*ສະຫາຍ ບຸນມີ ບົວລິວັນ ຄະນະປະຈຳພັກເມືອງ ປະທານແນວລາວສ້າງຊາດເມືອງກາສີ ໄດ້ລາຍງານແຜນພັດທະນາເສດຖະກິດ-ສັງຄົມຂອງເມືອງ 5 ປີ ຄັ້ງທີ III ປີ (2020-2024) ແລະ ທິດທາງແຜນການ 5 ປີ ຄັ້ງທີ IV ປີ (2025-2029) ໃນກອງປະຊຸມ ໃຫຍ່ຂອງອົງຄະນະພັກເມືອງກາສີ ຄັ້ງທີ VIII ວ່າ: ເປັນເວລາໄລຍະ 5 ປີຜ່ານມາການພັດທະນາເສດຖະກິດຂອງເມືອງແມ່ນໄປຕາມກົນໄກເສດຖະກິດຕະຫລາດ ເຮັດໃຫ້ມີລວມຍອດຜະລິດຕະພັນພາຍໃນ (GO) ຂະຫຍາຍຕົວສະເລ່ຍໃນລະດັບ 5,41%/ປີ (ແຜນ 6%) ລວມຍອດລາຍຮັບ (GO) ຂອງເມືອງ 784.20 ຕື້ກີບ, ທຽບໃສ່ແຜນປະຕິບັດໄດ້ 97,99% (ແຜນ 800,25 ຕື້ກີບ) ສະເລ່ຍ 5 ປີ ຕໍ່ຫົວຄົນ ປະຕິບັດໄດ້ 17,16 ລ້ານກີບ ຫລື ເທົ່າກັບ 1.245 ໂດລາສະຫະລັດຕໍ່ຄົນຕໍ່ປ (ແຜນ 2.027 ໂດລາສະຫະລັດ) ເທົ່າກັບ 61,43%, ເຊີ່ງສະແດງ ອອກຕາມແຕ່ລະຂະແໜງຄື: ຂະແໜງກະສິກຳຂະຫຍາຍຕົວ 6,61% ກວມເອົາ 47,27% ຂອງ GO, ທຽບໃສ່ປີ 2019 ເພີ່ມຂຶ້ນ 23%; ການຜະລິດເຂົ້າໃນ 5 ປີ ໃນເນື້ອທີ່ລວມ 21.498 ເຮັກຕາ, ປະຕິບັດໄດ້ທັງໝົດ 96.179 ໂຕນ, ສະເລ່ຍ 19.235,8 ໂຕນຕໍ່ປີ, ສະເລ່ຍເຂົ້າກິນ 433.11 ກິໂລຕ່ໍ ຄົນຕໍ່ປີ, ການລ້ຽງສັດເພີ່ມຂຶ້ນໂດຍສະເລ່ຍ 2% ຕໍ່ປີ, ສະໜອງຊີ້ນ, ປາ ແລະ ໄຂ່ໄດ້ 1.119,3 ໂຕນຕໍ່ ປີ, ສະເລ່ຍ 25,60 ກິໂລກຣາມຕໍ່ ຄົນຕໍ່ປີ.

