ຂປລ
ຂປລ. ການແຂ່ງຂັນກິລາເຕະບານ ນັກຮຽນມັດທະຍົມສຶກສາ ທົ່ວປະເທດ ຊີງຂັນກະຊວງສຶກສາທິການ ແລະ ກິລາ ຄັ້ງທີ VII ລາຍການ Copa Coca-Cola Laos 2024 ໃນລະຫວ່າງວັນທີ 21 ຕຸລາ ຫາ ວັນທີ 29 ພະຈິກ 2024 ຜ່ານມາ ຢູ່ນະຄອນຫລວງວຽງຈັນ ໄດ້ປິດລົງດ້ວຍຜົນສຳເລັດ. ຜ່ານການແຂ່ງຂັນ ທີມນັກເຕະຊາຍ ຈາກແຂວງຫລວງພະບາງ ໄດ້ອັບດັບ 1 ໄປຄອງ, ໄດ້ອັບ 2 ໄດ້ແກ່ ທີມນັກເຕະ ມສ ດອນໜູນ ຈາກນະຄອນຫລວງວຽງຈັນ ແລະ ອັນດັບ 3 ໄດ້ແກ່ ມສ ເຄເອັນຊີ ຈາກນະຄອນຫລວງວຽງຈັນ.
ຂປລ. ການແຂ່ງຂັນກິລາເຕະບານ ນັກຮຽນມັດທະຍົມສຶກສາ ທົ່ວປະເທດ ຊີງຂັນກະຊວງສຶກສາທິການ ແລະ ກິລາ ຄັ້ງທີ VII ລາຍການ Copa Coca-Cola Laos 2024 ໃນລະຫວ່າງວັນທີ 21 ຕຸລາ ຫາ ວັນທີ 29 ພະຈິກ 2024 ຜ່ານມາ ຢູ່ນະຄອນຫລວງວຽງຈັນ ໄດ້ປິດລົງດ້ວຍຜົນສຳເລັດ. ຜ່ານການແຂ່ງຂັນ ທີມນັກເຕະຊາຍ ຈາກແຂວງຫລວງພະບາງ ໄດ້ອັບດັບ 1 ໄປຄອງ, ໄດ້ອັບ 2 ໄດ້ແກ່ ທີມນັກເຕະ ມສ ດອນໜູນ ຈາກນະຄອນຫລວງວຽງຈັນ ແລະ ອັນດັບ 3 ໄດ້ແກ່ ມສ ເຄເອັນຊີ ຈາກນະຄອນຫລວງວຽງຈັນ. ສຳລັບ ທີມນັກເຕະຍິງ ແຂວງຈຳປາສັກ ໄດ້ອັນດັບ 1 ໄປຄອງ, ອັນດັບ 2 ມສ ໂຄກສີວິໄຊ ຈາກນະຄອນຫລວງວຽງຈັນ ແລະ ອັນດັບ 3 ແຂວງຫລວງພະບາງ ໃຫ້ກຽດເຂົ້າຮ່ວມ ແລະ ມອບລາງວັນ ມີທ່ານ ສໍາລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ສີຈັນ ຈິດຕະປັນຍາ ວ່າການຫົວໜ້າກົມກິລາລະດັບສູງ, ທ່ານ ພະສິນ ປັນດີ ຜູ້ຈັດການໃຫຍ່ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈໍາກັດ, ທ່ານ ຄໍາຫວັນ ນັນທະວົງ ປະທານສະຫະພັນກິລາບານເຕະ ນະຄອນຫລວງວຽງຈັນ, ມີພາກສ່ວນກ່ຽວຂ້ອງ ແລະ ມວນຊົນ ເຂົ້າຮ່ວມ.
ສໍາລັບ ລາງວັນ ທັງ 2 ປະເພດ ແມ່ນໄດ້ຮັບເທົ່າກັນ ຄື: ຊະນະເລີດ ໄດ້ຮັບຂັນ 1 ໜ່ວຍ, ຫລຽນລາງວັນ 25 ຫລຽນ, ພ້ອມເງິນລາງວັນ 50 ລ້ານກີບ ແລະ ຜະລິດຕະພັນອື່ນໆ 20 ລ້ານກີບ, ລວມມູນຄ່າທັງໝົດ 70 ລ້ານກີບ; ອັນດັບ 2 ໄດ້ຮັບຫລຽນລາງວັນ 25 ຫລຽນ, ພ້ອມເງິນລາງວັນ 30 ລ້ານກີບ ແລະ ຜະລິດຕະພັນອື່ນໆ 10 ລ້ານກີບ, ລວມມູນຄ່າທັງໝົດ 40 ລ້ານກີບ ແລະ ອັນດັບ 3 ໄດ້ຮັບຫລຽນລາງວັນ 25 ຫລຽນ ພ້ອມເງິນລາງວັນ 15 ລ້ານກີບ ແລະ ຜະລິດຕະພັນອື່ນໆ 5 ລ້ານກີບ, ລວມມູນຄ່າທັງໝົດ 20 ລ້ານກີບ.
ການແຂ່ງຂັນເຕະບານ ໃນຄັ້ງນີ້, ຕົວແທນຂອງນະຄອນຫລວງວຽງຈັນ ມີ 4 ທີມຊາຍ ຄື: ໂຮງ ຮຽນ ມສ ດອນໜູນ (ເມືອງໄຊທານີ), ໂຮງຮຽນ ມສ ເຄເອັນຊີ (ເມືອງຫາດຊາຍຟອງ), ໂຮງຮຽນ ມປ ໂນນສະຫວ່າງ (ເມືອງໄຊເສດຖາ) ແລະ ໂຮງຮຽນ ມສ ນາຊາຍທອງ (ເມືອງນາຊາຍທອງ). ສ່ວນທີມຍິງ ມີ 2 ທີມ ຄື: ໂຮງຮຽນ ມສ ໂຄກສີວິໄລ (ເມືອງໄຊທານີ) ແລະ ໂຮງຮຽນ ມສ ສົມສະຫວາດ (ເມືອງປາກງື່ມ). ສຳລັບ ຕົວແທນເຂດພາກເໜືອ ມີ 2 ທີມຊາຍ ມີແຂວງຫລວງນໍ້າທາ ແລະ ແຂວງຫລວງພະບາງ, ສ່ວນທີມຍິງ ແຂວງຫລວງພະບາງ ມີ 1 ທີມ ແລະ ຕົວແທນເຂດພາກໃຕ້ ມີ 2 ທີມຊາຍ ມີແຂວງສະຫວັນນະເຂດ, ແຂວງສາລະວັນ ແລະ ມີ 1 ທີມຍິງ ຈາກແຂວງຈໍາປາສັກ.
ຂ່າວ: ທະນູທອງ
KPL
