ຂປລ
ຂປລ. ໃນໂອກາດດໍາເນີນກອງປະຊຸມ ສະມັດຊາໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 45 ທີ່ ສປປ ລາວ ເປັນເຈົ້າພາບ ຈັດຂຶ້ນໃນລະຫວ່າງວັນທີ 17-23 ຕຸລາ 2024 ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ, ພາກສ່ວນຕ່າງໆທັງພາກລັດ ແລະ ເອກະຊົນ ໄດ້ນໍາຜະລິດຕະພັນ ມາເຂົ້າຮ່ວມວາງສະແດງ ເປັນຕົ້ນ ລາຍການທ່ອງທ່ຽວ, ຮ້ານຫັດຖະກໍາ, ເຄື່ອງປະດັບ.
ຂປລ. ໃນໂອກາດດໍາເນີນກອງປະຊຸມ ສະມັດຊາໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 45 ທີ່ ສປປ ລາວ ເປັນເຈົ້າພາບ ຈັດຂຶ້ນໃນລະຫວ່າງວັນທີ 17-23 ຕຸລາ 2024 ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ, ພາກສ່ວນຕ່າງໆທັງພາກລັດ ແລະ ເອກະຊົນ ໄດ້ນໍາຜະລິດຕະພັນ ມາເຂົ້າຮ່ວມວາງສະແດງ ເປັນຕົ້ນ ລາຍການທ່ອງທ່ຽວ, ຮ້ານຫັດຖະກໍາ, ເຄື່ອງປະດັບ. ພ້ອມນີ້, ຍັງມີໂຄງການກໍ່ສ້າງ ຣີສອດລາວຄົບວົງຈອນ ຢູ່ຫລັກ 62 ແຂວງວຽງຈັນ ລະຫວ່າງ ກົມໃຫຍ່ ກະຊວງປ້ອງກັນຄວາມສະຫງົບ ແລະ ບໍລິສັດທີ່ປຶກສາໄຂ່ມຸກ ຕາເວັນອອກ ຈໍາກັດ ກໍໄດ້ເຂົ້າຮ່ວມວາງສະແດງ.
ທ່ານ ນາງ ລັດດາວອນ ພູນສະຫວັດ ຮອງປະທານ ບໍລິສັດທີ່ປຶກສາໄຂ່ມຸກ ຕາເວັນອອກ ຈໍາກັດ ໄດ້ໃຫ້ສໍາພາດຕໍ່ນັກຂ່າວສໍານັກຂ່າວສານປະເທດລາວ ໃນວັນທີ 19 ຕຸລາ 2024 ນີ້ວ່າ: ໂຄງການກໍ່ສ້າງ ຣີສອດລາວຄົບວົງຈອນ ເປັນໂຄງການສ້າງຕົວເມືອງທັນສະໄໝ ທີ່ເນັ້ນໃສ່ຮັກສາ ສິ່ງແວດລ້ອມ ແລະ ວັດທະນາທໍາລາວ ເຊິ່ງຕັ້ງຢູ່ ເສັ້ນທາງເລກທີ 13 ເໜືອ ລະຫວາງບ້ານໜອງຂອນ ແລະ ບ້ານໂນນສົມບູນ ເມືອງໂພນໂຮງ ແຂວງວຽງຈັນ, ມີເນື້ອທີ່ 1.200 ເຮັກຕາ ເຊິ່ງປະກອບມີ 24 ກິດຈະກໍາເຊັ່ນ: ໂຮງແຮມ, ໂຮງຮຽນ, ໂຮງໝໍ, ສະໜາມກ໊ອຟ 36 ຫລຸມ ສາມາດແຂງຂັນ ລະດັບນາໆຊາດໄດ້, ສູນຮຽນຮູ້, ໂຮງຈັກ-ໂຮງງານນໍາໃຊ້ໃນໂຄງການ, ກະສິກໍາ, ສ້າງບ້ານຈໍາລອງເປັນສະຖານທີ່ຖ່າຍທໍາໜັງ, ສ້າງບ້ານວັດທະນະທໍາ ແລະ ກິດຈະກຳອື່ນທີ່ກ່ຽວຂ້ອງ ໂດຍໂຄງການຂອງພວກເຮົາໄດ້ເປີດກ້ວາງໃຫ້ ນັກລົງທຶນຈາກຕ່າງເທດທີ່ສົນໃຈ ສາມາດມາຮ່ວມລົງທຶນໄດ້. ໃນນັ້ນ, ໄລຍະທີໜຶ່ງ ຈະພັດທະນາ 500 ເຮັກຕາ ໂດຍຜູ້ທີ່ມາຮ່ວມລົງທຶນໃນເບື້ອງຕົ້ນແມ່ນ ສ ເກົາຫລີ.
ທ່ານ ນາງ ລັດດາວອນ ພູນສະຫວັດ ຍັງໄດ້ກ່າວຕື່ມວ່າ: ຖ້າໂຄງການດັ່ງກ່າວ ໄດ້ຮັບການຈັດຕັ້ງປະຕິບັດສໍາເລັດ ຈະສາມາດດຶງດູດນັກລົງທຶນ ຈາກຕ່າງປະເທດເຂົ້າມາລົງທຶນ ຢູ່ ສປປ ລາວ ຫລາຍຂຶ້ນ, ພ້ອມທັງສ້າງວຽກເຮັດງານທໍາ ໃຫ້ປະຊາຊົນລາວ ເປັນຈໍານວນຫລວງຫລາຍ ໂດຍສະເພາະ ປະຊາຊົນຢູ່ອ້ອມຮອບເຂດໂຄງການ. ພ້ອມກັນນີ້, ພາຍໃນໂຄງການຍັງຈະມີສູນຮຽນຮູ້, ສົ່ງເສີມຜູ້ບໍ່ມີທຶນການສຶກສາ ສາມາດເຂົ້າມາສຶກສາຮຽນຮູ້ ຢູ່ໂຄງການຂອງພວກເຮົາໄດ້ ແລະ ນັກລົງທັງພາຍໃນ ແລະ ຕ່າງປະເທດ ຫາກມີຄວາມສົນໃຈ ຈະເຂົ້າມາສຶກສາ ຫລື ຢາກລົງມາສໍາຫລວດ ພື້ນທີ່ໂຄງການ ແລະ ລາຍລະອຽດຕ່າງໆ ສາມາດເຂົ້າມາພົວພັນນໍາບໍລິສັດໂດຍກົງ ຢູ່ບ້ານສີສະຫວາດ ເມືອງຈັນທະບູລີ ນະຄອນຫລວງວຽງຈັນ ເບີໂທ: +85620 55155596
ຂ່າວ: ວີລະວັນ
ພາບ: ຂັນໄຊ
KPL
