ຂປລ
ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໄດ້ໄຂຂຶ້ນຢ່າງສະຫງ່າ ໃນຕອນເຊົ້າວັນທີ 18 ພະຈິກ 2024
*ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໄດ້ໄຂຂຶ້ນຢ່າງສະຫງ່າ ໃນຕອນເຊົ້າວັນທີ 18 ພະຈິກ 2024 ທ່າມກາງທົ່ວພັກທົ່ວລັດ ແລະ ປວງຊົນລາວທັງຊາດມີຄວາມບານມ່ວນຊື່ນທີ່ຫາກໍສໍາ ເລັດກອງປະຊຸມສຸດຍອດອາຊຽນ, ສະຫລອງບຸນປະເພນີ ແລະ ພວມເກັບກ່ຽວເຂົ້ານາປີ.
ກອງປະຊຸມສະພາຄັ້ງນີ້ ໂດຍ ມີບັນດາການນໍາພັກ-ລັດ, ອະດີດການນໍາ, ສະມາຊິກສະພາແຫ່ງຊາດ ແຕ່ລະເຂດເລືອກຕັ້ງ, ແຂກຖືກເຊີນ, ນັກຮຽນຮູ້ປັນຍາຊົນຕ່າງ ກໍທະຍ່ອຍເຂົ້າສູ່ຫໍສະພາແຫ່ງ ຊາດ ອັນໄດ້ສົ່ງສັນຍານວ່າພິທີເປີດ ກອງປະຊຸມສະໄໝສາມັນ ເທື່ອທີ 8 ຂອງສະພາ ແຫ່ງຊາດ ຊຸດທີ IX ໄດ້ເລີ່ມຂຶ້ນຢ່າງເປັນທາງການ, ພິເສດບັນຍາກາດໂດຍລວມເຫັນວ່າບັນດາການນໍາ, ສະມາຊິກສະພາ ເມື່ອໄດ້ພົບໜ້າພໍ້ຕາກັນ ກໍ່ໄດ້ ທັກທາຍສະບາຍດີດ້ວຍຄວາມ ຍິ້ມແຈ່ມໃສ, ຖາມຂ່າວເຊິ່ງກັນ ແລະ ກັນດ້ວຍຄວາມອົບອຸ່ນ.
ຂະນະທີ່ດ້ານໃນຫ້ອງປະຊຸມ ໄດ້ມີການຕົບແຕ່ງປະດັບປະດາ ດ້ວຍດອກໄມ້ຢ່າງສວຍງາມ, ໂຕະ ຕັ່ງກໍ່ຖືກຈັດເປັນລະບຽບ, ຕິດຊື່ການນໍາແຕ່ລະທ່ານ, ຊື່ບັນ ດາສະມາຊິກສະພາແຫ່ງຊາດ ແຕ່ລະເຂດເລືອກຕັ້ງຢ່າງເປັນລະ ບຽບຈົບງາມ.
ສຳລັບຢູ່ດ້ານນອກຫໍປະຊຸມ ສະພາແຫ່ງຊາດ ກໍໄດ້ມີການປ້ອງຄວາມປອດໄພຈາກອ້າຍນ້ອງກໍາ ລັງ ປກສ-ປກຊ ຢູ່ຕະຫລອດເວລາ ເພື່ອເຮັດໃຫ້ກອງປະຊຸມໄດ້ດຳ ເນີນໄປດ້ວຍຄວາມປອດໄພ ແລະ ປະສົບຜົນສຳເລັດຕາມແຜນທີ່ ວາງໄວ້ສ່ວນນັກຮົບສື່ມວນຊົນ ແຕ່ລະສຳນັກ ບໍ່ວ່າໜັງສືພິມ, ວິທະຍຸ, ໂທລະພາບກໍ່ໄດ້ກຽມຄວາມ ພ້ອມທາງດ້ານອຸປະກອນໃນວິຊາ ຊີບຂອງຕົນເຂົ້າຮັບໃຊ້ກອງປະ ຊຸມຢ່າງຈູບຈ້າວຫ້າວຫັນ, ຜູ້ຮັບ ໜ້າທີ່ຖ່າຍພາບກໍ່ໄດ້ຕັ້ງໃຈໜ້າທີ່ຖ່າຍພາບເພື່ອໄດ້ພາບທີ່ສວຍງາມຕາມຄວາມຕ້ອງການຂອງ ບັນນາທິການຕົນສັງ ກັດເພືີີອຮັບປະກັນ ຄວາມສວຍງາມ ແລະ ໜ້າດຶງ ດູດໃຈຕໍ່ຜູ້ອ່ານຜູ້ຊົມ ນອກນີ້, ຜູ້ເຮັດໜ້າທີ່ຂຽນຂ່າວ-ຂຽນບົດຕ່າງ ກໍ່ໄດ້ລົງມືເກັບກໍາຂໍ້ມູນ, ບັນທຶກ ສຽງ ເພື່ອຂຽນຂ່າວ-ບົດລາຍ ງານໃຫ້ສັງຄົມໄດ້ຮັບຮູ້ຢ່າງທົ່ວ ເຖິງ ແລະ ໜ່ວຍງານສາຍດ່ວນໃນ ກອງປະຊຸມສະພາແຫ່ງຊາດ ກໍ່ພ້ອມກັນຈະຮັບ ເອົາຄໍາສະ ເໜີຕ່າງໆ ຈາກປະຊາຊົນ, ພະນັກງານ, ທະຫານ, ຕຳຫລວດ ທີ່ໂທຜ່ານສາຍ ດ່ວນ 156 ໄປຍັງກອງປະຊຸມ ເພື່ອ ໃຫ້ລັດຖະບານ ກໍ່ຄື ພາກສ່ວນກ່ຽວ ຂ້ອງພິຈາລະນາແກ້ໄຂໃນຕໍ່ໜ້າ.
ຢ່າງໃດກໍ່ດີ ກອງປະຊຸມກໍໄດ້ດໍາເນີນໄປຕາມວາລະແຕ່ວັນທີ 18 ພະຈິກ ຫາ ວັນທີ 11 ທັນວາ 2024 ເຊິ່ງບັນດາສະມາຊິກສະພາ ແຫ່ງຊາດ ແຕ່ລະເຂດກໍ່ຈະໄດ້ພ້ອມ ກັນນໍາເອົາຄຳສະເໜີຕ່າງໆຂອງ ປະຊາຊົນໃນເຂດເລືອກຕັ້ງຕົນສະ ເໜີຕໍ່ກອງປະຊຸມຄັ້ງນີ້ ທັງຈະໄດ້ສຸມ ສະຕິປັນຍາປະ ກອບຄຳຄິດຄຳເຫັນຕໍ່ບັນຫາສຳຄັນຂອງຊາດດ້ວຍ ຄວາມຮັບຜິດຊອບສູງ ເພື່ອໃຫ້ໄດ້ຮັບການແກ້ໄຂຕາມຄວາມເໝາະສົມ ແລະ ພິຈາລະນາບັນຫາສຳຄັນ ຂອງຊາດ.
ໂດຍ: ຢາຕົ້ງ
KPL
