*ແພ​ໄໝລາວ ອີກໜຶ່ງຄວາມ​ພາກພູມ​ໃຈ​ຂອງ​ຄົນ​ລາວ​ ເປັນ​ເອກະລັກຄຽງຄູ່​ແມ່ຍິງ​ລາວ​ມາ​ແຕ່​ດົນານ ທີ່​ຂາດ​ບໍ່​ໄດ້​​ໃນ​ງານ​ທີ່​ຄວາມໝາຍຄວາມ​ສໍາຄັນ​ຕ່າງໆ ບໍ່ວ່າ​ຈະ​ເປັນ​ການ​ເຂົ້າ​ວັດ​​ໃນ​ມື້​ວັນ​ສິນ​ວັນ​ພະລວມທັງ​ງານ​ປະ​ເພນີ​ອື່ນໆ ​ເຄື່ອງ​ອາພອນ​ແພ​ໄໝລາວ​ກໍ​ຈະ​ເປັນ​ເຄື່ອງນຸ້ງຫົມ​ທີ່​ໄດ້​ຮັບ​ຄວາມ​ນິຍົມ​ໃສ່​ກັນ ສະ​ນັ້ນ, ​ໃນ​ປັດຈຸບັນ ຈຶ່ງ​ມີ​ຫລາຍ​ຄົນ​ຫັນ​ມາ​ເອົາ​ດີ​ໃນ​ອາຊີບ​ຂາຍ​ເຄື່ອງ​ໄໝ ​ເໝືອນກັບ ນາງທ່ານນາງ ປະນິດາ ແກ້ວວຽງຄຳ ​ເຈົ້າ​ຂອງ​ຮ້ານ ປະ​ນິດາ​ແພ​ໄໝລາວທີ່​ລູກ​ຄ້າ​ໄວ້​ວາງ​ໃຈ​ໃຊ້​ບໍລິການ​ແບບ​ບໍ່​ຜິດ​ຫວັງ​ເລີຍ.

     ທ່ານນາງ ປະນິດາ ແກ້ວວຽງຄຳ : ແຮງບັນດານໃຈໃນການສ້າງທຸລະກິດດ້ານນີ້ ແມ່ນມາຈາກຕົນເອງເປັນຜູ້ທີ່ມັກໃສ່​ແພໄໝຢູ່ແລ້ວ ຮັກໃນຄຸນຄ່າຂອງ​ແພ ໄໝທີ່ເປັນງານສີມື ໂດຍການຕໍ່າຜ້າຜືນໜຶ່ງບໍ່ແມ່ນ​ເລື່ອງ​ງ່າຍ ຕ້ອງ​ໃຊ້​ຄວາມ​ອົນ​ທົນ ຄວາມ​ປາ​ນິດ ​ແລະ ຄວາມ​ຊໍານິ​ຊໍາ​ນານ ເພາະວ່າ​ແພໄໝເປັນເອກະລັກຂອງຄົນລາວເຮົາ ເປັນຊັບສິນທາງປັນຍາທີ່ມີຄຸນຄ່າຂອງຄົນລາວເຮົາ ເປັນອາພອນທີ່ເສີມສ້າງຄວາມສະຫງ່າງາມ ແລະ ມົນສະເໜ່ທີ່ຖືກຈິດຕ້ອງໃຈແກ່ຜູ້ນຸ່ງ​ຫົ່​ມ ເພື່ອເຜີຍແຜ່ວັດທະນະທຳ, ຮີດຄອງປະເພນີທີ່ດີງາມຂອງລາວໃຫ້ສາກົນໄດ້ຮັບຮູ້ຫລາຍຂຶ້ນ ຂ້າພະເຈົ້າໄດ້ຕັດສິນໃຈເປີດຮ້ານປະນິດາຜ້າໄໝລາວ PANIDA LAO SILK ຂຶ້ນມາຢ່າງເປັນທາງການໃນປີ 2017 ມາຮອດປະຈຸບັນຮ້ານປະນິດາຜ້າໄໝລາວຖືວ່າໄດ້ຮັບຄວາມນິຍົມຊົມຊອບເປັນຢ່າງດີຈາກລູກຄ້າໃນສັງຄົມທີ່ນັບມື້ນັບເພີ່ມຂຶ້ນທັງພາຍໃນ ແລະ ຕ່າງປະເທດ , ຄວາມພົ້ນເດັ່ນຂອງຜະລິດຕະພັນພາຍໃນຮ້ານປະນິດາ ​ແພໄໝລາວ ແມ່ນຈະຢູ່ທີ່ການອອກແບບລາຍຜ້າໄໝທີ່ເປັນເອກກະລັກສະເພາະຂອງຕົນເອງ ແລະ ໄດ້ເລືອກນຳໃຊ້ວັດຖຸດິບທີ່ມີຄຸນນະພາບສູງໃນການຜະລິດແຜ່ນແພ ແລະ ນຳໃຊ້ໃຊ້ນາຍຊ່າງຕຳຫູກທີ່ມີສີໄມ້ລາຍມືອັນໂດດເດັ່ນ ມີຄວາມຊຳນານງານໃນການຕໍ່າແຜ່ນແພແບບພື້ນເມືອງ ທີ່ໄດ້ຮັບການສືບທອດຈາກບັນພະບູລຸດ ​ແລະ ປັດຈຸບັນຮ້ານປະນິດາ​ແພໄໝລາວ ການບໍລິການ​ແພໄໝແບບຄົບວົງຈອນໃຫ້ກັບລູກຄ້າ, ໂດຍມີການບໍລິການຫລັກໆໃນດ້ານການຈຳໜ່າຍຜ້າໄໝພື້ນເມືອງລາວ ທີ່ມີລວດລາຍອັນໂດດເດັ່ນ ທີ່ບໍ່ຊໍ້າແບບໃຜ. ພ້ອມດຽວກັນນີ້, ເພື່ອອຳນວຍຄວາມສະດວກໃຫ້ກັບລູກຄ້າທັງພາຍໃນ ແລະ ຕ່າງປະເທດກໍມີການບໍລິການຈັດສົ່ງສິນຄ້າເຖິງສະຖານທີ່, ໂດຍຮັບປະກັນດ້ານຄວາມປອດໄພຂອງຂາຍ-ຊື້ຂາຍທາງອອນໄລ ໃຫ້ກັບລູກຄ້າ ພ້ອມດຽວກັນນີ້ຮ້ານປະນິດາຜ້າໄໝແມ່ນບໍລິການຮັບຕັດຊຸດຜ້າໄໝ ຕາມຄວາມຕ້ອງການຂອງລູກຄ້າ, ໃນນີ້ຫລັກໆແມ່ນຈະເນັ້ນເສື້ອຜ້າສຳລັບທ່ານຍິງເຊັ່ນ : ຜ້າສິ້ນ, ຊຸດຜ້າບ່ຽງ, ເສື້ອໄໝ, ຕໍ່າລາຍຜ້າຕາມຄວາມຕ້ອງການຂອງລູກຄ້າ.

