ເຜີຍແຜ່ ວັນຄ້າຍວັນເກີດ ປະທານ ກິມ ອິນ ຊຸງ

11/04/2024 14:06
Email Print 704
ຂປລ ຂປລ. ​ເມື່ອ​ບໍ່​ດົນ​ມາ​ນີ້, ສະມາຄົມມິດຕະພາບ ລາວ-ສປປ ເກົາຫລີ ຮ່ວມກັບ ແຂວງຫລວງພະບາງ ແລະ ສະ ຖານເອກອັກຄະລັດຖະທູດ ແຫ່ງ ສປປ ເກົາຫລີ ປະຈໍາ ສປປ ລາວ ຈັດປາຖະກະຖາ ແລະ ວາງສະ ແດງຮູບພາບ, ສາຍວິດີໂອ ກ່ຽວກັບຊີວິດການເຄື່ອນໄຫວປະຕິວັດ, ຜົນງານບົດບາດການນໍາພາຂອງ ປະທານ ກິມ ອິນ ຊຸງ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສປປ ເກົາຫລີ ໃນໄລຍະຜ່ານມາ



ຂປລ. ​ເມື່ອ​ບໍ່​ດົນ​ມາ​ນີ້, ສະມາຄົມມິດຕະພາບ ລາວ-ສປປ ເກົາຫລີ ຮ່ວມກັບ ແຂວງຫລວງພະບາງ ແລະ ສະ ຖານເອກອັກຄະລັດຖະທູດ ແຫ່ງ ສປປ ເກົາຫລີ ປະຈໍາ ສປປ ລາວ ຈັດປາຖະກະຖາ ແລະ ວາງສະ ແດງຮູບພາບ
, ສາຍວິດີໂອ ກ່ຽວກັບຊີວິດການເຄື່ອນໄຫວປະຕິວັດ, ຜົນງານບົດບາດການນໍາພາຂອງ ປະທານ ກິມ ອິນ ຊຸງ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສປປ ເກົາຫລີ ໃນໄລຍະຜ່ານມາ  ເນື່ອງໃນໂອກາດວັນຄ້າຍວັນເກີດຂອງ ປະທານ ກິມ ອິນ ຊຸງ ຜູ້ນໍາທີ່ຍິ່ງໃຫຍ່ຂອງ ປະຊາຊົນ ສປປ ເກົາຫລີ ຄົບຮອບ 112 ປີ (15/4/1912-15/4/2024) ທີ່ ແຂວງຫລວງພະບາງ.




ໃນໂອກາດນີ້
, ທ່ານ ລີ ຢົງ ຊົນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ເກົາຫລີ ປະຈຳ ສປປ ລາວ ໄດ້ຍົກໃຫ້ເຫັນຜົນງານ ແລະ ຊີວິດການເຄື່ອນໄຫວປະຕິວັດ, ການນໍາພາ-ຊີ້ນໍາ ຂອງ ປະທານ ກິມ ອິນ ຊຸງ ຜູ້ນໍາທີ່ຍິ່ງໃຫຍ່, ປະທານປະເທດຕະຫລອດການຂອງປະຊາຊົນ ສປປ ເກົາຫລີ ໃນພາລະກິດປະຕິວັດຂອງພັກ, ກໍາລັງປະກອບອາວຸດ ແລະ ປະຊາຊົນ ສປປ ເກົາຫລີ ໃນຂະບວນວິວັດແຫ່ງການຕໍ່ສູ້ປົດປ່ອຍຊາດ ກໍຄື ປົກປັກຮັກສາ ແລະ ສ້າງສາພັດທະນາປະເທດຊາດ ສປປ ເກົາຫລີ ເຮັດໃຫ້ ສປປ ເກົາຫລີ ມີການພັດທະນາຮອບດ້ານ, ການເມືອງມີສະຖຽນລະພາບໜັກ ແໜ້ນ, ວຽກງານປ້ອງກັນຊາດ-ປ້ອງກັນຄວາມສະຫງົບ ມີຄວາມເຂັ້ມແຂງທັນສະໄໝ, ເສດຖະກິດມີການພັດທະນາ, ຊີວິດການເປັນຢູ່ຂອງປະຊາຊົນ ສປປ ເກົາຫລີ ໄດ້ຮັບການປັບປຸງດີຂຶ້ນເລື້ອຍໆ, ອັນໄດ້ເຮັດໃຫ້ຜູ້ເຂົ້າຮ່ວມໄດ້ຮັບຮູ້ເຖິງສະພາບການຕົວຈິງ ໃນການພັດທະນາ ຂອງ ສປປ ເກົາຫລີ ກໍຄື ຜົນສໍາເລັດອັນໃຫຍ່ຫລວງທີ່ປະຊາຊົນຍາດມາໄດ້ ພາຍໃຕ້ການນໍາພາຂອງ ພັກແຮງງານເກົາຫລີ. ພ້ອມ ກັນນີ້, ທ່ານ ເອກອັກຄະລັດຖະທູດ ຍັງໄດ້ຍົກໃຫ້ເຫັນເຖິງສາຍພົວພັນມິດຕະພາບ ອັນເປັນມູນເຊື້ອ ແລະ ການຮ່ວມມືລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ ແລະ ສປປ ເກົາຫລີ ໃນໄລຍະຜ່ານມາ.

