ຂປລ. ປີ 2019-2023 ຈາກໂຄງການຜະລິດໝອນຮອງລາງທາງລົດໄຟ ລາວ-ຈີນ​ ໄປ​ຮອດໂຄງການຜະລິດສີ້ນສ່ວນຂະໜາດນ້ອຍ ຂອງທາງລົດໄຟບໍ່ເຕ່ນ-ນະຄອນຫລວງວຽງຈັນ, ກຸ່ມບໍລິສັດທາງລົດໄຟຈີນເລກທີ 15​ ໄດ້ຢຶດໝັ້ນຫລັກການ "ປຶກສາຫາລືຮ່ວມກັນ ກໍ່ສ້າງ​ແລະ​ຮ່ວມກັນ" ​ໄດ້ອອກແຮງສ້າງໜຶ່ງ ແລວທາງໜຶ່ງເສັ້ນທາງ​ໃຫ້ດີຂຶ້ນໃນ ສປປ ລາວ, ຮູບແຕ້ມທີ່ລະອຽດອ່ອນ ໄດ້ເພີ່ມສີສັນໃຫ້ແກ່ການກໍ່ສ້າງທາງລົດໄຟ ​ແລະ​ ປົກປັກຮັກສາເສັ້ນທາງລົດໄຟລາວ-ຈີນ.

ໃນເດືອນກັນຍາ 2019, ກຸ່ມບໍລິສັດທາງລົດໄຟຈີນເລກທີ 15 ໄດ້ເຂົ້າມາ ສປປ ລາວ ເປັນຄັ້ງທຳອິດ ແລະ ໄດ້ສ້າງຕັ້ງວິສາຫະກິດຜະລິດໝອນຮອງລາງລົດໄຟສຳເລັດຮູບ ທີ່ໄດ້ມາດຕະຖານແຫ່ງທຳອິດໃນລາວ ແລະ ສະໜອງໝອນຮອງລາງລົດໄຟ ໃຫ້ພາກສ່ວນເສັ້ນທາງລົດໄຟ ລາວ-ຈີນ ທັງໝົດ. ໃນໄລຍະ ການກໍ່ສ້າງເຂົາເຈົ້າໄດ້ຈັດຝຶກອົບຮົມ ໃຫ້ພະນັກງານລາວ ແລະ ຝຶກອົບຮົມເຕັກນິກວິຊາການລາວ ເກືອບ 300 ຄົນ, ດ້ວຍຄວາມ​ພະຍາຍາມຮ່ວມກັນ ຂອງພະນັກງານຈີນ-​ລາວ.​ ໂຄງການດັ່ງກ່າວ, ໄດ້ລື່ນແຜນລະດັບກ້າວໜ້າ ຂອງອຸດສາຫະກຳດຽວກັນຂອງຈີນ 90% ຂອງພະນັກງານລາວທີ່​ຜະລິດຕົວຈິງ, ​ໂຄງ ການໄດ້ສຳເລັດວຽກງານການຜະລິດກ່ອນກຳນົດ 75 ວັນ ແລະ ສູງ​ເຖິງ 99,96%.

ວັນທີ 1 ຕຸລາ 2022, ການກໍ່ສ້າງຫໍພັກ ແລະ ອາພັດເມັ້ນຢູ່ສະຖານີຫລວງພະບາງ ແລະ ສະຖານີວັງວຽງ ຂອງທາງລົດໄຟລາວ-ຈີນ ທີ່ກໍ່ສ້າງໂດຍກຸ່ມບໍລິສັດທາງລົດໄຟຈີນເລກທີ15 ໄດ້ເລີ່ມລົງມືກໍ່ສ້າງຢ່າງເປັນທາງການ, ພາຍຫລັງລົງມືກໍ່ສ້າງມາເປັນເວລາ 7 ເດືອນຢ່າງຂະຫຍັນຂັນແຂງ ເປັນລະບຽບຮຽບ ຮ້ອຍດີ ແລະ ​ໄດ້ຜ່ານຜ່າຄວາມຊັກຊ້າໄປໄລຍະໜຶ່ງ ທີ່ເກີດຈາກ​ການແພ່ລະບາດ ຂອງພະຍາດໂຄວິດ-19, ​ເນື່ອງຈາກມີຄວາມຫຍຸ້ງຍາກ ໃນການນຳໃຊ້​ອຸປະກອນການກໍ່ສ້າງສາກົນ, ການສື່ສານ ​ແລະ​ ເປັນໄລຍະລະດູຝົນ. ວຽກງານກໍ່ສ້າງໄດ້ສຳເລັດລົງໃນວັນທີ 20 ພຶດສະພາ​ 2023 ແລະ ໄດ້ມີພິທີມອບຮັບຢ່າງເປັນ ທາງການໃນໄລຍະຜ່ານມາ. ອາຄານອາພາດເມັນ 2 ຫລັງດັ່ງກ່າວ, ມີທັງໝົດ 121 ຫ້ອງ, ສາມາດບັນຈຸຄົນໄດ້ປະມານ 240 ກວ່າຄົນ, ປຸກສ້າງໃນສະຖານທີ່ເໝາະສົມ, ສະພາບແວດລ້ອມທີ່ດີ ແລະ ສວຍງາມ, ສາມາດແກ້ໄຂໄດ້ໃນເລື່ອງທີ່ພັກຂອງພະນັກງານ​ສູນຄຸ້ມຄອງ ບໍາລຸງຮັກສາເມືອງຫລວງພະບາງ ​ແລະ​ ສູນ ຄຸ້ມຄອງບໍາລຸງຮັກສາເມືອງວັງວຽງ, ​ເຮັດໃຫ້ການບໍລິການທາງລົດໄຟລາວ-ຈີນ ມີຄວາມສະດວກສະບາຍ ແລະ ມີຄຸນນະພາບທີ່ດີຂຶ້ນ.

