ໃນວັນທີ 1 ຕຸລາ 2024, ສປ ຈີນໄດ້ຈັດງານສະເຫລີມສະຫລອງ ການສະຖາປະນາປະເທດ ຄົບຮອບ 75 ປີ. ສປ ຈີນ ໄດ້ຜ່ານມໍລະສຸມຕ່າງໆມາໄດ້ 75 ປີ ພ້ອມທັງກ້າວໄປຂ້າງ ໜ້າຢ່າງມີສະຖຽນລະພາບ, ພາຍໃຕ້ແຜນ ຮ່າງອັນຍິ່ງໃຫຍ່ທັນສະໄໝ ຂອງຈີນ, ໄດ້ຊຸກຍູ້ສົ່ງເສີມພາລະກິດອັນຍິ່ງໃຫຍ່ຂອງ ການ ຟື້ນຟູຄວາມ ຈະເລີນຮຸ່ງເຮືອງຂອງຊາດຈີນທົ່ວປະເທດ, ການພັດທະນາເສດຖະກິດ - ສັງຄົມຂອງນະ ຄອນຄຸນໝິງໄດ້ ບັນລຸການປ່ຽນແປງໃໝ່ທີ່ສໍາຄັນຢ່າງຮອບດ້ານ, ຄວາມຜາສຸກ ແລະ ຄວາມຮູ້ສຶກຜົນປະ ໂຫຍດຂອງປະຊາ ຊົນນັບມື້ນັບເພີ່ມຂຶ້ນຢ່າງບໍ່ເຄີຍມີມາກ່ອນ.

ເພື່ອສະແດງໃຫ້ເຫັນຜົນງານອັນຍິ່ງໃຫຍ່ຂອງການພັດທະນາ ແລະ ການປ່ຽນແປງຂອງນະຄອນ ຄຸນໝິງ, ໄດດ້ມີການສົ່ງເສີມການຊຸກຍູ້ການພົບປະແລກປ່ຽນວັດທະນະທຳສາກົນ ນັບແຕ່ນັ້ນເປັນຕົ້ນມາ, ສູນ ຂໍ້ມູນຂ່າວສານຄຸນໝິງໄດ້ສົມທົບກັບສື່ມວນຊົນຂອງບັນດາປະເທດອາຊີໃຕ້ - ອາຊີຕາເວັນອອກສ່ຽງໃຕ້ ເປີດການແຂ່ງຂັນຮັບເກັບຜົນງານ ໂດຍຫົວຂໍ້ "ສະເຫລີມສະຫລອງການສະຖາປະນາ ສປ ຈີນ ຄົບຮອບ 75 ປີ - ຄຸນໝິງໃໝ່ໃນມຸມມອງຂອງຕົນເອງ". ເຊີນເພື່ອນໆຕ່າງແດນຈາກທົ່ວທຸກມຸມໂລກສາມາດນຳສະເໜີຜົນງານຂອງຕົນ  ແລະ ແບ່ງປັນຄວາມສວຍງາມຂອງຄຸນໝິງໃນຫົວໃຈຂອງຕົນເອງ ໂດຍຜ່ານຮູບແບບສ້າງສັນທີ່ຫລາກຫລາຍ. ຜົນງານການແຂ່ງຂັນນີ້ ໄດ້ກວມເອົາຮູບແບບການສະແດງຕ່າງໆເຊັ່ນ: ຮູບພາບ-ບົດຄວາມ, ວິດີໂອສັ້ນ, ສຽງ ແລະ ອື່ນໆ ເພື່ອໃຫ້ເພື່ອນມິດຕ່າງປະເທດ ໄດ້ບັນທຶກ ແລະ ແບ່ງປັນກ່ຽວກັບຄຸນ ໝິງຜ່ານມຸມມອງຂອງຕົນເອງ ບໍ່ວ່າຈະເປັນຮູບແບບສະຖາປັດຕະຍະກໍາຂອງຕົວເມືອງ, ວັດທະນະທໍາຂອງ ຊີວິດ, ທິວທັດທໍາມະຊາດ ແລະ ຮີດຄອງປະເພນີທ້ອງຖິ່ນ, ທັງຫມົດໄດ້ເປັນແຮງບັນດານ ໃຈໃນການສ້າງ ສັນຜົນງານ. ໃນການແຂ່ງຂັ້ນຜົນງານທີ່ດີເລີດຈະໄດ້ຮັບລາງວັນ ແລະ ໄດ້ສົ່ງເສີມໃນເວທີທີ່ກ່ຽວຂ້ອງ ຂອງ ສູນຂໍ້ມູນຂ່າວສານຄຸນໝິງ. ລາຍລະອຽດໂຄງການມີດັ່ງນີ້:

