ລົດຕັກຊີໄຟຟ້າ ພວມໄດ້ຮັບຄວາມນິຍົມໃນລາວ

15/05/2024 05:42
Email Print 410
ຂປລ ປັດຈຸບັນ​ ການ​ບໍລິການ​ຂົນ​ສົ່ງ​​ຜູ້​ໂດຍສານກາຍເປັນປັດໃຈສໍາຄັນ​ ປະກອບສ່ວນເຂົ້າໃນພັດທະນາ​ເສດຖະກິດ-ສັງຄົມ,​ ໃຫ້ສິ່ງອໍານວຍ​ຄວາມສະດວກສະບາຍ,​ ປະຢັດ​ເງິນ,​ປະຢັດເວລາ​ ແລະ ​ສ້າງລາຍ​ ຮັບໄດ້ດີ.​

*ປັດຈຸບັນ​ການ​ບໍລິການ​ຂົນ​ສົ່ງ​​ຜູ້​ໂດຍສານກາຍເປັນປັດໃຈສໍາຄັນ​ ປະກອບສ່ວນເຂົ້າໃນພັດທະນາ​ ເສດຖະກິດ-ສັງຄົມ,​ໃຫ້ສິ່ງອໍານວຍ​ຄວາມສະດວກສະບາຍ,​ ປະຢັດ​ເງິນ,​ປະຢັດເວລາ ​ແລະ ​ສ້າງລາຍ​ຮັບໄດ້ດີ.​ ດ່ັງທີ່ຮູ້ທີ່ເຫັນປັດຈຸບັນ​ນ້ີ​ຕາມທາງທົ່ວນະຄອນຫລວງ​ວຽງຈັນ​ ຈະເຫັນລົດ​ຕັກ​ຊີ​ໄຟຟ້າ​ຫລາຍ​ຂຶ້ນ​ໃນ​ບ້ານ​ເຮົາ​​ເນື່ອງ​ຈາກ​ວ່າ​ສັງ​ຄົມ​ກໍາລັງ​​ໄດ້​ຮັບ​ຄວາມ​ນິຍົມ​ຈາກ​ລູກ​ຄ້າ​​ເພາະວ່າ​ມີ​ຄວາມ​ສະດວກ,​ ສະບາຍ,​ ວ່ອງ​ໄວ​ທັນໃຈ​ ທີ່​ສໍາຄັນ​ລາຄາ​ບໍ່​ແພງ​ຫລາຍ,​ ປະ​ຊາຊົນ​ສາມາດ​ໃຊ້​ບໍລິການ​ໄດ້.​ ອີກ​ຢ່າງໜຶ່ງ​ການ​ໃຊ້​ບໍລິການ​ລົດ​ໄຟຟ້າ​ ຍັງຊ່ວຍເປັນການຮັກສາໂລກຮ້ອນ​ນຳອີກ.​

    ດັ່ງ​ນັ້ນ,​ບໍລິສັດ​ວີເຄກຣຸບ​ ການຄ້າຂາອອກ-ຂາເຂົ້າຈຳກັດ​ ໜຶ່ງໃນບໍລິສັດ​ທີ່ມີຊື່ສຽງ​ ແລະ ​ເປັນທີ່ຮູ້ຈັກກັນດີ​ໂດຍສະເພາະ​ແມ່ນເປັນຜູ້ນຳລົດເຂົ້າ​ ​ແລະ​ ຈຳ​ໜ່າຍລົດ​ໄຟຟ້າ​​ໃນລາວ​ປັດຈຸບັນ​ໃຫ້​ຄວາມສຳຄັນດ້ານການບໍລິການຜູ້ໂດຍສານ​ ຈຶ່ງ​ເປີດ​ບໍລິການ​ລົດຕັກ​​ຊີ​ໄຟຟ້າ​​​ເພື່ອ​ສ້າງ​ຄວາມສະດວກ​​ສະບາຍ​ໃຫ້​ແກ່​ສັງຄົມ.​

