ຂປລ
*ປະຊາຊົນລາວບັນດາເຜົ່າ ຖືເອົາການຜະລິດ ກະສິກໍາເປັນສິນຄ້າ ໃນການສ້າງລາຍຮັບເຂົ້າຄອບຄົວ ເຊິ່ງແຕ່ລະປີການຜະລິດກະສິກໍາ ຕິດຕໍ່ກັນເປັນເວລາຫລາຍປີ ກໍຈະເຮັດໃຫ້ດິນເຊື່ອມຄຸນນະພາບໄດ້ ສະນັ້ນ, ຄໍລໍາ ສຶກສາຫາຄວາມຮູ້ ຈະນໍາເອົາວິທີການເຮັດຝຸ່ນບົ່ມຊີວະພາບ ເເພື່ອແບປະຢັດເງິນ ທັງສາ ມາດປັບປຸງດິນ
*ປະຊາຊົນລາວບັນດາເຜົ່າ ຖືເອົາການຜະລິດ ກະສິກໍາເປັນສິນຄ້າ ໃນການສ້າງລາຍຮັບເຂົ້າຄອບຄົວ ເຊິ່ງແຕ່ລະປີການຜະລິດກະສິກໍາ ຕິດຕໍ່ກັນເປັນເວລາຫລາຍປີ ກໍຈະເຮັດໃຫ້ດິນເຊື່ອມຄຸນນະພາບໄດ້ ສະນັ້ນ, ຄໍລໍາ ສຶກສາຫາຄວາມຮູ້ ຈະນໍາເອົາວິທີການເຮັດຝຸ່ນບົ່ມຊີວະພາບ ເເພື່ອແບປະຢັດເງິນ ທັງສາ ມາດປັບປຸງດິນ ມາແນະນໍາເພື່ອເປັນປະໂຫຍດ ແກ່ບັນດາທ່ານໄດ້ເພາະວ່າ ຝຸ່ນບົ່ມຊີວະພາບ ແມ່ນຝຸ່ນອີນຊີ ຫລື ຝຸ່ນທຳມະຊາດ ຊະນິດໜຶ່ງທີ່ມີປະໂຫຍດໃນການປັບປຸງດິນ, ເພີ່ມປະລິມານອິນຊີວັດຖຸໃນດິນ, ຮັກສາຄວາມອຸດົມສົມບູນຂອງດິນ ສາມາດຜະລິດໄດ້ງ່າຍ ບໍ່ໃຊ້ເວລາຫລາຍ ໂດຍການນໍາວັດຖຸເສດເຫລືອໃຊ້ ປະສົມໝັກລວມກັບຂີ້ສັດ, ແກບດຳ, ຮໍາອ່ອນປົກດ້ວຍເປົາປ່ານໝັກໄວ້ 3 ມື້ ກໍສາມາດນໍາໃຊ້ໄດ້ ໂດຍຂັ້ນຕອນການເຮັດມີດັ່ງນີ້:
ຂັ້ນຕອນເລີ່ມຕົ້ນການເຮັດ ຝຸ່ນບົ່ມທຳມະຊາດ ຕ້ອງກຽມວັດຖຸດິບ ເປັນຕົ້ນ: ຂີ້ສັດແຫ້ງ 1 ຄຸ, ຂີ້ແກບເຜົ່າ 1 ຄຸ, ຮໍາອ່ອນ 1 ຄຸ ຫລື 1 ກິໂລກໍ່ໄດ້, ນໍ້າສະກັດຊີວະພາບ, ກາກນໍ້າຕານ ແລະ ວັດຖຸອື່ນໆ ເຊັ່ນ: ຂີ້ອ່ອຍ, ຂີ້ເລື່ອຍ, ເປືອກຖົ່ວດິນ, ຖົ່ວຂຽວ, ໄຍໝາກພ້າວ ຢ່າງລະໜຶ່ງຄຸ.
ວິທີເຮັດ : ປະສົມວັດຖຸທັງໝົດໃຫ້ເຂົ້າກັນ ຫລັງຈາກນັ້ນ ປະສົມ ນໍ້າຊີວະພາບດ້ວຍ ອັດຕາສ່ວນນໍ້າ 10 ລິດ, ນໍ້າຊີວະພາບ 2 ບ່ວງແກງ, ກາກນໍ້າຕານ 2 ບ່ວງແກງ ຄົນໃຫ້ເຂົ້າກັນດີ ແລ້ວຫົດກອງຝຸ່ນຈົນຊຸ່ມດີ , ກອງຝຸ່ນໃຫ້ໜາປະມານ 1 ຄືບປົກດ້ວຍເປົາປ່ານປະໄວ້ 3 ວັນ ກໍສາມາດນໍາໄປໃຊ້ໄດ້.
ວິທີໃຊ້: ໃຊ້ຝຸ່ນບົ່ມຊີວະພາບປະສົມດິນໃນໜານຜັກທຸກຊະນິດໃນອັດຕາສ່ວນຝຸ່ນ 1 ກິໂລຕໍ່ເນື້ອທີ 1 ຕາແມັດ, ສໍາລັບຜັກທີ່ມີອາຍຸຫລາຍກວ່າ 2 ເດືອນຂຶ້ນໄປແມ່ນໃຊ້ຮອງພື້ນຂຸມລະ 1-2 ກອບມື ແລະ ຕົ້ນໄມ້ໃຫ້ໝາກທີ່ປູກໄດ້ 2 ປີຂຶ້ນໄປໃຊ້ໃນອັດຕາສ່ວນ2 ກິໂລຕໍ່ຕົ້ນ.
ຂຽນໂດຍ: ມາລີດາ
KPL
