ຂປລ
ຊີໂນເປັກ (Sinopec) ຜູ້ກັ່ນນໍ້າມັນ ແຫ່ງໃຫຍ່ຂອງ ສປຈີນ ເປີດເຜີຍ ການເລີ່ມຕົ້ນກໍ່ສ້າງ ໂຄງການກັ່ນນໍ້າມັນ ປີໂຕຣເຄມີ ຂະໜາດໃຫຍ່ ໃນແຂວງ ຝູຈຽນ ທາງຕາເວັນອອກຂອງ ສປຈີນ, ໂດຍໂຄງການນີ້ ມີການລົງທຶນ ຫລາຍກວ່າ 70 ຕື້ຢວນ
ຂປລ.ສຳນັກຂ່າວ ຊິນຮວາຂອງ ສປຈີນ, ຊີໂນເປັກ (Sinopec) ຜູ້ກັ່ນນໍ້າມັນ ແຫ່ງໃຫຍ່ຂອງ ສປຈີນ ເປີດເຜີຍ ການເລີ່ມຕົ້ນກໍ່ສ້າງ ໂຄງການກັ່ນນໍ້າມັນ ປີໂຕຣເຄມີ ຂະໜາດໃຫຍ່ ໃນແຂວງ ຝູຈຽນ ທາງຕາເວັນອອກຂອງ ສປຈີນ, ໂດຍໂຄງການນີ້ ມີການລົງທຶນ ຫລາຍກວ່າ 70 ຕື້ຢວນ, ຊຶ່ງເປັນການລົງທຶນ ທາງອຸດສາຫະກຳ ທີ່ມີມູນຄ່າສູງສຸດໃນ ຝູຈຽນ.
ສະຖານທີ່ ກໍ່ສ້າງຕັ້ງຢູ່ຖານ ປີໂຕຣເຄມີ ກູເຫລຍ ໃນເມືອງຈາງໂຈວ , ຊຶງຝູຈຽນ ປີໂຕຣເຄມີຄັລ(Fujian Petrochemical) ຖືຫຸ້ນ 50% , ຂະນະທີ່ ຊີໂນເປັກ ແລະ ຊາອຸດີ ອາຣຳໂຄ (Saudi Aramco)ຖືຫຸ້ນ ຝ່າຍລະ 25%.
ໂຄງການນີ້ ຈະມີກຳລັງ ການກັ່ນນໍ້າມັນ 16 ລ້ານໂຕນຕໍ່ປີ , ກຳລັງ ການຜະລິດ ເອທິລິນ (ethylene) 1.5 ລ້ານໂຕນຕໍ່ປີ ແລະ ກຳລັງ ການຜະລິດ ອະໂຣມາຕິກໄຮໂຄຣກາກບອນ (aromatic hydrocarbon) 2 ລ້ານໂຕນຕໍ່ປີ, ລວມເຖິງ ຈະເປັນສາງ ກັກເກັບນໍ້າມັນດີບ 3 ແສນໂຕນ ອີກດ້ວຍ. ຊຶ່ງຄາດວ່າ ໂຄງການນີ້ ຈະດຳເນີນ ຢ່າງເຕັມຮູບແບບໃນປີ 2030 ຊຶ່ງຈະຈັດສັນ ວັດຖຸດີບໃຫ້ແກ່ ກຸ່ມບໍລິສັດປາຍນໍ້າ ທີ່ຖານ ປິໂຕຣເຄມີ ກູ່ເຫລຍ 5 ລ້ານໂຕນຕໍ່ປີ ແລະ ຊ່ວຍປັງປຸງ ຕ່ອງໂສ້ ອຸດສາຫະກຳ ທ້ອງຖິ່ນ ໂດຍມູນຄ່າ ຜົນຜະລິດ ລາຍປີ ຫລາຍກງ່າ 80 ຕື້ຢວນ.
KPL
