ຂປລ
ເອຢິບ ທົດລອງປະສິດທິພາບ ສ່ວນຕໍ່ຂະຫຍາຍຄອງ ຊູເອສດ້ວຍຄວາມຍາວ 10 ກິໂລແມັດ ເພື່ອຫລຸດຜົນກະທົບ ຂອງແສນໍ້າ ຕໍ່ການແລ່ນກຳປັ່ນ ແລະ ເພີ່ມຄວາມບັນຈຸ ຂອງທາງນໍ້າສຳຄັນ. ໂດຍກຳປັ່ນບັນທຸກສິນຄ້າ 2 ລຳປະສົບຄວາມສຳເລັດ ໃນການເດີນທາງຜ່ານ ສ່ວນຕໍ່ຂະຫຍາຍ ຄອງຊູເອສ.
ຂປລ.ສຳນັກຂ່າວ ເອເອຟພີ, ເອຢິບ ທົດລອງປະສິດທິພາບ ສ່ວນຕໍ່ຂະຫຍາຍຄອງ ຊູເອສດ້ວຍຄວາມຍາວ 10 ກິໂລແມັດ ເພື່ອຫລຸດຜົນກະທົບ ຂອງແສນໍ້າ ຕໍ່ການແລ່ນກຳປັ່ນ ແລະ ເພີ່ມຄວາມບັນຈຸ ຂອງທາງນໍ້າສຳຄັນ. ໂດຍກຳປັ່ນບັນທຸກສິນຄ້າ 2 ລຳປະສົບຄວາມສຳເລັດ ໃນການເດີນທາງຜ່ານ ສ່ວນຕໍ່ຂະຫຍາຍ ຄອງຊູເອສ.
ຂະນະທີ່ທ່ານ ໂອຊາມາຣາບີຜູ້ອຳນວຍການ ອົງການຄອງຊູເອສກ່າວວ່າ: ການພັດທະນາ ພື້ນທີ່ທາງໃຕ້ຂອງຄອງຈະເພີ່ມ ຄວາມປອດໄພ ໃຫ້ກັບການແລ່ນກຳປັ່ນ ແລະຫລຸດຜົນກະທົບ ຂອງກະແສນໍ້າ ແລະອາກາດຕໍ່ກຳປັ່ນທີ່ແລ່ນຜ່ານ.
ຊຶ່ງກ່ອນໜ້ານີ້ ກຳປັ່ນທີ່ແລ່ນຜ່ານ ຄອງສຸເອຊ ເກຍຕື້ນເປັນບາງຄັ້ງ, ຊຶ່ງສ່ວນໃຫຍ່ ເກີດຈາກລົມແຮງ ແລະພາຍຸຊາຍ, ລວມເຖິງເຫດການ ເມື່ອປີ 2021 ທີ່ກຳປັ່ນບັນທຸກ ຕູ້ຄອນເທັນເນີ ຂະໜາດໃຫຍ່ “ເອເວີຣກີຟເວນ” ເກຍຕື້ນຂວາງຄອງ ຈົນເຮັດໃຫ້ ການຂົນສົ່ງສິນຄ້າ ທາງການປັ່ນທົ່ວໂລກ ຢຸດຈຶ້ງເກືອບ 1 ອາທິດ ແລະ ຄວາມຊັກຊ້າ ໄດ້ເຮັດໃຫ້ ສູນເສຍເງິນ ຫລາຍຕື້ໂດລາສະຫະລັດ.
ການຂະຫຍາຍ ຄອງຊູເອສ ຄັ້ງນີ້ ຈະຊ່ວຍເພີ່ມຈຳນວນ ກຳປັ່ນທີ່ເດີນທາງຜ່ານ ໄດ້ອີກ6-8ລຳຕໍ່ວັນ ແລະ ຈະສາມາດ ໃຊ້ງານໄດ້ຫລັງຈາກ ມີການອອກແບບ ທີ່ແລ່ນກຳປັ່ນ ສະ ບັບໃໝ່.
KPL
