ຂປລ
ສະບັບ ຫລ້າສຸດ ຂອງບົດລາຍງານ ການວິເຄາະ ການຄາດຄະເນ ເສດຖະກິດ ອາຊີ 2022 ຂອງທະນາຄານ ພັດທະນາອາຊີ (ADB) ໄດ້ປັບຫລຸດ ການຄາດຄະເນ ການເຕີບໂຕ ທາງເສດຖະກິດ ຂອງພາກພື້ນ ອາຊີ ແລະ ປາຊີຟິກ ໃນປີນີ້ ລົງເປັນ 4,3% ແລະ ໃນປີໜ້າເປັນ 4,9%
ຂປລ.ສຳນັກຂ່າວ ຊິນຮວາ,ວັນທີ22 ກັນຍານີ້,ສະບັບ ຫລ້າສຸດ ຂອງບົດລາຍງານ ການວິເຄາະ ການຄາດຄະເນ ເສດຖະກິດ ອາຊີ 2022ຂອງທະນາຄານ ພັດທະນາອາຊີ (ADB) ໄດ້ປັບຫລຸດ ການຄາດຄະເນ ການເຕີບໂຕ ທາງເສດຖະກິດ ຂອງພາກພື້ນ ອາຊີ ແລະ ປາຊີຟິກ ໃນປີນີ້ ລົງເປັນ 4,3% ແລະ ໃນປີໜ້າເປັນ 4,9% ເນື່ອງຈາກ ການທ້າທາຍຕ່າງໆ ຈາກພາຍນອກຊຶ່ງສົ່ງຜົນກະທົບ ໄປທົ່ວພາກພື້ນ ເຖິງວ່າ ການໃຊ້ຈ່າຍ ແລະ ການລົງທຶນ ຂອງຜູ້ບໍລິໂພກ ໃນປະເທດ ພວມຂັບເຄື່ອນ ການເຕີບໂຕ ຂອງເສດຖະກິດ ຂະນະທີ່ ກຸ່ມປະເທດ ໃນພາກພື້ນ ເດີນໜ້າ ຟື້ນຕົວ ຕາມລຳດັບ ຈາກໂຄວິດ-19 ຊຶ່ງສ່ວນໜຶ່ງ ເປັນຜົນມາຈາກ ແຜນການ ສັກວັກຊິນ ແລະ ຈຳນວນ ຜູ້ເສຍຊີວິດ ຈາກພະຍາດ ດັ່ງກ່າວ ຫລຸດລົງ ຢ່າງຕໍ່ເນື່ອງ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
KPL