ຂປລ
ທ່ານ ນາງ ເມົານິງ, ໂຄສົກ ກະຊວງ ການຕ່າງປະເທດຈີນ ໄດ້ຈັດກອງປະຊຸມ ຖະແຫລງຂ່າວ ກ່ຽວກັບ ກອງປະຊຸມ ຄັ້ງທີ 2 ຂອງກົນໄກແລກປ່ຽນ ແລະ ປຶກສາຫາລື ດ້ານວັດທະນະທຳ ຂັ້ນສູງ ຈີນ-ຍີ່ປຸ່ນ ໄດ້ຈັດຂຶ້ນ ຢູ່ນະຄອນຫລວງ ປັກກິ່ງ ຂອງ ສປຈີນ ເມື່ອບໍ່ດົນມານີ້
ຂປລ.ວິທະຍຸ ສາກົນ ແຫ່ງ ສປ ຈີນ,ວັນທີ 26 ທັນວານີ້, ທ່ານ ນາງ ເມົານິງ, ໂຄສົກ ກະຊວງ ການຕ່າງປະເທດຈີນ ໄດ້ຈັດກອງປະຊຸມ ຖະແຫລງຂ່າວ ກ່ຽວກັບ ກອງປະຊຸມ ຄັ້ງທີ 2 ຂອງກົນໄກແລກປ່ຽນ ແລະ ປຶກສາຫາລື ດ້ານວັດທະນະທຳ ຂັ້ນສູງ ຈີນ-ຍີ່ປຸ່ນ ໄດ້ຈັດຂຶ້ນ ຢູ່ນະຄອນຫລວງ ປັກກິ່ງ ຂອງ ສປຈີນ ເມື່ອບໍ່ດົນມານີ້ ໄດ້ສະຫລຸບ ຄວາມຄືບໜ້າ ດ້ານການແລກປ່ຽນ ໃນຂົງເຂດ ວັດທະນະທຳ ລະຫວ່າງ ສອງປະເທດ ນັບແຕ່ ກອງປະຊຸມ ຄັ້ງປະຖົມມະເລີກ ເປັນຕົ້ນມາ ແລະ ໄດ້ບັນລຸ ຄວາມຮັບຮູ້ ທີ່ເປັນ ເອກະພາບກັນ 10 ລາຍການ ກ່ຽວກັບ ການແລກປ່ຽນ ແລະ ການຮ່ວມມື ໃນຂົງເຂດ ໄວໜຸ່ມ ເຍົາວະຊົນ, ການສຶກສາ, ການທ່ອງທ່ຽວ, ເມືອງແຮກສ່ຽວ, ກິລາ, ວັດທະນະທຳ-ການບັນເທີງ, ຄັງປັນຍາສື່ມວນຊົນ, ແມ່ຍິງ ແລະອື່ນໆ.ພ້ອມທັງ ເປີດກວ້າງ ການໄປມາຫາສູ່ກັນ ສອງຝ່າຍ, ປະດິດສ້າງໃໝ່ ດ້ານເນື້ອໃນ ການໄປມາ ຫາສູ່ກັນ, ສ້າງຄວາມຮັບຮູ້ ເຊິ່ງກັນ ແລະ ກັນ ທີ່ຖືກຕ້ອງ ແລະ ພາວະວິໄສ, ສ້າງຂົວຕໍ່ ການແລກປ່ຽນ ໄມຕີຈິດ ມິດຕະພາບ ລະຫວ່າງ ປະຊາຊົນ ໃຫ້ຫລາຍກວ່າເກົ່າ, ຊຸກຍູ້ ໃຫ້ການພົວພັນຈີນ-ຍີ່ປຸ່ນ ພັດທະນາ ຢ່າງປອດໃສ ແລະ ໝັ້ນທ່ຽງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
