*ເມື່ອບໍ່ດົນມານີ້ ເມືອງຮົ່ມ ແຂວງໄຊສົມບູນ ໄດ້ສະຫລຸບການປະເມີນມາດຕະຖານພົ້ນທຸກ ແລະ ມາດຕະຖານພັດທະນາຕາມດຳລັດ 348/ລບ, ທ່ີສະໂມສອນຂອງເມືອງ, ໂດຍການເປັນປະທານຂອງ ທ່ານ ຈູນດາ ຄຳບູນມີ ເລຂາພັກເມືອງ, ເຈົ້າເມືອງໆຮົ່ມ, ມີບັນດາຫົວໜ້າ, ຮອງຫົວໜ້າຫ້ອງການ, ກົມກອງຂອງເມືອງເຂົ້າຮ່ວມ.

      ທ່ານ ຄົວທໍ່ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງກ່າວວ່າ: ການຈັດຕັ້ງປະຕິບັດ ບ້ານ ພົ້ນທຸກ ແລະ ບ້ານພັດທະນາທົ່ວເມືອງ ມີຈໍານວນຄອບຄົວທີ່ບັນລຸຄົບ 6 ມາດຖານ ຄອບຄົວພ້ົນທຸກມີ 1.114 ຄອບຄົວກວມ 66,15%, ຄອບຄົວທີ່ບັນລຸ 5 ມາດຕະຖານມີ 309 ຄອບຄົວກວມ 18,35%, ຄອບຄົວທີ່ບັນລຸ 4 ມາດຕະຖານ ມີ 162 ຄອບຄົວກວມ 9,62%, ຄອບຄົວທີ່ບັນລຸຕໍ່າກວ່າ 4 ມາດຕະຖານມີ 99 ຄອບຄົວກວມ 5,88%. ສັງລວມແລ້ວທົ່ວເມືອງມີ 1.114 ຄອບຄົວພົ້ນທຸກ, ມີ 570 ຄອບຄົວທຸກຍາກ, ຄອບຄົວທີ່ບັນລຸ ຄົບ 19 ຕົວຊີ້ບອກຂອງຄອບຄົພັດທະນາມີ 516 ຄອບຄົວ ກວມ 30,64%, ຄອບຄົວທີ່ບັນລຸ 18 ຕົວຊີ້ບອກມີ 427 ຄອບຄົວ ກວມ 25,36%, ຄອບຄົວທີ່ບັນລຸ 17 ຕົວຊີ້ບອກມີ 265 ຄອບຄົວ ກວມ 15,74%, ຄອບຄົວທີ່ບັນລຸ 16 ຕົວຊີ້ບອກລົງມາມີ 476 ຄອບຄົວ ກວມ 28,27%. ສັງລວມແລ້ວທົ່ວ ເມືອງມີ 516 ຄອບຄົວພັດທະນາ. ຂະນະທີ່ບ້ານທີ່ບັນລຸຄົບ 8 ມາດຕະຖານບ້ານພົ້ນທຸກມີ 1 ບ້ານ ກວມ 11,11%, ບ້ານທີ່ບັນລຸ 7 ມາດຕະຖານມີ 4 ບ້ານ ກວມ 44,45%, ບ້ານທີ່ບັນລຸ 6 ມາດຕະ ຖານມີ 2 ບ້ານ ກວມ 22,22%, ບ້ານທີ່ບັນລຸ 5 ມາດຕະຖານມີ 1 ບ້ານ ກວມ 11,11%, ບ້ານທີ່ບັນລຸ 4 ມາດຕະຖານມີ 1 ບ້ານ ກວມ 11,11%, ບ້ານທີ່ບັນລຸ 3 ມາດຕະ ຖານມີ 0 ບ້ານ, ບ້ານທີ່ບັນລຸຕໍ່າ 3 ມາດຕະຖານມີ 0 ບ້ານ.

      ໂດຍລວມແລ້ວ ທົ່ວເມືອງມີພຽງ 1 ບ້ານທີ່ພົ້ນທຸກ, ມີ 8 ບ້ານທຸກຍາກ. ນອກຈາກນີ້, ບ້ານທີ່ບັນລຸຄົບ 88 ຕົວຊີ້ບອກຂອງບ້ານພັດທະນາມີ 0 ບ້ານ, ບ້ານທີ່ບັນລຸ 80-87 ຕົວຊີ້ບອກມີ 0 ບ້ານ, ບ້ານທີ່ບັນລຸ 70-79 ຕົວຊີ້ບອກ ມີ 2 ບ້ານກວມ 22,22%, ບ້ານທີ່ບັນລຸ 60-69 ຕົວຊີ້ບອກມີ 1 ບ້ານກວມ 11,11%, ບ້ານທີ່ບັນລຸຕໍ່າກວ່າ 60 ຕົວຊີ້ບອກມີ 6 ບ້ານກວມ 66,67%. ທ່ານ ຈູນດາ ຄຳບູນມີ ເລຂາພັກເມືອງ, ເຈົ້າເມືອງໆຮົ່ມ ໄດ້ຊີ້ນຳຕໍ່ກອງປະຊຸມໂດຍໄດ້ຮຽກຮ້ອງໃຫ້ບັນດາຫ້ອງການທີ່ກ່ຽວຂ້ອງ ຈົ່ງສຸມໃສ່ຄົ້ນຄວ້າບັນຫາ ແລະ ຂໍ້ຄົງຄ້າງນຳມາແກ້ໄຂບັນຫາຕາມບັນດາມາດຖານເງື່ອນໄຂຂອງ ການສ້າງບ້ານພົ້ນທຸກ ແລະ ບ້ານພັດທະນາ ເປັນຕົ້ນແມ່ນໃຫ້ຂະແໜງການທີ່ກ່ຽວຂ້ອງເອົາໃຈໃສ່ໃນການລົງໄປຊຸກຍູ້ ແລະ ແກ້ໄຂໃຫ້ພໍ່ແມ່ປະຊາຊົນຕາມທ່າແຮງຂອງບ້ານນັ້ນໆ ເພື່ອຜະລິດເປັນສິນຄ້າປ້ອນຕະຫລາດພ້ອມທັງຊຸກຍູ້ສົ່ງເສີມບັນດາຄອບຄົວທີ່ຍັງບໍ່ທັນຄົບຕາມມາດຖານເງ່ືອນໄຂໃຫ້ຫລຸດນ້ອຍຖອຍລົງ ໂດຍການຈັດຫາພື້ນທີ່ການຜະລິດໃຫ້ປະຊາຊົນທຳການຜະລິດນັບມື້ເພີ່ມຂຶ້ນ.

KPL