 

ທ່ານ ວົງສະຫວັນ ເທບພະຈັນ ຮອງເລຂາພັກແຂວງ
, ປະທານສະພາປະຊາຊົນແຂວງຫລວງພະບາງ ໄດ້ສະແດງຄວາມ ເຊື່ອໝັ້ນວ່າ: ພາຍໃຕ້ການນຳພາອັນຖືກຕ້ອງ, ເດັດດ່ຽວ, ເຂັ້ມແຂງ ຂອງພັກແຮງງານເກົາຫລີ, ອັນມີ ສະຫາຍ ກິມ ເຈິງ ອຸນ ເລຂາທິການໃຫຍ່ພັກແຮງງານເກົາຫລີ, ປະທານກິດຈະການແຫ່ງລັດແຫ່ງ ສປປ ເກົາຫລີ, ຜູ້ບັນຊາການສູງສຸດກໍາລັງປະກອບອາວຸດ ແຫ່ງ ສປປ ເກົາ ຫລີ ນັ້ນ, ປະຊາຊົນ ສປປ ເກົາຫລີ ຈະສືບຕໍ່ຍາດໄດ້ຜົນສຳເລັດໃໝ່ໃຫຍ່ຫລວງກວ່າເກົ່າ ໃນພາລະກິດສ້າງສາປະເທດສັງຄົມນິຍົມ ໃຫ້ມີຄວາມມັ່ງຄັ່ງ ແລະ ເຂັ້ມແຂງ.

ໃນໂອກາດດຽວກັນ, ສະມາຄົມມິດຕະພາບ ລາວ-ສປປ ເກົາຫລີ ຍັງໄດ້ມອບອຸປະກອນເຄື່ອງສຽງຈໍານວນໜຶ່ງ ໃຫ້ແຂວງຫລວງພະບາງ ເພື່ອປະກອບໃສ່ຫ້ອງປະຊຸມ ຫ້ອງວ່າການປົກຄອງແຂວງ,  ລວມມູນຄ່າ ທັງໝົດ 131 ລ້ານກີບ, ຕາງໜ້າມອບໂດຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ, ປະທານສະມາຄົມມິດຕະພາບ ລາວ-ສປປ ເກົາຫລີ ແລະ ຮັບໂດຍ ສະຫາຍ ວົງສະຫວັນ ເທບພະຈັນ ຮອງເລຂາພັກແຂວງ, ປະທານສະພາປະຊາຊົນແຂວງຫລວງພະບາງ.

ຂ່າວ-ພາບ: ຄຕພ

KPL

ຂ່າວອື່ນໆ

    • ລາວ ເປີດສາຍການບິນ ໃນພາກໃຕ້ລາວເຊື່ອມຈອດກັບຈີນການເມືອງ

      ລາວ ເປີດສາຍການບິນ ໃນພາກໃຕ້ລາວເຊື່ອມຈອດກັບຈີນ

      5/22/2024 7:11:56 PM

      ສປປ ລາວ ເປີດສາຍການບິນລະຫວ່າງປະເທດຈາກນະຄອນປາກເຊ ແຂວງຈໍາປາສັກ ໄປເຖິງກວາງໂຈ່ວ, ສປ ຈີນ ເພື່ອສົ່ງເສີມການທ່ອງທ່ຽວລາວ ແລະ ຍັງເປັນການຊຸກຍູ້ການພັດທະນາເສດຖະກິດ-ສັງຄົມພາຍໃນແຂວງດັ່ງກ່າວ ຈະສາມາດເຊື່ອມໂຍງເຊື່ອມຈອດພາກໃຕ້ຂອງ ສປປ ລາວ ກັບ ປະເທດ ກໍາປູເຈຍ, ໄທ, ຫວຽດນາມ.

