ຂປລ
ຂປລ. ໃນວັນທີ 20 ພະຈິກ 2024 ນີ້, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ທ່ານ ນາງ ຫວູ ຫວຽດ ຈາງ ຜູ້ອໍານວຍການໃຫຍ່ ສໍານັກຂ່າວສານຫວຽດນາມ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 19-21 ພະຈິກ 2024.
ຂປລ. ໃນວັນທີ 20 ພະຈິກ 2024 ນີ້, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ທ່ານ ນາງ ຫວູ ຫວຽດ ຈາງ ຜູ້ອໍານວຍການໃຫຍ່ ສໍານັກຂ່າວສານຫວຽດນາມ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 19-21 ພະຈິກ 2024.
ໂອກາດນີ້, ທ່ານ ນາງ ສວນສະຫວັນ ວິຍະເກດ ໄດ້ສະແດງຄວາມຍິນດີຕ້ອນຮັບ ຕໍ່ທ່ານ ນາງ ຫວູ ຫວຽດ ຈາງ ທີ່ໄດ້ນໍາພາຄະນະ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນ ຮັດແໜ້ນການພົວພັນຮ່ວມມື ລະຫວ່າງສອງປະເທດ ລາວ-ຫວຽດນາມ ເວົ້າລວມ ເວົ້າສະເພາະ ຮັດແໜ້ນການຮ່ວມມື ດ້ານວຽກງານຖະແຫລງຂ່າວ ຂອງສອງປະເທດ ລາວ-ຫວຽດນາມ ໃຫ້ໄດ້ຮັບການພັດທະນາ ແລະ ແໜ້ນແຟນຂຶ້ນຢ່າງບໍ່ຢຸດຢັ້ງ ພ້ອມທັງສະແດງຄວາມຂອບໃຈ ຕໍ່ສໍານັກຂ່າວສານຫວຽດນາມ ທີ່ໄດ້ໃຫ້ການຊ່ວຍເຫລືອແກ່ ສປປ ລາວ ໃນຫລາຍດ້ານ ໂດຍສະເພາະ ດ້ານວຽກງານສື່ມວນຊົນ ເວົ້າສະເພາະ ໃຫ້ການສະໜັບສະໜູນ, ຊຸກຍູ້, ຊ່ວຍເຫລືອ ແກ່ສຳນັກຂ່າວສານປະເທດລາວ ໃນຫລາຍດ້ານ ມາໂດຍຕະຫລອດ ເຮັດໃຫ້ການເຄື່ອນໄຫວວຽກງານ ຂອງສຳນັກຂ່າວສານປະເທດລາວ ໄດ້ຮັບການພັດທະນາ ແລະ ເຕີບໃຫຍ່ເຂັ້ມແຂງ ຈົນມາຮອດປັດຈຸບັນ.
ທ່ານ ນາງ ຫວູ ຫວຽດ ຈາງ ກໍໄດ້ສະແດງຄວາມຂອບໃຈຕໍ່ ທ່ານ ນາງ ສວນສະຫວັນ ວິຍະເກດ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງລາຍງານໃຫ້ຮູ້ ກ່ຽວກັບການພົວພັນຮ່ວມມື ລະຫວ່າງສອງສຳນັກຂ່າວສານຫວຽດນາມ ແລະ ຂ່າວສານປະເທດລາວ ໃນການໂຄສະນາເຜີຍແຜ່ຂໍ້ມູນຂ່າວສານຕ່າງໆ ໂດຍສະເພາະ ໂຄສະນາເຜີຍແຜ່ ວັດທະນະທຳ, ຮີດຄອງປະເພນີ ອັນດີງາມ ຂອງສອງປະເທດ ຫວຽດນາມ-ລາວ ໃຫ້ມວນຊົນໃນທົ່ວໂລກ ໄດ້ຮັບຮູ້ຢ່າງທົ່ວເຖິງ.
ຂ່າວ: ທະນູທອງ, ພາບ: ຂັນໄຊ
KPL