   ທ່ານ ​ນາງ ​ວຽງຄຳ ​ທອງນາລີ​ ປະທານບໍລິສັດ​ວີເຄກຣຸບ​ການຄ້າ​ ຂາອອກ-ຂາເຂົ້າຈຳກັດ​ໃຫ້ຮູ້ວ່າ:​ ສຳລັບການບໍລິການຕັກຊີແມ່ນ​ເລີ່ມແຕ່​ເດືອນທັນວາ​2023​ເລີ່ມແຕ່​ເດືອນທັນວາ​2023​ປັດ​ຈຸບັນແມ່ນໄດ້ເລີ່ມທົດລອງແລ່ນຢູ່ 30​ ຄັນ​ ພາຍໃນນະຄອນຫລວງ​ວຽງຈັນ,​ ວັງວຽງ​ ແລະ​​ ໃນ​ອະນາ​ຄົດມີແຜນຈະເພີ່ມຈຳນວນລົດໃຫ້ໄດ້​ 300 ​ຄັນ​ພາຍໃນ​ 3​ ປີ​ ຊຶ່ງ​ປະ​ເພດລົດທີ່ນຳມາໃຫ້ບໍລິການແມ່ນ​ປະເພດລົດໄຟຟ້າທັງໝົດ​ ​ເນື່ອງ​​ຈາກ​ວ່າ​ລົດ​​ໄຟຟ້າ​ມີ​ສ່ວນສຳຄັນໃນການຮັກສາໂລກຮ້ອນ.​ ສຳລັບ​ຄ່າບໍລິການໄລຍະທຳອິດເລີ່ມຕົ້ນ​ 3​ ກີໂລແມັດ ​ແມ່ນຈະເກັບ ​50 ​ພັນ​ກີບ​ ໄລຍະລະຫວ່າງ​ 3-6​ ກິໂລ​ແມັດແມ່ນ​9​ພັນກີບ​ແລະ​ຈະເພີ່ມຂຶ້ນຕາມໄລຍະທາງ.​ ນອກຈາກນີ້ ຍັງສາມາດໃຫ້ເຊົ່າເປັນມື້ໃນລາ​ຄາບໍ່ສູງ.​ ບໍລິສັດ​ ວີເຄກຣຸບຂອງ​ ພວກເຮົາແມ່ນບໍລິສັດໜຶ່ງ​ ທີ່ມີທຸ ລະກິດຫລາກຫລາຍ​ ສຳລັບການ​ ບໍລິການລົດຕັກຊີ​ ແມ່ນເປັນແນວ​ ຄິດຕົນເອງ​ເພື່ອເປັນການບໍລິການ​ຜູ້ໂດຍສານພາຍໃນ​ ແລະ ​ຕ່າງປະ​ເທດ​ ໃຫ້ມີບໍລິການພຽງພໍຕໍ່ຄວາມຕ້ອງການສັງຄົມ ແລະ ​ນອກນີ້ເປົ້າ​ໝາຍພວກເຮົາກໍ່ເພື່ອຫວັງເປັນອີກ​ໜຶ່ງຈຸດໝາຍໄດ້ສະແດງເຫັນເຖິງ ຄວາມຈະເລີນ​ ແລະ​ ມີການພັດທະ​ນາຂອງປະເທດ​ທີ່ສຳຄັນແມ່ນຈະ​ໄດ້ຊ່ວຍການມີສ່ວນຮ່ວມຮັກສາ ໂລກຮ້ອນຈຶ່ງຕັດສິນໃຈນຳໃຊ້ລົດ​ ໄຟຟ້າ​ 100​​ ເປີ​ເຊັນ​ ທັງໝົດເຖິງ​ ແມ່ນວ່າຈະເປັນການລົງທຶນທີ່ສູງ​ ແລະ​ ​ເຖິງໄລຍະການຄືນທຶນຍາວ​ ນານແດ່ກໍ່ຕາມແຕ່ກໍ່ເປັນຄວາມ​ ພາກພູມໃຈຂອງຕົນທ່ີມີສ່ວນຮ່ວມ​ ໃນການພັດທະນາດ້ານນີ້.​

