ຂປລ
ງານຕະຫລາດນັດ ສິນຄ້າຂາເຂົ້າ-ຂາອອກ ຂອງ ສປ ຈີນ ຄັ້ງທີ 138 ຈະຈັດຂຶ້ນຢູ່ນະຄອນກວາງໂຈ່ວ ແຂວງກວາງຕຸ້ງ ຂອງ ສປ ຈີນ ໂດຍແບ່ງເປັນ 3 ໄລຍະ ໃນລະຫວ່າງ ວັນທີ 15 ຕຸລາ ຫາ ວັນທີ 4 ພະຈິກປີນີ້
ຂປລ.ວິທະຍຸ-ໂທລະພາບ ສູນກາງຈີນ, ງານຕະຫລາດນັດ ສິນຄ້າຂາເຂົ້າ-ຂາອອກ ຂອງ ສປ ຈີນ ຄັ້ງທີ 138 ຈະຈັດຂຶ້ນຢູ່ນະຄອນກວາງໂຈ່ວ ແຂວງກວາງຕຸ້ງ ຂອງ ສປ ຈີນ ໂດຍແບ່ງເປັນ 3 ໄລຍະ ໃນລະຫວ່າງ ວັນທີ 15 ຕຸລາ ຫາ ວັນທີ 4 ພະຈິກປີນີ້, ເຊິ່ງມີບ່ອນວາງສະແດງ 74.600 ຮ້ານ, ວິສາຫະກິດ ເຂົ້າຮ່ວມງານ ມີຫລາຍກວ່າ 32.000 ແຫ່ງ ແລະ ສ້າງສະຖິຕິສູງສຸດ ໃນປະຫວັດສາດ. ມາຮອດ ປັດຈຸບັນ, ງານຕະຫລາດນັດ ດັ່ງກ່າວ ໄດ້ດຶງດູດພໍ່ຄ້າເຂົ້າມາ ລົງທະບຽນຈອງລ່ວງໜ້າ 240.000 ກວ່າຄົນຈາກ 218 ປະເທດ ແລະ ເຂດແຄ້ວນ, ເຊິ່ງໄດ້ເພີ່ມຂຶ້ນ 10%. ງານຕະຫລາດນັດ ຄັ້ງນີ້ ຈະຈັດວາງເຂດສະເພາະ ການບໍລິການ ຮັກສາສຸຂະພາບ ແບບອັດສະລິຍະ, ໂດຍໄດ້ດຶງດູດ ວິສາຫະກິດ ຫຸ່ນຍົນເຮັດຜ່າຕັດ ແລະ ຕິດຕາມກວດກາ ອັດສະລິຍະ 47 ບໍລິສັດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
