ຂປລ
ລັດຖະມົນຕີ ຕ່າງປະເທດຂອງ 10 ປະເທດ ເຊັ່ນ: ຝຣັ່ງ, ອັງກິດ, ການາດາ, ດານມາກ ແລະ ແຟງລັງ ເປັນຕົ້ນ ໄດ້ອອກຖະແຫລງການຮ່ວມ ໂດຍໄດ້ສະແດງ ຄວາມເປັນຫ່ວງຢ່າງສູງ ຕໍ່ສະພາບການ ດ້ານມະນຸດສະທຳ ທີ່ຮ້າຍແຮງຂຶ້ນຕື່ມ ຢູ່ເຂດກາຊາ.
ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ວັນທີ 30 ທັນວານີ້, ລັດຖະມົນຕີ ຕ່າງປະເທດຂອງ 10 ປະເທດ ເຊັ່ນ: ຝຣັ່ງ, ອັງກິດ, ການາດາ, ດານມາກ ແລະ ແຟງລັງ ເປັນຕົ້ນ ໄດ້ອອກຖະແຫລງການຮ່ວມ ໂດຍໄດ້ສະແດງ ຄວາມເປັນຫ່ວງຢ່າງສູງ ຕໍ່ສະພາບການ ດ້ານມະນຸດສະທຳ ທີ່ຮ້າຍແຮງຂຶ້ນຕື່ມ ຢູ່ເຂດກາຊາ.ຖະແຫລງການດັ່ງກ່າວ ໄດ້ເລັ່ງທວງໃຫ້ ອິດສະຣາແອນ ນຳໃຊ້ມາດຕະການຕ່າງໆ ເຊິ່ງລວມທັງ ການຮັບປະກັນໃຫ້ອົງການຈັດຕັ້ງສາກົນ ທີ່ບໍ່ສັງກັດ ລັດຖະບານ ແລະ ອົງການ ສະຫະ ປະຊາຊາດ ສາມາດສືບຕໍ່ ດຳເນີນງານ; ຜ່ອນຜັນຂໍ້ຈຳກັດ ການຂົນສົ່ງວັດຖຸສິ່ງຂອງ ທີ່ໃຊ້ໃນທາງການທະຫານ ແລະ ປະຊາຊົນ; ເປີດ ແລະ ຂະຫຍາຍ ຊ່ອງທາງການຊ່ວຍເຫລືອ ເຂົ້າສູ່ເຂດກາຊາ ຢ່າງຮອບດ້ານ.ລັດຖະມົນຕີ ຕ່າງປະເທດຂອງ 10 ປະເທດ ດັ່ງກ່າວ ໄດ້ຮຽກຮ້ອງ ໃຫ້ອິດສະຣາແອນ ຍົກເລີກການຈຳກັດ ໃນການເຂົ້າເຖິງ ດ້ານມະນຸດສະທຳ, ຈັດຕັ້ງປະຕິບັດ ຄຳໝັ້ນສັນຍາ ທີ່ກ່ຽວຂ້ອງ ເພື່ອຕອບຮັບ ການຊ່ວຍເຫລືອ ດ້ານມະນຸດສະທຳ ທີ່ມີປະສິດທິຜົນ ແລະ ສ້າງເງື່ອນໄຂ ໃຫ້ແກ່ການຟື້ນຟູ, ການສ້າງສາຄືນໃໝ່ ແລະ ສັນຕິພາບ ທີ່ຖາວອນ ຂອງເຂດກາຊາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
