*ຄໍ​ລໍາ​ສົ່ງ​ເສີມ​ທຸລະ​ກິດສະບັບ​ນີ້, ຈະ​ພາ​ບັນດາ​ທ່ານອອກ​ຈາກ​ນະຄອນຫລວງ​ວຽງຈັນ ມາ​ເລາະ​ກິນ​ກາ​ເຟ​ທີ່​ມີຊື່ສຽງ​​ໂດ​່ງດັງ​ ໃນ​ແຂວງ​ສະຫວັນ​ນະ​ເຂດ ດ້ວຍ​ລົດ​ຊາດ​ທີ່​ແຊບກົມ​ກຽວ ເຊິ່ງມີ​ຫລາຍ​ເມ​ນູ​ໃຫ້​ເລືອກ​ຮັບ​ປະທານ  ​ແລະ ການ​ບໍລິການ​ທີ່ໜ້າປະ​ທັບໃຈ ຈຶ່ງ​ເຮັດ​ຜູ້​ບໍ​ລີ​ໂພ​ກນິຍົມ​ຊົມ​ຊອບຢ່າງ​ຫລວງ ​ເຖິງ​ວ່າ ຮ້ານກາ​ເຟຮົ່ມໄມ້ໃຫຍ່ ຈະ​ບໍ່​ແມ່ນ​ຮ້ານ​ໃຫຍ່ ​​ແຕ່​ດ້ວຍ​ຄວາມ​ອົດທົນ​ພະຍາຍາມ ​ຂອງ​ເຈົ້າ​ຂອງ​ຮ້ານບວກ​ກັບ​ປະສົບການ ດ້ານ​ບໍລິການຂາຍ​ເຄື່ອງ​ດື່ມ ທີ່ມີ​ ຊື່ສຽງ ​ໃນ​ປະ​ເທດ​ເພື່ອນ​ບ້ານຈຶ່ງ​ ໄດ້​ນໍາ​ເອົາ​ຄວາມ​ຮູ້​ປະສົບ​ການ​ມາໝູນ​ໃຊ້ ​ຈົນ​ເຮັດໃຫ້​ຮ້ານ​ໄດ້ຮັບຄວາມ​ນິ ຍົມ​ຂຶ້ນ​ເລື້ອຍໆ.

ທ້າວ ຄຳ ຂັນຕິວົງ ອາຍຸ 31 ປີ ເຈົ້າຂອງຮ້ານກາເຟຮົ່ມໄມ້ໃຫຍ່ ​ໃຫ້​ຮູ້​ວ່າ:  ກ່ອນຈະ​ມາ​ເຮັດອາຊີບນີ້ ຕົນເອງ​ເຄີຍ​ໄປ​ເຮັດວຽກຢູ່ປະເທດ​ເພື່ອນ​ບ້ານຕອນນັ້ນ ຍ້ອນອາຍຸ ຍັງນ້ອຍ ​ໂດຍ​ວຽກທີ່​ເຮັດ​ໃນໄລຍະ​ ນັ້ນ ​ແມ່ນຮ້ານກາເຟ ທີ່​ມີ​ຊື່ສຽງ ​ໂດຍຕົນ​ເອງເຮັດໜ້າທີ່ຂົ້ວກາເຟ ເປັນເວລາ 5 ປີ ຈົນຫົວໜ້າໄວ້ວາງໃຈ ໃຫ້ອອກ​ມາ​ປຸງ​ແຕ່ງກາເຟຢູ່ໜ້າຮ້ານ ແລະ ຕໍ່ມາໄດ້ຖືກແຕ່ງ ຕັ້ງເປັນຜູ້ຈັດການຮ້ານເປັນເວລາ 7 ປີ ​ແລະ ໄດ້ຖືກສົ່ງໄປຝຶກອົບຮົມຕາມສະຖານທີ່ຕ່າງໆ ແລະ ເຂົ້າຮ່ວມງານແຂ່ງຂັນກ່ຽວກັບກາເຟ ແລະ ເຄື່ອງດື່ມຫລາຍຄັ້ງຈົນກາຍ ເປັນການທ້ອນໂຮມປະສົບການ ຈົນເກືອບເວົ້າໄດ້ວ່າຊ່ຽວຊານ ດ້ານການປຸງ​ແຕ່ງ ກາ ເຟກໍ່ວ່າໄດ້.