   
     ທ່ານ​ ນາງ​ ວຽງຄຳ​ ​ເວົ້າ​ຕື່ມ​ວ່າ:​ ການ​​ ບໍລິກາ​ນາ​ລົດ​ຕັກຊີໄຟຟ້າແມ່ນການ​​ບໍລິການ​ທີ່​ເພີ່ມ​ຄວາມສະດວກສະ​ບາຍ​ແກ່​ສັງ​ຄົມ​ສະ​ນັ້ນ,​ ຢາກ​ໃຫ້​ສັງຄົມ​ເປີດ​ໃຈໃຊ້​ບໍລິການ​ຜ່ານສາຍດ່ວນທີ​່​ເບີໂທ:​1568​ຮັບຮອງ​​ວ່າ​ທ່ານ​ຈະ​ບໍ​ຜິດ​ຫວັງ​ໃນ​ການ​ບໍລິ​ການ​ທີ່​ວ່ອງ​ໄວ​​ແລະ​​ໃສ່​ໃຈລູກຄ້າ​ທັງ​ພາຍ​ໃນ​​ແລະ ​ຕ່າງປະ​ເທດ​ທີ່​ມາທ່ອງທ່ຽວ​ ຫລື​ ມາວຽກກໍ່ຈະ​ໄດ້ຮັບຄວາມສະດວກສະບາຍໃນ​ການໃຊ້ລົດບໍລິການດັ່ງກ່າວນ້ີ​ແມ່ນ​ຍັງຈະສາມາດໃຫ້ຊ່ວຍຫລຸດຜ່ອນ​ບັນຫາບ່ອນຈອດລົດບໍ່ພຽງພໍ,​ ຫລຸດ​ຜ່ອນການແອອັດຂອງລົດຕາມ​ຫົນ​ທາງ,​ ຫລຸດຜ່ອນການເກີດອຸບັດ​ເຫດຕາມທາງອີກ​ດ້ວຍ.

​​ໂດຍ:​​ມາລີ​ດາ​

KPL

ຂ່າວອື່ນໆ

    • ພື້ນຖານການຜະລິດໃຫ້ໜັກແໜ້ນບົດ-ສາລະຄະດີ

      ພື້ນຖານການຜະລິດໃຫ້ໜັກແໜ້ນ

      5/22/2024 4:20:55 PM

      ບົດກ່ອນໆໄດ້ນໍາເອົາແນວຄິດຊີ້ນໍາກ່ຽວກັບການສ້າງເສດຖະກິດ ເອກະລາດ ເປັນເຈົ້າຕົນເອງ ມາສ້າງຄວາມເຂົ້າໃຈໃຫ້ເລິກເຊິ່ງເຖິງຖອງ ເພື່ອໃຫ້ການຈັດຕັ້ງຜັນຂະຫຍາຍຖືກທິດ, ມີຜົນສໍາເລັດ ດ້ວຍຄຸນນະພາບໃໝ່, ບັນລຸໄດ້ຈຸດປະສົງເປົ້າໝາຍທີ່ແທ້ຈິງ.

    • ການສຳຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ V ມີຄວາມສຳຄັນຕໍ່ການພັດທະນາເສດຖະກິດ-ສັງຄົມລາວບົດ-ສາລະຄະດີ

      ການສຳຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ V ມີຄວາມສຳຄັນຕໍ່ການພັດທະນາເສດຖະກິດ-ສັງຄົມລາວ

      5/22/2024 10:04:41 AM

      ການສຳຫລວດພົນລະເມືອງ ແລະທີ່ຢູ່ອາໄສ ທົ່ວປະເທດ ຄັ້ງທີ V ປີ ຈະ ເລີ່ມດຳເນີນໃນປີ 2025 ເພື່ອແນໃສ່ໃຫ້ ທ່ົວສັງຄົມຮັບຮູ້ເຂົ້າໃຈຕໍ່ຄວາມສຳຄັນຂອງການສຳຫລວດພົນລະເມືງຄັ້ງນີ້ ຄະນະບັນນາທິການໜັງສືພິມປະເທດລາວ ຈຶ່ງສ້າງຄໍລຳ “ການສຳຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ V” ຂຶ້ນ.