ເມື່ອບໍ່ນານມານີ້, ກຸ່ມບໍລິສັດທາງລົດໄຟຈີນເລກທີ15​ ໄດ້​ເຂົ້າຮ່ວມການກໍ່ສ້າງໂຄງການສູນກາງເສັ້ນທາງລົດໄຟລາວ-ຈີນ ປີ 2023 ​ແລະ ໄດ້​ຮັບຜິດຊອບໂຄງການຄວາມສ່ຽງ ທີ່ອາດຈະເກີດຂຶ້ນໄດ້ໃນທຸກພາກສ່ວນ ​ແລະ ​ໂຄງການ​ບຳລຸງສ້າງລວມທັງການກໍ່ສ້າງໃໝ່, ການບຳລຸງຮັກສາ, ​ໂຄງການສ້ອມແປງ ແລະ​ ສຸກເສີນດ້ານຄວາມປອດໄພ, ການກູ້ໄພ, ການຟື້ນຟູຄວາມເສຍຫາຍທາງນ້ຳ ​ແລະ ໂຄງການອື່ນໆ ໂດຍອີງໃສ່ຄວາມປອດໄພດ້ານຄົມມະນາຄົມ, ການຜະລິດ, ຄວາມຕ້ອງການໃນການດຳເນີນງານ​ ທີ່ເປັນບົດບາດຮັບປະກັນການ​ເຄື່ອນໄຫວ ຂອງທາງລົດໄຟລາວ-ຈີນ. ພ້ອມທັງປະຕິບັດວຽກງານ ​ທີ່ກ່ຽວຂ້ອງຢ່າງເປັນ​ລະບຽບຮຽບຮ້ອຍ ຕາມຄວາມຕ້ອງການຂອງທາງລົດໄຟລາວ-ຈີນ ​ແລະ ​ໄດ້ຮັບການ​ຄຸ້ມຄອງທາງລົດໄຟລາວ-ຈີນ ຢ່າງຄົບຖ້ວນສົມບູນ.

ທ່ານ Zhao Yuting ຫົວໜ້າໂຄງການປະຈຳພາກພື້ນຂອງບໍລິສັດກໍ່ສ້າງຂົວທາງຈຳກັດ ຂອງກຸ່ມບໍລິສັດທາງລົດໄຟຈີນເລກທີ 15 ໄດ້ກ່າວວ່າ: ​ຮູ້ສຶກເປັນກຽດທີ່ສຸດທີ່ພວກເຮົາ ໄດ້​ເຂົ້າຮ່ວມໃນການກໍ່ສ້າງທາງລົດໄຟ ລາວ-ຈີນ​, ສືບຕໍ່ຮັບໃຊ້ທາງລົດໄຟລາວ-ຈີນ ແລະ ຈະຮ່ວມມືກັບເພື່ອນລາວ, ຮ່ວມມື ກັນກໍ່ສ້າງທາງລົດໄຟ ລາວ-ຈີນ ເພື່ອ​ປະກອບສ່ວນຊຸກຍູ້ ການພັດທະນາສູ່ຄຸນນະພາບສູງ ຂອງຂໍ້ລິເລີ່ມໜຶ່ງແລວທາງໜຶ່ງເສັ້ນທາງໃຫ້ດີຂຶ້ນໄປເລື້ອຍໆ.

KPL