ຂປລ
ຂປລ. ໃນວັນທີ 5 ເມສາ 2025 ນີ້, ບັນດາເອກອັກຄະລັດຖະທູດ ຕ່າງປະເທດ ປະຈຳລາວ ແລະ ຜູ້ຕາງໜ້າຈາກອົງການຈັດຕັ້ງສາກົນ ປະຈຳລາວ, ຄະນະນຳຈາກບັນດາແຂວງ, ບັນດາຄອບຄົວການນຳ-ອະດີດການນຳ ພັກ, ລັດ ແລະ ພາກສ່ວນຕ່າງໆ ທັງພາກລັດ ແລະ ເອກະຊົນ ໄດ້ເຂົ້າວາງພວງມາລາ ແລະ ເຊັນປື້ມໄວ້ອາໄລ ຕໍ່ການຈາກໄປຂອງ ສະຫາຍ ພົນເອກ ຄຳໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສປປ ລາວ.
ຂປລ. ໃນວັນທີ 5 ເມສາ 2025 ນີ້, ບັນດາເອກອັກຄະລັດຖະທູດ ຕ່າງປະເທດ ປະຈຳລາວ ແລະ ຜູ້ຕາງໜ້າຈາກອົງການຈັດຕັ້ງສາກົນ ປະຈຳລາວ, ຄະນະນຳຈາກບັນດາແຂວງ, ບັນດາຄອບຄົວການນຳ-ອະດີດການນຳ ພັກ, ລັດ ແລະ ພາກສ່ວນຕ່າງໆ ທັງພາກລັດ ແລະ ເອກະຊົນ ໄດ້ເຂົ້າວາງພວງມາລາ ແລະ ເຊັນປື້ມໄວ້ອາໄລ ຕໍ່ການຈາກໄປຂອງ ສະຫາຍ ພົນເອກ ຄຳໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສປປ ລາວ.
ຄະນະນໍາຈາກບັນດາສະຖານທູດ, ອົງການ ແລະ ແຂວງ ທີ່ເຂົ້າມາວາງພວງມາລາ ໃນພາກເຊົ້າ ປະກອບມີ: ສະຖານທູດຫວຽດນາມ ປະຈຳລາວ, ສະຖານທູດຕີມໍແລັດສະເຕ ປະຈຳລາວ, ອົງການກາແດງລາວ, ສະຖານ ທູດກູບາ ປະຈຳລາວ, ສະຖານທູດມົງໂກນ ປະຈຳລາວ, ສະຖານທູດສິງກະໂປ ປະຈຳລາວ, ສະຫະພາບເອີຣົບ ປະ ຈຳລາວ, ສະຖານທູດຝຣັ່ງ ປະຈຳລາວ, ສະມາຄົມ 67 ຊ່ວຍເຫລືອກັນ ແລະ ພັດທະນາສັງຄົມ, ສະຖານທູດມາເລເຊຍ ປະຈຳລາວ, ເພື່ອນຮ່ວມອະດີດປະຖົມ, ມັດທະຍົມກອງທັບ ແລະ ນັກຮຽນໂຮງຮຽນກຽມດົງໂດກ, ສະຖານ ທູດຍີ່ປຸ່ນ ປະຈຳລາວ, ສະຖານທູດອົດສະຕຣາລີ ປະຈຳລາວ, ສະຖານທູດອິນໂດເນເຊຍ ປະຈຳລາວ, ສະຖານທູດ ມຽນມາ ປະຈຳລາວ, ຫ້ອງການທະນາຄານໂລກ ປະຈຳລາວ, ອົງການສະຫະປະຊາຊາດ ປະຈຳລາວ, ສະຖານທູດອາເມລິກາ ປະຈຳລາວ, ສະຖານທູດການາດາ ປະຈຳລາວ, ຜູ້ຕາງໜ້າຜູ້ບັນຊາການທະຫານບົກ, ທະຫານອາກາດ ແຫ່ງຣາຊະອານາຈັກໄທ, ສະຖານທູດ ສ ເກົາຫລີ ປະຈຳລາວ, ອົງການກອຍກາ (KOICA), ອົງການໂກທາ (KOTRA), ສະຖານທູດອິນເດຍ ປະຈຳ ລາວ ແລະ ສະຖານທູດລັດເຊຍ ປະຈຳ ລາວ.
ພ້ອມນີ້, ຍັງມີຄະນະນຳຈາກແຂວງໄຊຍະບູລີ, ບັນດາຄອບຄົວການນຳ, ອະດີດການນຳ ພັກ, ລັດ, ນັກທຸລະກິດ-ຜູ້ປະກອບການ ແລະ ທະນາຄານຕ່າງໆຢູ່ ສປປ ລາວ ກໍໄດ້ເຂົ້າວາງພວງມາລາ ແລະ ເຊັນປື້ມໄວ້ອາໄລ ເຊັ່ນກັນ.
ການວາງພວງມາລາ ແລະ ເຊັນປື້ມໄວ້ອາໄລ ໃນຄັ້ງນີ້, ເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ ເຖິງຄຸນງາມຄວາມດີ ຂອງ ສະຫາຍ ພົນເອກ ຄຳໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສປປ ລາວ ເຊິ່ງແມ່ນໜຶ່ງໃນການນຳຮຸ່ນທຳອິດ ຂອງພັກປະຊາຊົນ ປະຕິວັດລາວ ເປັນຜູ້ນໍາໃນການຈັດຕັ້ງປະຕິບັດ ແນວທາງປ່ຽນແປງໃໝ່ຮອບດ້ານ ມີຫລັກການຂອງພັກເຮົາ, ທັງແມ່ນນັກຮັກຊາດ, ແມ່ນນັກປະຕິວັດ ແລະ ເປັນຜູ້ນໍາທີ່ດີເດັ່ນຂອງພັກ, ຂອງຊາດເຮົາ, ຕະຫລອດຊີວິດຂອງເພິ່ນໄດ້ອຸທິດສະຕິປັນຍາ, ກຳລັງວັງຊາ ເພື່ອພາລະກິດປະຕິວັດຂອງພັກເຮົາ ເພື່ອການພັດທະນາປະເທດຊາດ ແລະ ຄວາມຢູ່ດີກິນດີ ໃຫ້ແກ່ປະຊາຊົນລາວບັນດາເຜົ່າ.
ຂ່າວ: ທະນູທອງ
ພາບ: ພະແນກຮູບພາບ
KPL
