ຂປລ
ເກີດເຫດ ຢຽບກັນ ເສຍຊີວິດ ສູງເຖິງ 100 ຄົນ ມີທັງເດັກ ແລະ ຜູ້ໃຫຍ່ ໃນສະໜາມເຕະບານ ໃນເມືອງ ເອັນເຊເຣກໍເຣ ເປັນເມືອງໃຫຍ່ ອັນດັບ2 ທາງຕາເວັນອອກສຽງໃຕ້ ຂອງປະເທດ ກີເນ
ຂປລ.ຕາມຂ່າວຈາກ ນະຄອນຫລວງ ໂກນາກລີ,ວັນທີ3 ທັນວານີ້ ເກີດເຫດ ຢຽບກັນ ເສຍຊີວິດ ສູງເຖິງ 100 ຄົນ ມີທັງເດັກ ແລະ ຜູ້ໃຫຍ່ ໃນສະໜາມເຕະບານ ໃນເມືອງ ເອັນເຊເຣກໍເຣ ເປັນເມືອງໃຫຍ່ ອັນດັບ2 ທາງຕາເວັນອອກສຽງໃຕ້ ຂອງປະເທດ ກີເນ ແລະ ຕົວເລກ ຜູ້ເສຍຊີວິດ ອາດຈະເພີ່ມສູງຂຶ້ນ ເນື່ອງຈາກ ມີຜູ້ໄດ້ຮັບບາດເຈັບ ຈຳນວນຫລາຍ. ປັດຈຸບັນ ທ່ານ ອໍຣີ ບາ, ນາຍົກລັດຖະມົນຕີ ກີເນ ສັ່ງໃຫ້ມີການສືບສວນ ສອບສວນ ຢ່າງລະອຽດ ເພື່ອຫາ ຜູ້ຮັບຜິດ ໃນເຫດການນີ້ ແລະ ຂໍສະແດງ ຄວາມເສຍໃຈ ຕໍ່ຜູ້ສູນເສຍ ແລະ ຄອບຄົວ.ສ່ວນ ລັດຖະບານ ຈະເບິ່ງແຍງ ຜູ້ໄດ້ຮັບບາດເຈັບທຸກຄົນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