    ສາມາດຜະລິດພືດສະບຽງອາຫານ ແລະ ເປັນສິນຄ້າສະເລ່ຍ 202.699 ໂຕນຕໍ່ປີ, ຈໍາໜ່າຍເປັນ ສິນຄ້າອອກຕ່າງເມືອງຕ່າງແຂວງໄດ້ 7.010 ໂຕນ, ອັນທີ່ພົ້ນເດັ່ນໃນການປູກພືດເປັນສິນຄ້າແມ່ນການປູກໝາກກ້ຽງໃຫຍ່ (ໝາກຜູກ), ໝາກກ້ຽງນ້ອຍມີເນື້ອທີ່ປູກ 596 ເຮັກຕາ, ສໍາລັບການຜະລິດຊີ້ນ, ປາ ແລະ ໄຂ່ເປັນສິນຄ້າໄດ້ 5.097,05 ໂຕນ, ສະເລ່ຍ 561,93 ໂຕນ ຕ່ໍປີ, ເທ່ົາກັບ 21,36% ຂອງ ແຜນການ; ຂະແໜງອຸດສາຫະກຳຂະຫຍາຍຕົວ 5,81% ກວມເອົາ 7,45% ຂອງ GO, ທຽບໃສ່ ປີ 2019 ເພີ່ມຂຶ້ນ 40%; ມູນຄ່າການສົ່ງອອກສິນຄ້າບັນລຸໄດ້ 748,75 ຕື້ກີບ ເທົ່າກັບ 589,5%, ມູນຄ່າການນໍາເຂົ້າປະຕິບັດໄດ້ 410 ກັບ 107,29% ຂອງແຜນການ, ທຽບໃສ່ປີ 2019 ເພີ່ມຂຶ້ນ 7,29%, ດ້ານພະລັງງານ ແລະ ບໍ່ແຮ່, ສາມາດສ້າງມູນຄ່າໄດ້ 104.274,23 ໂດລາສະຫະລັດ, ການຜະລິດພະລັງງານໄຟຟ້າໄດ້ທັງໝົດ 190.799.000 ກິໂລວັດໂມງ, ທຽບໃສແຜນ 5 ປີ 90,10%, ການສົ່ງພະລັງງານໄຟຟ້າສາມາດປະຕິບັດໄດ້ທັງໝົດ 189.882.017 ກິໂລວັດໂມງ ທຽບໃສ່ແຜນ 5  ປີ 88, 93%, ປັດຈຸບັນທົ່ວເມືອງມີບ້ານທີ່ຊົມໃຊ້ໄຟຟ້າຖາວອນ ແລະ ຄອບຄົວນໍາໃຊ້ໄຟຟ້າກວມ 100%, ຂະແໜງບໍລິການຂະຫຍາຍຕົວ 4,4% ກວມເອົາ 45,28% ຂອງ GO ທຽບໃສ່ ປີ 2019 ເພີ່ມຂຶ້ນ 88% ອັນພົ້ນເດັ່ນແມ່ນການຄ້າຂາຍຍົກ-ຂາຍຍ່ອຍປັດຈຸບັນມີ 401 ຫົວໜ່ວຍ, ມີທຶນຈົດທະບຽນທັງໝົດ 766,17 ຕື້ກີບ ແລະ ການບໍລິການບັນລຸໄດ້ 578,29 ຕື້ກີບ ເທົ່າກັບ 113,16% ຂອງແຜນການ, ທຽບໃສ່ 5 ປີ ຜ່ານ ມາເພີ່ມຂຶ້ນ 13,16%; ມູນຄ່າສິນຄ້າສົ່ງອອກບັນລຸໄດ້ 748,75 ຕື້ກີບ; ເທົ່າກັບ 589,5% ຂອງ ແຜນການທຽບໃສ່ປີ 2019 ເພີ່ມ ຂຶ້ນ 489,5% ແລະ ມູນຄ່າການ ນໍາເຂົ້າປະຕິບັດໄດ້ 410,92 ຕ້ື ກີບ, ເທົ່າກັບ 107,29% ຂອງ ແຜນການ, ທຽບໃສ່ປີ 2019 ເພີ່ມຂຶ້ນ 7,29%, ຂະແໜງການບໍລິການທ່ອງທ່ຽວ: ໄດ້ເກັບກຳສະຖິຕິນັກທ່ອງທ່ຽວທີ່ມາພັກເຊົາຢູ່ພາຍໃນເມືອງມີທັງໝົດ 46.502 ເທື່ອຄົນສາມາດສ້າງ ລາຍຮັບທົ່ວສັງຄົມໄດ້ 12,24 ຕື້ກ່ວາກີບ ແລະ ການບໍລິການຂົນສ່ົງສິນຄ້າປະຕິບັດໄດ້ 200 ໂຕນ ແລະ ການຂົນສົ່ງໂດຍສານໄດ້ 44.000 ເທື່ອຄົນ, ດ້ານພາສີ ແລະ ອາກອນຜະລິດຕະພັນ: ກວມເອົາໂຄງປະກອບເສດຖະກິດ ເທ່ົາກັບ 0,44% ສາມາດສ້າງມູນຄ່າໄດ້ 3.876 ຕື້ກີບ, ເທົ່າກັບ 132,92% ຂອງແຜນການ 5 ປີ, ດ້ານງົບປະມານ: ຕາມແຜນ 5 ປີ, ສາມາດປະຕິບັດໄດ້ 12,60 ຕື້ກວ່າກີບ, ເທົ່າກັບ 122,78% (ແຜນ 10,26 ຕື້ກວ່າກີບ) ລື່ນແຜນການ 22,78%, ການລະດົມທຶນ: ແຜນການ 5 ປີ (2020 - 2024) ຄາດຫມາຍການລົງທຶນທົ່ວສັງຄົມໃຫ້ໄດ້ທັງໝົດ 872,61 ຕື້ກີບ, ຜ່ານການຈັດຕັ້ງປະຕິບັດ ການລະດົມທຸກແຫລ່ງທຶນສາມາດບັນລຸໄດ້ 910,94 ຕື້ກີບ, ເທົ່າກັບ 104,39% ຂອງແຜນການ.

     ສຳລັບຄາດໝາຍສູ້ຊົນແມ່ນ ເຮັດໃຫ້ເສດຖະກິດ (GO) ຂະ ຫຍາຍຕົວຢູ່ໃນລະດັບສະເລ່ຍ 5,7% ຕໍ່ປີ, ລວມມູນຄ່າໃຫ້ບັນລຸ ໄດ້ 1.340,18 ຕື້ກີບ, ສະເລ່ຍຕໍ່ຫົວຄົນ 26,01 ລ້ານກີບ/ຄົນ/ປີ

KPL