ຂປລ
ກຸ່ມອະນຸລັກ ສິ່ງແວດລ້ອມ ໃນຟີລິບປິນ ພວມຊອຫາທາງ ແກ້ໄຂ ວິກິດການຂີ້ເຫຍື້ອ ປະເພດຢາງ ພາຍໃນປະເທດ ດ້ວຍການນໍາຂີ້ເຫຍື້ອ ທີ່ໄປປິດກັ້ນ ທາງນໍ້າ ແລະ ຢ່າງຊະຊາຍຕາມແຄມຝັ່ງ ໄປເຮັດເປັນ ວັດສະດຸ ກໍ່ສ້າງ.
ຂປລ.ອ້າງຕາມຂ່າວ ມະນິລາ ຂອງຟີລິບປິນ, ວັນທີ 25 ເດືອນຕຸລາ, ກຸ່ມອະນຸລັກ ສິ່ງແວດລ້ອມ ໃນຟີລິບປິນ ພວມຊອຫາທາງ ແກ້ໄຂ ວິກິດການຂີ້ເຫຍື້ອ ປະເພດຢາງ ພາຍໃນປະເທດ ດ້ວຍການນໍາຂີ້ເຫຍື້ອ ທີ່ໄປປິດກັ້ນ ທາງນໍ້າ ແລະ ຢ່າງຊະຊາຍຕາມແຄມຝັ່ງ ໄປເຮັດເປັນ ວັດສະດຸ ກໍ່ສ້າງ. ກຸ່ມ The Plastic Flamingo ຫລື ທ່ີຮູ້ຈັກໃນຊື່ The Plaf ໄດ້ເກັບລວບລວມ ຂີ້ເຫຍື້ອ ປະເພດຢາງ ທີ່ມີ ທັງຕຸກນ້ຳ ແລະ ຜະລິດຕະພັນ ໃຊ້ຄັ້ງດຽວຖີ້ມ ໄປບົດລະອຽດ ແລະ ແປຮູບເສົາ ແລະ ກະດານ ສຳລັບ ເຮັດຮົ້ວ ແລະ ພື້ນທີ່ ລວມທັງ ສ້າງທີ່ພັກຊົ່ວຄາວ ໃຫ້ຜູ້ປະສົບໄພ ພິບັດ. ປັດຈຸບັນ, ຂີ້ເຫຍື້ອ ປະເພດຢາງ ກາຍເປັນ ຜະລິດ ຕະພັນໃໝ່ ຫລື ໄຊເຄີລ ຫລາຍກວ່າ 100 ໂຕນ. ນອກຈາກນັ້ນ, ການລາຍງານ ປະຈຳປີນີ້ ຂອງ Our World in Data ລະບຸວ່າ: ຂີ້ເຫຍື້ອ ປະເພດຢາງ ໃນມະຫາສະຫມຸດ ທົ່ວໂລກ 80% ແມ່ນມາຈາກ ແມ່ນໍ້າໃນອາຊີ, ໃນນັ້ນ 1 ໃນ 3 ມາຈາກ ຟີລິບປີນ./.
KPL
