ຂປລ
ກຳລັງປ້ອງກັນ ອິດສະລາແອນ (IDF) ໃຫ້ຮູ້ວ່າ ເຮືອບິນ ຂອງບັນດາປະເທດ ເອຢິບ, ສະຫະນະຄອນ ເອເມເຣັດ ອາຣັບ (UAE), ຈໍແດນ, ຝຣັ່ງ, ເຢຍລະມັນ ແລະ ແບນຊິກ ໄດ້ປ່ອຍເຄື່ອງຊ່ວຍເຫລືອ ມະນຸດສະທຳ ທັງໝົດ 136 ແກັດໃຫຍ່ ລົງເຂດ ທາງທິດເໜືອ ແລະ ທາງທິດໃຕ້ ຂອງກາຊາ.
ຂປລ.ວິທະຍຸ ກະຈາຍສຽງ ຫວຽດນາມ, ກຳລັງປ້ອງກັນ ອິດສະລາແອນ (IDF) ໃຫ້ຮູ້ວ່າ ເຮືອບິນ ຂອງບັນດາປະເທດ ເອຢິບ, ສະຫະນະຄອນ ເອເມເຣັດ ອາຣັບ(UAE), ຈໍແດນ, ຝຣັ່ງ, ເຢຍລະມັນ ແລະ ແບນຊິກ ໄດ້ປ່ອຍເຄື່ອງຊ່ວຍເຫລືອ ມະນຸດສະທຳ ທັງໝົດ 136 ແກັດໃຫຍ່ ລົງເຂດ ທາງທິດເໜືອ ແລະ ທາງທິດໃຕ້ ຂອງກາຊາ. ເຄື່ອງຊ່ວຍເຫລືອ ແຕ່ລະແກັດໃຫຍ່ ມີທັນຍາຫານ ປະມານ 1 ໂຕນ. ວັນທີ 3 ສິງຫາ ກໍ່ແມ່ນວັນທຳອິດ ແບນຊິກ ເຂົ້າຮ່ວມ ຄວາມມານະພະຍາຍາມ ປ່ອຍເຄື່ອງ ຊ່ວຍເຫລືອ ມະນຸດສະທຳ ຈາກເຮືອບິນ ລົງເຂດກາຊາ, ນັບແຕ່ ເວລາການເຄື່ອນໄຫວນີ້ ໄດ້ຮັບການຜັນຂະຫຍາຍ ແຕ່ອາທິດກ່ອນ. ໃນຂະນະນັ້ນ, ອົງການຮັບຜິດຊອບ ການປະສານງານ ບັນດາການເຄື່ອນໄຫວ ຢູ່ຝັ່ງຕາເວັນຕົກແມ່ນ້ຳ ຈໍແດນ ແລະ ເຂດກາຊາ (COGAT) ຂອງກະຊວງປ້ອງກັນປະເທດ ອິດສະລາແອນ ໃຫ້ຮູ້ວ່າໃນອາທິດຜ່ານມາ, ລົດຂົນສົ່ງເຄື່ອງຊ່ວຍເຫຼືອ 1.200 ຄັນໄດ້, ນຳເຄື່ອງຊ່ວຍເຫລືອ ມະນຸດສະທຳ ປະມານ 23.000 ໂຕນເຄື່ອນຍ້າຍເຂົ້າເຂດກາຊາ. ນອກຈາກນັ້ນ, ລົດຂົນສົ່ງເຄື່ອງຊ່ວຍເຫລືອ ອື່ນໆ 1.200 ຄັນ ກໍ່ໄດ້ມອບໃຫ້ ສປຊ ແລະ ບັນດາອົງການຈັດຕັ້ງສາກົນ ເພື່ອກະກຽມຂົນສົ່ງໄປຍັງ ເຂດກາຊາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
