ຂປລ
ທ່ານ ຊາດີຣ ຢາປາຣໍຟ ປະທານາທິບໍດີຂອງ ກຽກກິດສະຖານ ປະກາດເລີ່ມການກໍ່ສ້າງທາງລົດໄຟ ສາຍໃໝ່ຢ່າງເປັນທາງການ ຊຶ່ງເຊື່ອມຕໍ່ລະຫວ່າງ ສປຈີນ, ກຽກກິດສະຖານ ແລະ ອຸດສະເບກິດສະຖານ ໂດຍມີເປົ້າໝາຍ ເພື່ອເປີດພາກພື້ນ ໃຫ້ເປັນເສັ້ນທາງ ຂົນສົ່ງໄປຍັງ ເອີຣົບ.
ຂປລ.ສຳນກັຂ່າວ ເອເອຟພີ, ທ່ານ ຊາດີຣ ຢາປາຣໍຟ ປະທານາທິບໍດີຂອງ ກຽກກິດສະຖານ ປະກາດເລີ່ມການກໍ່ສ້າງທາງລົດໄຟ ສາຍໃໝ່ຢ່າງເປັນທາງການ ຊຶ່ງເຊື່ອມຕໍ່ລະຫວ່າງ ສປຈີນ, ກຽກກິດສະຖານ ແລະ ອຸດສະເບກິດສະຖານ ໂດຍມີເປົ້າໝາຍ ເພື່ອເປີດພາກພື້ນ ໃຫ້ເປັນເສັ້ນທາງ ຂົນສົ່ງໄປຍັງ ເອີຣົບ.
ທາງລົດໄຟດັ່ງກ່າວ ຊຶ່ງມີໄລຍະທາງເກືອບ 523 ກິໂລແມັດ ແລະ ມີຄວາມສຳຄັນ ເຊິ່ງຍຸດທະສາດ ຈະເຊື່ອມຍາວອອກຈາກ ທາງຕາເວັນຕົກ ຂອງເມືອງ ຄັຊກາຣ ໃນເຂດປົກຄອງຕົນເອງ ຊິນຈຽງອຸຍກູຂອງສປຈີນຜ່ານເມືອງຍາລາລ-ອາບັດຊຶ່ງເປັນເມືອງຊາຍແດນຂອງກຽກກິດສະຖານ ໄປຈົນເຖິງເມືອງອັນຕິຈານຂອງອຸດສະເບກິດສະຖານ.
ຂະນະທີ່ ທາງລົດໄຟເຊື່ອມຕໍ່ 3 ປະເທດຈະແບ່ງອກປັນ 3 ສ່ວນໄດ້ແກ່ ສປຈີນ, ກຽກກິດສະຖານ ແລະອຸດສະເບກິດສະຖານ , ໂດຍຄວາມຍາວຂອງ ເສັ້ນທາງແຕ່ລະສ່ວນ ຈະຢູ່ທີ່ປະມານ 155 ກິໂລແມັດ, 305 ກິໂລແມັດ ແລະ 63 ກິໂລແມັດຕາມລຳດັບ.
ເສັ້ນທາງນີ້ ຈະຊ່ວຍໃຫ້ໝັ້ນໃຈວ່າສິນຄ້າຕ່າງໆ ຈາກສປຈີນຈະສົ່ງມາຍັງກຽກກິດສະຖານ ແລະສົ່ງຕໍ່ໄປຍັງພາກພື້ນອາຊີກາງ ແລະປະເທດໃກ້ຄຽງລວມເຖິງຕວັກກີ ແລະສະຫະພາບ ເອີຣົບ (ອີຢູ).
KPL