    • ກຸ່ມບ້ານຈຽງຕູບພັດທະນາຮອບດ້ານບົດ-ສາລະຄະດີ

      ກຸ່ມບ້ານຈຽງຕູບພັດທະນາຮອບດ້ານ

      5/22/2024 9:50:17 AM

      ບ້ານຈຽງຕູບ ເຊິ່ງເປັນອີກບ້ານໜຶ່ງຂອງເມືອງເຊໂປນ ແຂວງສະຫວັນນະເຂດ ທີ່ໄດ້ຮັບການພັດທະນາຮອບດ້ານ ບໍ່ວ່າເປັນດ້ານເສດຖະກິດ-ສັງຄົມ , ຄົມມະນາຄົມ-ຂົນສົ່ງ, ສາທາລະນະສຸກ ແລະ ການສ້າງລາຍຮັບ, ການສ້າງອາຊີບໃຫ້ປະຊາຊົນ ມີຢູ່ມີກິນຕາມແນວທາງນະໂຍບາຍ ພັກ-ລັດ ກໍຄືການສົ່ງ ເສີມການຜະລິດເປັນສິນຄ້າເພື່ອສ້າງເສຖະກິດໃຫ້ແກ່ຄອບຄົວ.

    • ລະນຶກວິລະກຳໂຕນຄຸກຢ່າງມະຫັດສະຈັນຂອງຜູ້ນຳແນວລາວຮັກຊາດບົດ-ສາລະຄະດີ

      ລະນຶກວິລະກຳໂຕນຄຸກຢ່າງມະຫັດສະຈັນຂອງຜູ້ນຳແນວລາວຮັກຊາດ

      5/22/2024 8:57:06 AM

      ໃນປະຫວັດສາດການຕໍ່ສູ້ປົດປ່ອຍຊາດ, ພາຍໃຕ້ການນໍາພາຂອງພັກປະຊາຊົນລາວ ໃນເມື່ອກ່ອນ ກໍຄືພັກປະຊາຊົນ ປະຕິວັດລາວ ໃນປັດຈຸບັນນ້ັນໄດ້ມີຫລາຍເຫດການທ່ີສະທ້ອນໃຫ້ເຫັນເຖິງວິລະກຳ, ຄວາມສະຫລາດສ່ອງໃສ, ມີໄຫວພິບ, ພິລະອາດຫານເຕັມໄປດ້ວຍຄວາມເສຍສະລະອັນສູງສົ່ງຂອງຜູ້ນຳພັກ.

    • ໂຄງການ ພຊຄ ຈັດຝຶກອົບຮົມຄວາມຮູ້ເຕັກນິກການປູກພືດບົດ-ສາລະຄະດີ

      ໂຄງການ ພຊຄ ຈັດຝຶກອົບຮົມຄວາມຮູ້ເຕັກນິກການປູກພືດ

      5/22/2024 8:48:14 AM

      ໂຄງການພັດທະນາພື້ນຖານໂຄງລ່າງຊົນນະບົດ ແລະ ການຄຸ້ມຄອງອ່າງໂຕ່ງແບບຍືນຍົງ (ພຊຄ) ແມ່ນໂຄງການໜຶ່ງທີ່ຢູ່ພາຍໃຕ້ ການຄຸ້ມຄອງຂອງ ກະຊວງກະສິກໍາ ແລະ ປ່າໄມ້ ໂດຍແມ່ນພະແນກກະສິກຳ ແລະ ປ່າໄມ້ແຂວງ ແລະ ຫ້ອງການກະສິກຳ ແລະ ປ່າໄມ້ເມືອງບັນດາແຂວງເປົ້າໝາຍ.

ads
ads

Top