ຂປລ
ທ່ານ ສີ ຈິ້ນຜິງ ປະທານປ ະເທດຈີນ ສືບຕໍ່ເຂົ້າຮ່ວມ ກອງປະຊຸມ ສຸດຍອດ ກຸ່ມ G20 ຄັ້ງທີ 19 ໄລຍະທີ2 ທີ່ຈັດຂຶ້ນຢູ່ ບຣາຊິນ. ໃນກອງປະຊຸມ ປຶກສາຫາລື ຫົວຂໍ້ “ການປະຕິຮູບ ອົງການ ບໍລິຫານໂລກ”,
ຂປລ.ວິທະຍຸ ສາກົນແຫ່ງ ສປ ຈີນ, ເມື່ອບໍ່ດົນມານີ້, ທ່ານ ສີ ຈິ້ນຜິງ ປະທານປ ະເທດຈີນ ສືບຕໍ່ເຂົ້າຮ່ວມ ກອງປະຊຸມ ສຸດຍອດ ກຸ່ມ G20 ຄັ້ງທີ 19 ໄລຍະທີ2 ທີ່ຈັດຂຶ້ນຢູ່ ບຣາຊິນ. ໃນກອງປະຊຸມ ປຶກສາຫາລື ຫົວຂໍ້ “ການປະຕິຮູບ ອົງການ ບໍລິຫານໂລກ”, ພ້ອມທັງ ຂຶ້ນກ່າວ ຄຳປາໄສ ສຳຄັນ ພາຍໃຕ້ຫົວຂໍ້ “ຮ່ວມມືກັນ ສ້າງລະບົບ ບໍລິຫານໂລກ ທີ່ຍຸຕິທຳ ແລະ ສົມເຫດ ສົມຜົນ” ໂດຍກຸ່ມ G20 ຄວນສືບຕໍ່ ເປັນກຳລັງ ທີ່ບູລະນະ ການບໍລິຫານໂລກ ແລະ ຊຸກຍູ້ຄວາມກ້າວໜ້າ ທາງປະຫວັດສາດ, ຈາກນັ້ນ ທ່ານ ສີ ຈິ້ນຜິງ ໄດ້ສະເໜີ 5 ຂໍ້ສະເໜີ ດັ່ງນີ້: ໜຶ່ງ: ບູລະນະການບໍລິຫານເສດຖະກິດໂລກ, ສ້າງເສດຖະກິດໂລກ ແບບຮ່ວມມືກັນ. ສອງ, ບູລະນະການບໍລິຫານ ການເງິນທົ່ວໂລກ, ສ້າງເສດຖະກິດໂລກ ແບບໝັ້ນຄົງ. ສາມ, ບູລະນະ ການຄ້າໂລກ, ສ້າງເສດຖະກິດໂລກ ແບບເປີດກວ້າງ. ສີ່, ບູລະນະ ການບໍລິຫານ ດີຈີຕອນ ທົ່ວໂລກ, ສ້າງເສດຖະກິດໂລກ ແບບປະດິດສ້າງ. ຫ້າ, ບູລະນະ ການບໍລິຫານ ສິ່ງແວດລ້ອມ ທຳມະຊາດ ທົ່ວໂລກ, ສ້າງເສດຖະກິດໂລກ ແບບເປັນມິດກັບ ສິ່ງແວດລ້ອມ ທຳມະຊາດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
