ຂປລ
ທາງລົດໄຟຄວາມໄວສູງ ຈາກາຕາ-ບັນດຸງ ຂອງອິນໂດເນເຊຍ ໄດ້ບັນລຸການໃຫ້ບໍລິການຢ່າງປອດໄພ ແລະ ເປັນລະບຽບຮຽບຮ້ອຍ ຄົບ 1.000 ວັນແລ້ວ, ໃນນັ້ນ, ຈຳນວນຜູ້ໂດຍສານເພີ່ມຂຶ້ນ ຢ່າງໝັ້ນທ່ຽງ, ໄດ້ຂົນສົ່ງຜູ້ໂດຍສານ ລວມທັງໝົດ ຫລາຍກວ່າ 16.580.000 ເທື່ອຄົນ, ການຂົນສົ່ງມີຄວາມປອດໄພ ແລະ ເປັນລະບຽບດີ, ມີບົດບາດສົ່ງເສີມ ແລະ ນຳພານັບມື້ພົ້ນເດັ່ນຂຶ້ນ
ຂປລ.ວິທະຍຸ ໂທລະພາບ ສູນກາງຈີນ, ວັນທີ 13 ກໍລະກົດນີ້, ບໍລິສັດທາງລົດໄຟ ຄວາມໄວສູງ ຈີນ-ອິນໂດເນເຊຍ(KCIC) ແຈ້ງໃຫ້ຮູ້ວ່າ: ທາງລົດໄຟຄວາມໄວສູງ ຈາກາຕາ-ບັນດຸງ ຂອງອິນໂດເນເຊຍ ໄດ້ບັນລຸການໃຫ້ບໍລິການຢ່າງປອດໄພ ແລະ ເປັນລະບຽບຮຽບຮ້ອຍ ຄົບ 1.000 ວັນແລ້ວ, ໃນນັ້ນ, ຈຳນວນຜູ້ໂດຍສານເພີ່ມຂຶ້ນ ຢ່າງໝັ້ນທ່ຽງ, ໄດ້ຂົນສົ່ງຜູ້ໂດຍສານ ລວມທັງໝົດ ຫລາຍກວ່າ 16.580.000 ເທື່ອຄົນ, ການຂົນສົ່ງມີຄວາມປອດໄພ ແລະ ເປັນລະບຽບດີ, ມີບົດບາດສົ່ງເສີມ ແລະ ນຳພານັບມື້ພົ້ນເດັ່ນຂຶ້ນ ເຊິ່ງໄດ້ບັນລຸບາດກ້າວກະໂດດ ອັນສຳຄັນ ຈາກການເປີດນຳໃຊ້ຮອດການດຳເນີນງານຄວາມປອດໄພ ແລະ ມີຄຸນນະພາບສູງ ເທື່ອລະກ້າວ. ທາງລົດໄຟຄວາມໄວສູງ ຈາກາຕາ-ບັນດຸງ ເປັນໂຄງການຮ່ວມມື ກໍ່ສ້າງໂດຍ ສປ ຈີນ ແລະ ອິນໂດເນເຊຍ, ມີຄວາມຍາວກວ່າ 142 ກິໂລແມັດ, ຄວາມໄວສູງສຸດແມ່ນ 350 ກິໂລແມັດຕໍ່ຊົ່ວໂມງ, ເຊິ່ງເຮັດໃຫ້ເວລາການເດີນທາງ ຈາກນະຄອນຈາກາຕາຫານະຄອນບັນດຸງ ຂອງອິນໂດເນເຊຍ ຫລຸດລົງຈາກ 3 ຊົ່ວໂມງປາຍເປັນ 46 ນາທີ, ນີ້ໄດ້ສະໜອງທາງເລືອກ ການເດີນທາງ ທີ່ມີປະສິດທິພາບສູງ ແລະ ສະດວກສະບາຍໃຫ້ແກ່ ປະຊາຊົນອິນໂດເນເຊຍ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