 ໃນຂະນະທີ່ວຽກງານກຳລັງໄປ ໄດ້ດ້ວຍດີ ​ແຕ່​ຄອບຄົວ​ກັບ​ປະສົບ​ບັນຫາ ຈຶ່ງ​ເປັນສາ​ເຫດໃຫ້​ໄດ້​ກັບບ້ານ ​ເພື່ອ​ເບິ່ງ​ແຍງ​ພໍ່​ແມ່ ​ແລະ ບໍ່​ໄດ້​ກັບ​ໄປ​ເຮັດ​ວຽກອີກ ຈຶ່ງ​ນໍາ​ເອົາ​ຄວາມ​ຮູ້​ປະສົບ​ການ​ທີ່​ມີມາ​ສ້າງ​ ເສດຖະກິດ​ຄອບຄົວດ້ວຍ​ການ​ເປີດ​ຮ້ານ ​ໂດຍ​ໃສ່​ຊື່ວ່າ: ຮ້ານກາເຟຮົ່ມໄມ້ໃຫຍ່ ​ເນື່ອງ​ຈາກ​ວ່າສະຖານທີ​່ແຫ່ງ​ນີ້ ຮົ່ມ​ເຢັນ​ເໝາະແກ່​ ການເປີດ​ຮ້ານ​ແລ້ວ​ໃຫ້​ລູກ​ຄ້າ​ໄດ້​ມານັ່ງ​ກິນກາ​ເຟ​ແຊບໆບັນຍາ ກາດທີ່​ເຢັນ​ສະບາຍ  ຕໍ່ມາ​ຈຶ່ງໄດ້​ຕັດສິນ​ໃຈ​ວ່າ ​ຈະ​ເປີດ​ຮ້ານ​ກາ​ເຟ ​ໂດຍ​ເລີ່​ມຕົ້ນ​ແມ່ນຊື້ເຄື່ອງຊົງເຟ (ໂມກາຟັອດ) ຂະໜາດນ້ອຍມາປຸງ​ແຕ່ງ​ກາ​ເຟຂາຍ ອາທິດລະ 2 ມື້ ຢູ່ກ້ອງຮົ່ມໄມ້ໃຫຍ່ ປາກົດວ່າລູກຄ້າ ນັບມື້ນັບຫລາຍຂຶ້ນເລື້ອຍໆ ສະ​ນັ້ນ, ຈຶ່ງ​​ເປີດ​ທຸກ​ມື້ ​ໂດຍ​ວັດຖຸ​ດິບກາເຟທີ່ນຳໃຊ້ໃນຮ້ານແມ່ນກາເຟລາວປາກຊ່ອງ 100 ​ເປີ​ເຊັນ. ສໍາລັບ​ເຄື່ອງ​ດື່ມ​ພາຍ​ໃນ​ຮ້ານ ​ນອກຈາກ​ກາ​ເຟ​ແລ້ວ​ກໍ​ຍັງ​ມີ ​ເຄື່ອງ​ດື່ມ​ປະ​ເພດ​ອື່ນໆອີກຫລາຍ​ຢ່າງ.

ທ້າວຄຳ ​ເວົ້າ​ຕື່ມ​ວ່າ: ຈາກປະ ສົບ​ການ​ທີ່​ເຮັດ​ວຽກຢູ່​ປະເທດ ເພື່ອນ​ບ້ານ​ມາ​ຫລາຍ​ປີ ຈຶ່ງ​ຮູ້ຈັກມາດຕະຖານຂອງການຂົ້ວກາເຟ ດີມີກິ່ນຫອມສະເພາະຕົວ ຈຶ່ງໄດ້​ ລົດ​ຊາດ​ກາ​ເຟທີ່​ແຊບ​ຊ້ອຍ, ກົມກຽວທີ່​ລູກ​ຄ້າ​ຕິດ​ໃຈຈົນ​ກາຍເປັນ ​ການ​ບອກ​ຕໍ່ປາກ​ຕໍ່ປາກ ຈົນເຮັດໃຫ້​ຮ້ານ​ກາ​​ເຟຮົ່ມ​​ໄມ້​ໃຫຍ່ ເປັນ​ທີ່​ຮູ້ຈັກ​ຢ່າງ​ກວ້າງ ຂວາງທັງພາຍໃນ ​ແລະ ຕ່າງ​ແຂວງ.

ສໍາລັບທ່ານ​ໃດທີ່​​ໄດ້​ມາແຂວງ  ​ສະ​ຫວັນນະ​ເຂດ​ແລ້ວ​ຢາກກິນ​ກາ​ເຟ​ແຊບ ບັນ​ຍາກາດ​ດີສາມາດແວ່​ມາ​ຢ້ຽມຢາມຮ້ານກາເຟຮົ່ມໄມ້ ໃຫຍ່ ​ໂດຍ​ສະຖານ​ທ່ີ​ແມ່ນ​ຕັ້ງ​ຢູ່​ທາງ​ມາ​ໂຮງໝໍ​ ແຂວງ​ສະຫວັນ​ນະ​ເຂດ​ໄດ້, ​ແຕ່ຖ້າ​ບໍ່​ຮູ້​ຮ້ານກໍ​ສາມາດ​ຕິດຕໍ່​ໄດ້​ທີ​່ເບີ 020 59932776.

ໂດຍ: ມາລີດາ

KPL