ເຄິ່ງສັກດີນາ ທີ່ເຄີຍເປັນຫົວເມືອງຂຶ້ນປະຊາກອນບໍ່ຫລາຍ, ເສດຖະກິດຫລ້າຫລັງ, ກໍາລັງທະຫານ ແລະ ພາຫະນະ-ອາວຸດຍຸດໂທປະກອນມີໜ້ອຍ ແຕ່ດ້ວຍຄວາມສາມັກຄີ ຢ່າງແໜ້ນແຟ້ນພາຍໃນຊາດ, ການຊີ້ນຳ-ນຳພາຂອງພັກ ແລະ ປະທານໂຮ່ຈີ່ມິນ ຜູ້ນຳທີ່ຍິ່ງໃຫຍ່, ປຸກລະດົມ ແລະ ໝູນໃຊ້ກຳລັງປະກອບອາວຸດປະຕິບັດໜ້າທີ່ ປ້ອງກັນປະເທດທົ່ວປວງຊົນ ເພື່ອເຮັດສົງຄາມປະຊາຊົນ, ຕີເອົາໄຊຊະນະກັບສັດຕູຜູ້ຮຸກຮານ ທີ່ມີພື້ນຖານເສດຖະກິດ ແລະ ການທະຫານເຂັ້ມແຂງ ແລະ ທັນສະໄໝກວ່າຫລາຍເທົ່າຈົນໄດ້ຮັບໄຊຊະ ນະ.
ພ້ອມນີ້, ສະຫາຍ ເກີລໍ່ ຢ່າງກໍ່ ຍັງໄດ້ຍົກໃຫ້ເຫັນ ປະຫວັດສາດ ແລະ ມູນເຊື້ອການຜ່າວົງປິດລ້ອມຂອງ ກອງພັນທີ 2 ວິລະຊົນ ແລະ ການໂຕນຄຸກຢ່າງມະຫັດສະຈັນ ຂອງບັນດາຜູ້ນຳ ກໍ່ຍ້ອນມີພັກ ແລະ ພາຍໃຕ້ການນຳພາອັນສະຫລາດສ່ອງໃສ ແລະ ປີຊາສາມາດຂອງພັກໂດຍມີ ປະທານ ໄກ ສອນ ພົມວິຫານ ເປັນເລຂາທິການໃຫຍ່, ມີຄວາມສາມັກຄີເປັນຈິດໜຶ່ງໃຈດຽວ ຂອງປະຊາຊົນລາວບັນດາເຜົ່າ, ມີນໍ້າໃຈຮັກຊາດ ອັນແຮງກ້າຂອງບັນດາຜູ້ນໍາ, ມີຄວາມຕັດສິນໃຈ ຕໍ່ສູ້ຍອມເສຍສະຫລະເພື່ອຊາດ, ມີຄວາມປີຊາສາມາດຂົນຂວາຍ ກໍ່ສ້າງ ຮາກຖານການເມືອງ, ມີການຈັດຕັ້ງນຳພາ ບັນຊາທີ່ໜັກແໜ້ນ, ເດັດດຽວ, ເສີມຂະຫຍາຍຫົວຄິດ ປະດິດສ້າງຂອງໝົດທຸກຄົນ, ກຳແໜ້ນກາລະໂອກາດອັນ ເໝາະສົມ, ຈຶ່ງເຮັດໃຫ້ພະນັກງານ, ສະມາຊິກພັກ ແລະ ນັກຮົບກອງພັນທີ 2 ແລະ ບັນດາທ່ານຜູ້ນໍາສາມາດໂຕນອອກ ຈາກຄຸກໄປສູ່ເຂດປະຕິວັດໄດ້ຢ່າງປອດໄພ.
ພາບ: ເກດສະໜາ
KPL