ຂປລ
ກົມການເມືອງ ສູນກາງພັກ ກອມມູນິດຈີນ ໄດ້ຈັດກອງປະຊຸມ ໃນວັນທີ 30 ມິຖຸນານີ້ ໂດຍໄດ້ທົທວນຄືນ “ກົດລະບຽບໃນການປະຕິບັດງານ ຂອງອົງການຕັດສິນນະໂຍບາຍ, ປຶກສາຫາລື ແລະ ປະສານງານຂອງສູນກາງພັກ”,
ຂປລ.ວິທະຍຸສາກົນແຫ່ງ ສປ ຈີນ, ກົມການເມືອງ ສູນກາງພັກ ກອມມູນິດຈີນ ໄດ້ຈັດກອງປະຊຸມ ໃນວັນທີ 30 ມິຖຸນານີ້ ໂດຍໄດ້ທົທວນຄືນ “ກົດລະບຽບໃນການປະຕິບັດງານ ຂອງອົງການຕັດສິນນະໂຍບາຍ, ປຶກສາຫາລື ແລະ ປະສານງານຂອງສູນກາງພັກ”, ທ່ານ ສີ ຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກ ກອມມູນິດຈີນ, ເປັນປະທານ ກອງປະຊຸມຄັ້ງນີ້ ໄດ້ຍົກໃຫ້ເຫັນວ່າ ການສ້າງຕັ້ງ ອົງການ ຕັດສິນ ນະໂຍບາຍ, ປຶກສາຫາລື ແລະ ປະສານງານ ຂອງສູນກາງພັກ ເປັນການຈັດວາງ ດ້ານລະບຽບ ການທີ່ສຳຄັນ ແຫ່ງການປັບປຸງ ການນຳພາ ທີ່ລວມສູນ ເປັນເອກະພາບກັນ ຕໍ່ວຽກງານສຳຄັນ ແລະ ຊຸກຍູ້ ການຈັດຕັ້ງປະຕິບັດໜ້າທີ່ ວຽກງານສຳຄັນ ຂອງສູນກາງພັກ. ການວາງກົດລະບຽບ ດັ່ງກ່າວ ໄດ້ເຮັດໃຫ້ ການສ້າງຕັ້ງ, ການກຳນົດໜ້າທີ່ ແລະ ການປະຕິບັດງານ ຂອງອົງການຕັດສິນ ນະໂຍບາຍ, ປຶກສາຫາລື ແລະ ປະສານງານ ຂອງສູນກາງພັກ ໄດ້ມາດຕະຖານ ຍິ່ງຂຶ້ນ ເຊິ່ງມີຄວາມໝາຍສຳຄັນ ຕໍ່ການເສີມຂະຫຍາຍ ບົດບາດ ຕົວຈິງ ເຂົ້າໃນການວາງແຜນ ຂັ້ນສູນກາງ, ການປະສານງານ ເປັນເອກະພາບກັນ, ການຊຸກຍູ້ ແບບກວມລວມ ແລະ ການຕິດຕາມ ການປະຕິບັດ ວຽກງານສຳຄັນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
