ຂປລ
ຂປລ. ກະຊວງໂຍທາທິການ ແລະ ຂົນສົ່ງ (ຍທຂ) ເຜີຍແຜ່ເຊື່ອມຊຶມມະຕິຄົບຄະນະ ບໍລິຫານງານສູນກາງພັກ ຄັ້ງທີ 9 ສະໄໝທີ XI ໃນວັນທີ 18 ທັນວາ 2024 ໃຫ້ພະນັກງານຫລັກແຫລ່ງພາຍໃນກະຊວງ ຍທຂ ທັງນີ້ ກໍເພື່ອເຮັດໃຫ້ພະນັກງານ-ລັດຖະກອນ ໄດ້ເຊື່ອມຊຶມແລ້ວນຳໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນວຽກງານທີ່ຕົນຮັບຜິດຊອບ ໃຫ້ມີປະສິດທິພາບ.
ຂປລ. ກະຊວງໂຍທາທິການ ແລະ ຂົນສົ່ງ (ຍທຂ) ເຜີຍແຜ່ເຊື່ອມຊຶມມະຕິຄົບຄະນະ ບໍລິຫານງານສູນກາງພັກ ຄັ້ງທີ 9 ສະໄໝທີ XI ໃນວັນທີ 18 ທັນວາ 2024 ໃຫ້ພະນັກງານຫລັກແຫລ່ງພາຍໃນກະຊວງ ຍທຂ ທັງນີ້ ກໍເພື່ອເຮັດໃຫ້ພະນັກງານ-ລັດຖະກອນ ໄດ້ເຊື່ອມຊຶມແລ້ວນຳໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດເຂົ້າໃນວຽກງານທີ່ຕົນຮັບຜິດຊອບ ໃຫ້ມີປະສິດທິພາບ.
ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ຍົກໃຫ້ເຫັນເຖິງ ການຕີລາຄາການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳປີ 2024 ແລະ ທິດທາງແຜນການ ປີ 2025 ຕິດພັນກັບການຕີລາຄາ ການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ; ບັນດາຜົນສໍາເລັດພື້ນຖານ ໃນການຈັດຕັ້ງປະຕິບັດ ບັນດາຄາດໝາຍສູ້ຊົນຕ່າງໆ ຂອງແຜນພັດທະນາເສດຖະກິດ-ສັງຄົມ ປະຈໍາປີ 2024, ຊຶ່ງຄາດຄະເນວ່າໝົດປີອັດຕາການເຕີບໂຕຂອງ ຈີດີພີ ຈະບັນລຸໄດ້ 4,6% ການຈັດເກັບລາຍຮັບບັນລຸໄດ້ຕາມແຜນການ ຫລາຍທ້ອງຖິ່ນປະຕິບັດໄດ້ເກີນແຜນ, ການຄຸ້ມຄອງປະລິມານເງິນທີ່ຢູ່ໃນລະບົບ, ອັດຕາແລກປ່ຽນໄດ້ຫັນເປັນທັນສະໄໝ, ເປັນລະບົບກວ່າເກົ່າ ແລະ ຢູ່ໃນລະດັບທີ່ຄວບຄຸມໄດ້, ການຜະລິດພາຍໃນມີຫລາຍດ້ານເພີ່ມຂຶ້ນ ເວົ້າລວມແລ້ວຫລາຍມາດຕະການ ດ້ານເສດຖະກິດ-ສັງຄົມທີ່ວາງອອກ ໄດ້ຖືກຈັດຕັ້ງປະຕິບັດມີຜົນສໍາເລັດເປັນສ່ວນໃຫຍ່; ເສດຖະກິດມະຫາພາກສືບຕໍ່ ມີສະຖຽນລະພາບ ແລະ ຂະຫຍາຍຕົວຕໍ່ເນື່ອງ. ພ້ອມກັນນັ້ນກໍໄດ້ຍົກໃຫ້ເຫັນ ການຈັດຕັ້ງປະຕິບັດ ວຽກງານປ້ອງກັນຊາດ, ປ້ອງກັນຄວາມສະຫງົບ ປະຈຳປີ 2024 ແລະ ທິດທາງປີ 2025; ຜົນການດຳເນີນກອງປະຊຸມໃຫຍ່ ຂັ້ນຮາກຖານພັກອ້ອມຂ້າງເມືອງ, ນະຄອນ, ຮາກຖານບ້ານ; ການກະກຽມ ແລະ ດຳເນີນກອງປະຊຸມໃຫຍ່ອົງຄະນະພັກເມືອງ, ນະຄອນ, ຮາກຖານພັກອ້ອມຂ້າງແຂວງ, ກະຊວງອົງການ; ການປັບປຸງເອກະສານ ທີ່ຈະນໍາເຂົ້າລາຍງານຕໍ່ກອງປະຊຸມໃຫຍ່ ຜູ້ແທນທົ່ວປະເທດສະໄໝທີ XII ຂອງພັກ (ຮ່າງໂຄງການການເມືອງຂອງພັກ ສະບັບທີ 3 ຮ່າງລາຍງານການເມືອງ, ຮ່າງແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X, ການປັບປຸງກົດລະບຽບຂອງພັກ ສະໄໝທີ XI ແລະ ການປັບປຸງລັດຖະທຳມະນູນ ສະບັບປີ 2015.
ກອງປະຊຸມ, ຍັງໄດ້ຮັງຟັງການເຜີຍແຜ່ເຊື່ອມຊຶມຄໍາແນະນໍາ ວ່າດ້ວຍການສ້າງຂະບວນການແຂ່ງຂັນ ແລະ ຍ້ອງຍໍເພື່ອສະເຫລີມສະຫລອງ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ; ວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ; ເຜີຍແຜ່ເຊື່ອມຊຶມຄໍາສັ່ງແນະນໍາ ຂອງຄະນະເລຂາທິການສູນກາງພັກ ວ່າດ້ວຍການຜັນຂະຫຍາຍ ມະຕິຂອງກົມການເມືອງສູນກາງພັກ ກ່ຽວກັບການກະກຽມ ແລະ ສະເຫລີມສະຫລອງ 3 ວັນ ປະຫວັດສາດ. KPL