    • ລັດຖະບານລາວ ປະດັບຫລຽນໄຊ ໃຫ້ ກົງສຸນກິດຕິມະສັກຂອງ ລາວ ປະຈຳ ລີບັງການເມືອງ

      ລັດຖະບານລາວ ປະດັບຫລຽນໄຊ ໃຫ້ ກົງສຸນກິດຕິມະສັກຂອງ ລາວ ປະຈຳ ລີບັງ

      5/22/2024 4:14:01 PM

      ຂປລ. ໃນວັນທີ 21 ພຶດສະພາ 2024 ຜ່ານມາ, ທ່ານ ສະເຫລີມໄຊ ກົມມະສິດ ຮອງນາ ຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບ ແລະ ຕາງໜ້າ ໃຫ້ລັດຖະບານລາວ ປະດັບຫລຽນໄຊມິດຕະພາບ ໃຫ້ແກ່ ທ່ານ ຊັກ ຢູເຊັບ ໂຮກາແຢມ (Mr. Jacques YOUSESEF HOKAYEM) ກົງສຸນກິດຕິມະສັກ ຂອງ ສປປ ລາວ ປະຈຳ ລີບັງ

    • ກຊສ ຫວນຄືນວັນສໍາຄັນຂອງພັກ ຂອງຊາດການເມືອງ

      ກຊສ ຫວນຄືນວັນສໍາຄັນຂອງພັກ ຂອງຊາດ

      5/22/2024 4:06:18 PM

      ຂປລ. ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ຈັດປາຖະກະຖາ ວັນຜ່າວົງປິດລ້ອມ ຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ແລະ ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7/5/1954-7/5/2024) ໃນວັນທີ 22 ພຶດສະພາ 2024

    • ຜູ້ແທນອົງການ ອອປສ ເຂົ້າຢ້ຽມຂໍ່ານັບຮອງຫົວໜ້າ ອົງການໄອຍະການປະຊາຊົນສູງສຸດ ສສ ຫວຽດນາມການເມືອງ

      ຜູ້ແທນອົງການ ອອປສ ເຂົ້າຢ້ຽມຂໍ່ານັບຮອງຫົວໜ້າ ອົງການໄອຍະການປະຊາຊົນສູງສຸດ ສສ ຫວຽດນາມ

      5/22/2024 3:49:14 PM

      ຂປລ. ຕອນບ່າຍວັນທີ 21 ພຶດສະພາ 2024, ຄະນະຜູ້ແທນ ອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ນໍາໂດຍ ສະຫາຍ ບຸນທ່ຽງ ວິໄລວົງ ຮັກສາການຫົວໜ້າຫ້ອງການອົງ ການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງຽນ ກວາງຢຸ້ງ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນໂອກາດເດີນທາງ ຢ້ຽມຢາມ ແລະ ເຮັດວຽກຢ່າງເປັນທາງການ ລະຫວ່າງ ວັນທີ 20-24 ພຶດສະພາ 2024 ທີ່ ສສ ຫວຽດນາມ.

    • ຫ້ອງການ ອອປສ ລາວ-ຫວຽດນາມ ຮ່ວມແລກປ່ຽນບົດຮຽນການເມືອງ

      ຫ້ອງການ ອອປສ ລາວ-ຫວຽດນາມ ຮ່ວມແລກປ່ຽນບົດຮຽນ

      5/22/2024 3:40:34 PM

      ຂປລ. ຄະນະຜູ້ແທນອົງການ ໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະຜູ້ແທນອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ພົບປະແລກປ່ຽນບົດຮຽນວຽກງານຫ້ອງການ, ວຽກງານ ຂ່າວທາງເວບໄຊ, ວາລະສານ ແລະ ຂ່າວໜັງສືພິມ ໃນວັນທີ 21 ພຶດສະພາ 2024 ຢູ່ຮ່າໂນ້ຍ ແຫ່ງ ສສ ຫວຽດນາມ

ads
ads

Top