ຈຸດປະສົງຂອງກິດຈະກໍາ: ສະແດງໃຫ້ເຫັນໝາກຜົນແຫ່ງການພັດທະນາຄັ້ງລ່າສຸດຂອງນະຄອນ ຄຸນໝິງນັບແຕ່ການສະຖາປະນາ ສປ ຈີນ ຄົບຮອບ 75 ປີ ເປັນຕົ້ນມາ ແລະ ສ້າງບັນຍາກາດທີ່ດີໃນການແລກປ່ຽນວັດທະນະທຳລະຫວ່າງປະເທດ.

ຫົວຂໍ້ຂອງກິດຈະກໍາ: ສະເຫລີມສະຫລອງ ການສະຖາປະນາ ສປ ຈີນ ຄົບຮອບ 75 ປີ - ຄຸນຫມິງໃໝ່ໃນມຸມມອງຂອງຕົນເອງ.

ໂຄງປະກອບການຈັດຕັ້ງ: ສູນຂໍ້ມູນຂ່າວສານຄຸນຫມິງ , WWW.CLZG.CN.

ເປົ້າໝາຍການຮັບສະໝັກ: ຄົນຕ່າງປະເທດທີ່ມີຄວາມສົນໃຈ ແລະ ຢາກເຂົ້າໃກ້ ຄຸນໝິງໃນອີກຂັ້ນໜຶ່ງ.

ຂໍ້ກໍານົດຂອງການຄັດເລືອກ: ສຸມໃສ່ຫົວຂໍ້"ສະເຫລີມສະຫລອງ ການສະຖາປະນາ ສປ ຈີນ ຄົບຮອບ 75 ປີ ຄຸນຫມິງໃໝ່ໃນມຸມມອບຂອງຕົນເອງ” ບັນຍາຍໃຫ້ມີເນື້ອໃນຄົບຖ້ວນ.  ຜົນງານບໍ່ໃຫ້ລະເມີດກົດໝາຍ ແລະ ລະບຽບການທີ່ກ່ຽວຂ້ອງ.ຜົນງານການແຂ່ງຂັນນີ້ ໄດ້ກວມເອົາຮູບແບບການສະແດງອອກຕ່າງໆເຊັ່ນ: ຮູບພາບ-ບົດຄວາມ, ວິດີໂອສັ້ນ, ສຽງ ແລະ ອື່ນໆ, ໃນຜົນງານແຕ່ລະຢ່າງສາມາດໃຊ້ເປັນພາສາຈີນ, ພາສາອັງກິດ, ພາສາມຽນມາ ຫລື ພາສາລາວ, ແຕ່ຖ້າເປັນ ວິດີໂອຈະຕ້ອງມີຄໍາບັນຍາຍພ້ອມ.

