ຂປລ
ຂປລ.ສາທາລະນະສຸກ ນະຄອນຄອນຫລວງວຽງຈັນ ໄດຈັດກອງປະຊຸມປຸກລະດົມ ບັນດາສື່ມວນຊົນ ເພື່ອສຸມໃສ່ໂຄສະນາ ເຜີຍແຜ່ຂໍ້ມູນຂ່າວສານ ລົງຮອດປະຊາຊົນຢ່າງກວ້າງຂວາງ ເພື່ອເປັນການຄວບຄຸມ ການລະບາດຂອງພະຍາດໄຂ້ຍຸງລາຍ
ຂປລ.ສາທາລະນະສຸກ ນະຄອນຄອນຫລວງວຽງຈັນ ໄດຈັດກອງປະຊຸມປຸກລະດົມ ບັນດາສື່ມວນຊົນ ເພື່ອສຸມໃສ່ໂຄສະນາ ເຜີຍແຜ່ຂໍ້ມູນຂ່າວສານ ລົງຮອດປະຊາຊົນ ຢ່າງກວ້າງຂວາງ ເພື່ອເປັນການຄວບຄຸມ ການລະບາດ ຂອງພະຍາດໄຂ້ຍຸງລາຍ ເຊິ່ງຈັດຂຶ້ນໃນວັນທີ 13 ກໍລະກົດ 20 22 ໂດຍມີທ່ານ ຊົງເລົາ ຢົງນູ ຫົວໜ້າຄະນະໂຄສະນາອົບຮົມ ນະຄອນຫລວງວຽງຈັນ, ທ່ານ ສະຫວັນຄອນ ລາດຊະມູນຕີ ອະດີດຮອງລັດຖະມົນຕີກະຊວງ ຖວທ, ປະທານສະມາຄົມນັກຂ່າວ ພ້ອມດວ້ຍສື່ມວນຊົນເຂົ້າຮ່ວມ.
ທ່ານ ຊົງເລົາ ຢົງນູ ໄດ້ກ່າວວ່າ: ການຈັດກອງປະຊຸມຄັ້ງນີ້, ປັນການປະສານສົມທົບ, ທັງຊຸກຍູ້ປຸກລະດົມ ແລະ ຂໍຄວາມຮ່ວມມື ກັບບັນດາສື່ມວນຊົນ ໃຫ້ຖືເອົາວຽກງານໂຄສະນາ ຄວບຄຸມການລະບາດ ຂອງພະຍາດໄຂ້ຍຸງລາຍ ເປັນວຽກງານບູລິມະສິດ ຊ່ວຍໂຄສະນາປຸກລະດົມ ໃຫ້ຂໍ້ມູນຂ່າວສານ ເພື່ອປ່ຽນແປງພຶດຕິກຳ ຂອງປະຊາຊົນ ໄດ້ເອົາໃຈໃສ່ການປະຕິບັດ 5ປ ຫລາຍຂຶ້ນ ແລະ ເປັນເຈົ້າການ ໃນການທຳລາຍ ແຫລ່ງເພາະພັນໜອນນໍ້າຍຸງລາຍ ບໍໍ່ມີໜອນນໍ້າຍຸງລາຍ ບໍ່ມີໄຂ້ຍຸງລາຍ. ມາຮອດປັດຈຸບັນ ທົ່ວປະເທດ ມີການລະບາດຂອງພະຍາດ ໄຂ້ຍຸງລາຍທັງໝົດ 8.222 ຄົນ, ເສຍຊີວິດ 12 ຄົນ, ສະເພາະຢູ່ໃນນະຄອນ ຫລວງ ວັນທີ 13 ກໍລະກົດ ມີການລະບາດຂອງ ພະຍາດໄຂ້ຍຸງ 4.149 ຄົນ ໃນ 9 ເມືອງ, ກວມເອົາ 363 ບ້ານ ທຽບກັບຕົວເລກທົ່ວປະເທດ ນະຄອນຫລວງວຽງຈັນ ກວມເອົາ 57%.
ທ່ານ ຊົງເລົາ ຢົງນູ ໃຫ້ຮູ້ອີກວ່າ: ວຽກງານສາທາລະນະສຸກ ຫລື ວຽກງານກ່ຽວກັບ ການຮັກສາສຸຂະພາບ ໂດຍສະເພາະ ການມີສ່ວນຮ່ວມໃນວຽກງານ ຕ້ານພະຍາດໄຂ້ຍຸງລາຍ ເມື່ອຟັງແລ້ວຄືຊິເຮັດບໍ່ຢາກ ແຕ່ການຈັດຕັ້ງ ປະຕິບັດຕົວຈິງ ຍັງພົບຄວາມຫຍຸ້ງຍາກພໍສົມຄວນ ເນື່ອງຈາກວ່າປະຊາຊົນລາວ ສ່ວນຫລາຍຍັງບໍ່ທັນເຂົ້າໃຈ ຢ່າງເລີກເຊິ່ງກ່ຽວກັບ ການມີສ່ວນຮ່ວມ ແລະ ເປັນເຈົ້າການຕ້ານພະຍາດ ໄຂ້ຍຸງລາຍ ໃນຄວາມເປັນຈິງແລ້ວ ການປ້ອງກັນ ແລະ ຕ້ານພະຍາດກັ່ງກ່າວ ແມ່ນໜ້າທີຂອງໝົດທຸກຄົນໃນສັງຄົມ ຍ້ອນວ່າສຸຂະພາບເປັນ ຂອງໝົດທຸກຄົນ.
ພະຍາດໄຂ້ຍຸງລາຍ ສ່ວນໃຫ່ຍມັກເກີດຢູ່ບ່ອນ ທີ່ມີປະຊາກອນອາໄສຢູ່ໜາແໜ້ນ ຫລື ໃນເທດສະ ບານເມືອງ ແລະ ເລີ່ມຂະຫຍາຍອອກສູ່ ເຂດຊົນນະບົດເກີດມີຂື້ນ ແບບກະແຈກ ກະຈາຍທົ່ວໄປ ຈາກເຂດທີເຄີຍເກີດລະບາດ ໄປຫາເຂດທີບໍ່ເຄີຍ ມີໄຂ້ຍຸງລາຍມາກ່ອນ.
ຂ່າວ:ກິດຕາ
KPL
