ຂປລ
ຂປລ. ກອງປະຊຸມ ສະຫລຸບການຈັດຕັ້ງປະຕິບັດວຽກງານແຜນການ ແລະ ການເງິນປະຈຳປີ 2024 ແລະ ທິດທາງແຜນການປະຈໍາປີ 2025 ຂອງກະຊວງສາທາລະນະສຸກ ພາຍໃຕ້ຄໍາຂວັນ "ຕັ້ງໜ້າພັດທະນາວຽກງານ ສາທາລະນະສຸກໃຫ້ມີຄຸນນະພາບ, ທົ່ວເຖິງ ແລະ ທັນສະໄໝ ເທື່ອລະກ້າວ" ຈັດຂຶ້ນໃນວັນທີ 3 ເມສາ 2025 ຢູ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີຮອງລັດຖະມົນຕີ, ຫົວໜ້າຫ້ອງການ ພ້ອມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຂປລ. ກອງປະຊຸມ ສະຫລຸບການຈັດຕັ້ງປະຕິບັດວຽກງານແຜນການ ແລະ ການເງິນປະຈຳປີ 2024 ແລະ ທິດທາງແຜນການປະຈໍາປີ 2025 ຂອງກະຊວງສາທາລະນະສຸກ ພາຍໃຕ້ຄໍາຂວັນ "ຕັ້ງໜ້າພັດທະນາວຽກງານ ສາທາລະນະສຸກໃຫ້ມີຄຸນນະພາບ, ທົ່ວເຖິງ ແລະ ທັນສະໄໝ ເທື່ອລະກ້າວ" ຈັດຂຶ້ນໃນວັນທີ 3 ເມສາ 2025 ຢູ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີຮອງລັດຖະມົນຕີ, ຫົວໜ້າຫ້ອງການ ພ້ອມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ບຸນແຝງ ພູມມະໄລສິດ ໄດ້ໃຫ້ຮູ້ວ່າ: ກອງປະຊຸມຄັ້ງນີ້, ໄດ້ພ້ອມກັນຕີລາຄາຜົນໄດ້ຮັບໃນການຈັດຕັ້ງປະຕິບັດບັນດາວຽກງານຂອງຂະແໜງສາທາລະນະສຸກ ໃນປີ 2024 ຜ່ານມາ ແລະ ພ້ອມກັນປຶກສາຫາລື, ຖອດຖອນບົດຮຽນ ແລະ ເອກະພາບຕໍ່ກັບແນວທາງ, ວຽກງານຈຸດສຸມ ແລະ ວິທີການແກ້ໄຂໃນການຈັດຕັ້ງປະຕິບັດໃນຕໍ່ໜ້າໃຫ້ດີຂຶ້ນກວ່າເກົ່າ. ໃນໄລຍະ 1 ປີຜ່ານມາ, ເຖິງວ່າການຈັດ ຕັ້ງປະຕິບັດແຜນພັດທະນາສາເສດຖະກິດ-ສັງຄົມ ກໍຄື ການຈັດຕັ້ງແຜນພັດທະນາສາທາລະນະສຸກ ທັງຢູ່ສູນກາງ ແລະ ທ້ອງຖິ່ນພົບຂໍ້ຫຍຸ້ງຍາກຫລາຍດ້ານ ເປັນຕົ້ນ ດ້ານບຸກຄະລາກອນ ສາທາລະນະສຸກ, ບັນຫາຜົນກະທົບຈາກໄພພິບັດທຳມະຊາດ ລວມທັງບັນຫາທາງດ້ານເສດຖະກິດ ກໍຄື ງົບປະມານທີ່ຈໍາກັດ ແລະ ບັນຫາອື່ນໆ, ພາຍໃຕ້ການນຳພາ-ຊີ້ນໍາຂອງຄະນະພັກ, ຄະນະນໍາກະຊວງສາທາລະນະສຸກ, ອໍານາດການປົກຄອງທ້ອງຖິ່ນ ແລະ ການນໍາພາຂອງບັນດາແຂວງ ເຮັດໃຫ້ການຈັດຕັ້ງປະຕິບັດແຜນພັດ ທະນາ ສາທາລະນະສຸກປະຈໍາປີ 2024 ສາມາດດໍາເນີນໄດ້ສອດຄ່ອງກັບສະພາບເງື່ອນໄຂຕົວຈິງ ສາ ມາດປະຕິບັດວຽກງານຕາມພາລະບົດບາດ ແລະ ຄວາມຮັບຜິດຊອບຢູ່ແຕ່ລະບ່ອນ ໂດຍການສຸມໃສ່ຈັດຕັ້ງປະຕິບັດ ວຽກງານໄປຕາມແຜນງານ, ແຜນງານຍ່ອຍ ແລະ ໂຄງການຈຸດສຸມຂອງຂະແໜງການ ເຮັດໃຫ້ວຽກງານສາທາລະນະສຸກ ກໍຄື ລະບົບຕາໜ່າງສາທາລະນະສຸກ, ການບໍລິການປິ່ນປົວສຸຂະພາບມີການພັດທະນາ ແລະ ມີຄຸນນະພາບດີຂຶ້ນເທື່ອລະກ້າວ ໂດຍສະເພາະ ສາມາດຄວບຄຸມການລະບາດ ຂອງພະຍາດຕາມລະດູການ ໄດ້ເປັນຢ່າງດີ, ອັດຕາການເສຍຊີວິດຂອງແມ່ ແລະ ເດັກ ບັນລຸໄດ້ຕາມຄາດໝາຍທີ່ວາງໄວ້ ລວມທັງພື້ນຖານໂຄງລ່າງຕາໜ່າງສາທາລະນະສຸກ ໄດ້ຮັບການຍົກລະດັບ ແລະ ປັບປຸງໃຫ້ມີຄຸນນະພາບດີຂຶ້ນເທື່ອລະກ້າວ.
ໂອກາດນີ້, ທ່ານ ບຸນແຝງ ພູມມະໄລສິດ ຍັງໄດ້ຮຽກຮ້ອງມາຍັງບັນດາການນຳ ຂອງບັນດາກົມກອງອ້ອມຂ້າງ ກະຊວງສາທາລະນະສຸກ, ບັນດາແຂວງ, ນະຄອນຫລວງວຽງຈັນ ໃຫ້ເອົາໃຈໃສ່ຕິດຕາມເນື້ອໃນ ການລາຍງານໃນກອງປະຊຸມ ເພື່ອພ້ອມກັນປຶກສາຫາລື, ສົນທະນາແລກປ່ຽນບົດຮຽນ ຄໍາຄິດ ຄໍາເຫັນຢ່າງກົງໄປ-ກົງມາ ແລະ ສ້າງສັນ ເພື່ອເປັນເອກະພາບ ໃນການກໍານົດວິທີການແກ້ໄຂ ແລະ ທິດທາງແຜນການຈັດຕັ້ງປະຕິບັດ ວຽກງານສາທາລະນະສຸກໃນຕໍ່ໜ້າ ໃຫ້ສອດຄ່ອງເໝາະສົມກວ່າເກົ່າ ແລະ ເຮັດໃຫ້ກອງປະຊຸມ ບັນລຸຕາມຈຸດປະສົງຄາດໝາຍ ຂອງແຜນການທີ່ວາງໄວ້.
ພາບ: ອ່າຍຄຳ
KPL