    ທ່ານນາງ ປະນິດາ ແກ້ວວຽງຄຳ : ຂ້າພະເຈົ້າຢາກຝາກເຖິງທຸກໆທ່ານໃນສັງຄົມ ໃຫ້ພ້ອມໃຈກັນປົກປັກຮັກສາງານຫັດຖະກຳຜ້າໄໝລາວ ໃຫ້ຍືນຍົງຄຽງຄູ່ກັບສັງຄົມລາວຕະຫລອດໄປ ເພື່ອເປັນການສ້າງພື້ນຖານຊຸກຍູ້ ຕະຫລາດຜ້າໄໝລາວໃຫ້ກວ້າງຂວາງຂຶ້ນໃນເວທີສາກົນ ​ແລະ ຂ້າພະ​ເຈົ້າ​ເອງ ໃນນາມນັກທຸລະກິດຜູ້ໜຶ່ງແມ່ນມີແຜນສ້າງ ແລະ ພັດທະນາໃຫ້ທຸລະກິດຜ້າໄໝລາວທີ່​ໃຫ້ດີທີ່ສຸດ ພ້ອມດຽວກັນກໍ ແມ່ນມີແຜນສ້າງເປັນພິພິດຕະພັນເຮືອນຕໍ່າຫູກແບບບູຮານໃຫ້ລູກຄ້າຜູ້ທີມີຄວາມສົນໃຈສຶກສາຄົ້ນຄວ້າກຳມະວິທີດ້ານການຕໍ່າແຜ່ນແພແບບພື້ນເມືອງລາວ ສາມາດມາຢ້ຽມຊົມ ແລະ ສຶກສາຄົ້ນຄວ້າໄດ້ນຳດ້ວຍ.  ລູກຄ້າທ່ານໃດທີ່ສົນໃຈຜະລິດຕະພັນຂອງຮ້ານປະນິດາ ຜ້າໄໝລາວ ແມ່ນສາມາດສອບຖາມຂໍ້ມູນເພີ່ມຕື່ມໄດ້ສະຖານທີ່ຕັ້ງຢູ່ ບ້ານ ຂາມງອຍ ຮ່ອມ36  ເມືອງ ໄຊເຊດຖາ  ນະຄອນຫລວງວຽງຈັນ   ໝາຍເລກໂທລະສັບ : 020 23666365. ເຟສບຸກ : PANIDA LAO SILK.

ຂຽນ: ມາລີດາ