ຂປລ
ອົງການ ບັນດາປະເທດ ສົ່ງອອກ ນ້ຳມັນ ແລະ ບັນດາ ຄູ່ຮ່ວມມື (OPEC+) ໄດ້ເຫັນດີ ເປັນເອກະພາບ ຫລັກການ ເພີ່ມປະລິມານ ນ້ຳມັນ ນັບແຕ່ ເດືອນກັນຍາ ເມື່ອກຸ່ມນີ້ ປະຕິບັດສຳເລັດ ການລົບລ້າງ ບັ້ນຫລຸດຜ່ອນ ປະລິມານໃຫຍ່ທີ່ສຸດ ໃນສະພາບການ ຄວາມວິຕົກກັງວົນ ຕໍ່ການຂາດວັກ ຂາດຕອນກ່ຽວກັບ ແຫລ່ງສະໜອງຈາກ ຣັດເຊຍ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 3 ສິງຫານີ້, ອົງການ ບັນດາປະເທດ ສົ່ງອອກ ນ້ຳມັນ ແລະ ບັນດາ ຄູ່ຮ່ວມມື (OPEC+) ໄດ້ເຫັນດີ ເປັນເອກະພາບ ຫລັກການ ເພີ່ມປະລິມານ ນ້ຳມັນ ນັບແຕ່ ເດືອນກັນຍາ ເມື່ອກຸ່ມນີ້ ປະຕິບັດສຳເລັດ ການລົບລ້າງ ບັ້ນຫລຸດຜ່ອນ ປະລິມານໃຫຍ່ທີ່ສຸດ ໃນສະພາບການ ຄວາມວິຕົກກັງວົນ ຕໍ່ການຂາດວັກ ຂາດຕອນກ່ຽວກັບ ແຫລ່ງສະໜອງຈາກ ຣັດເຊຍ. ຖະແຫລງການຮ່ວມໂດຍ ອາຣັບບິ ຊາອຸດິ, ຣັດເຊຍ, ອີຣັກ, ສະຫະນະຄອນ ເອເມເຣັດ ອາຣັບ (UAE), ກູເວດ, ກາຊັກສະຖານ, ອານເຊຣີ ແລະ ໂອມານ ໄດ້ເຫັນດີ ເປັນເອກະພາບ ໃນກອງປະຊຸມ ປະຈຳເດືອນ ໂດຍໃຫ້ຮູ້ວ່າ 8 ປະເທດນີ້ ຈະປະຕິບັດ ສຳເລັດ ການປັບປຸງ ເພີ່ມປະລິມານ ຕື່ມອີກ 547.000ຖັງ/ວັນ ໃນເດືອນກັນຍາ ເມື່ອທຽບໃສ່ກັບ ປະລິມານ ຄວາມຮຽກຮ້ອງ ຕ້ອງການຂອງເດືອນສິງຫາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