ຂໍ້ກໍານົດລິຂະສິດສໍາລັບການເຂົ້າປະກວດ:  ຕ້ອງເປັນຜົນງານທີ່ຖືກສ້າງຂຶ້ນດ້ວຍຕົວເອງ, ຜົນ ງານທີ່ສົ່ງເຂົ້າປະກວດຕ້ອງເປັນຕົ້ນສະບັບຂອງຕົນເອງ ແລະ ຖ້າຖືກສົງໄສວ່າເປັນການລອກແບບ, ເມື່ອພົບເຫັນຈະຖືກຕັດສິດຈາກການເຂົ້າປະກວດ ແລະ ບຸກຄົນຕ້ອງຮັບຜິດຊອບຕໍ່ກົດໝາຍທີ່ກ່ຽວຂ້ອງ. ເນື້ອໃນຜົນງານແມ່ນຕົນເອງຮັບຜິດຊອບ, ຖ້າເກີດມີຂໍ້ຂັດແຍ່ງ, ຄວາມຮັບຜິດຊອບຕາມກົດໝາຍຂອງຜູ້ເຂົ້າຮ່ວມງານແມ່ນຕົນເອງຮັບຜິດຊອບ. ຜົນງານຕ້ອງບໍ່ໄດ້ພິມເຜີຍແຜ່ ຫລື ພິມອອກໃນໜັງສືພິມທີ່ເປັນເຈ້ຍ ແລະ ສິ່ງພິມທີ່ເປີດເຜີຍຢ່າງເປັນທາງການ, ຜູ້ຂຽນມີຄວາມຮັບຜິດຊອບຕໍ່ຜົນງານທີ່ຕົນເອງເຂົ້າຮ່ວມວາງສະແດງ ,ຫນ່ວຍງານທີ່ເປັນເຈົ້າພາບບໍ່ຮັບຜິດຊອບຕໍ່ຄວາມຮັບຜິດຊອບທາງກົດໝາຍທີ່ເກີດຂຶ້ນຈາກຂໍ້ຂັດແຍ່ງທີ່ລວມມີ (ແຕ່ບໍ່ຈໍາກັດ) ດທິຮູບຄົນ, ສິດຊື່ສຽງ, ສິດຄວາມເປັນສ່ວນຕົວ, ລິຂະສິດ, ສິດທິເຄື່ອງໝາຍການຄ້າ, ແລະ ອື່ນໆ, ຄວາມຮັບຜິດຊອບທາງກົດໝາຍຈະຕ້ອງຮັບຜິດຊອບໂດຍຜູ້ວາງສະແດງເອງ.ຖ້າຂໍ້ຂັດແຍ່ງຂ້າງເທິງນີ້ເກີດຂຶ້ນ,ໜ່ວຍງານທີ່ເປັນເຈົ້າພາບມີສິດທີ່ຈະຍົກເລີກຄຸນສົມບັດຂອງງານວາງສະແດງ ແລະ ເອົາລາງວັນຄືນ.ຜົນງານຕ້ອງໃຫ້ຂໍ້ມູນຜູ້ຜະລິດທີ່ແທ້ຈິງ ແລະ ຖືກຕ້ອງ. ຂໍ້ມູນນີ້ຈະໃຊ້ເປັນບ່ອນອີງສໍາລັບການເປັນເຈົ້າຂອງຜົນງານ ແລະ ລາງວັນກິດຈະກໍາຕ່າງໆ. ຄວາມຮັບຜິດຊອບທີ່ເກີດຈາກຂໍ້ມູນທີ່ບໍ່ຖືກຕ້ອງ ແລະ ບໍ່ຄົບຖ້ວນແມ່ນຄວາມຮັບຜິດຊອບຂອງຜູ້ຜະລິດ. ຜົນງານທີ່ສົ່ງເຂົ້າປະກວດທັງໝົດ ໜ່ວຍງານທີ່ເປັນເຈົ້າພາບມີສິດໃນການວາງສະແດງ.ຜູ້ຊະນະເລີດໄດ້ຕົກລົງເຫັນດີຢ່າງຈະແຈ້ງວ່າຜູ້ເຂົ້າແຂ່ງຂັນສາມາດໃຊ້ຊື່ (ລວມທັງຊື່ແທ້ ແລະ ນາມສະກຸນ) ແລະ ຮູບບຸກຄົນ (ລວມທັງການດັດແກ້ ແລະ ປຸງແຕ່ງຮູບພາບ) ໃນການເຜີຍແຜ່.ຫລັງຈາກງານ, ຖ້າຜູ້ຊະນະຖອນຕົວ ຫລື ລົບການເຂົ້າປະກວດຕ່າງໆ ໜ່ວຍງານທີ່ເປັນເຈົ້າພາບຈະເອົາເງິນລາງວັນຄືນ.

ວິທີການເຂົ້າຮ່ວມ: ສົ່ງຜົນງານທີ່：WWW.CLZG.CN ຫລື ເຟສບຸກຂອງຂໍ້ມູນຂ່າວສານຄຸນໝິງ ຫລື ອີເມວ 1456539290@qq.com ເລີ່ມແຕ່ມື້ນີ້ຈົນຮອດວັນທີ 20 ທັນວາ 2024.

ຂັ້ນຕອນການເຂົ້າຮ່ວມ: ຂັ້ນຕອນທີ 1 ລົງທະບຽນ ແລະ ເຂົ້າສູ່ລະບົບ ເພື່ອເປັນສະມາຊິກຂອງ WWW.CLZG.CN ເມື່ອເຜີຍແຜ່ຜົນງານແລ້ວ ເລືອກເຂົ້າຮ່ວມກິດຈະກໍາແຂ່ງຂັນຂຽນບົດຄວາມ "ຄົບຮອບ 75 ປີແຫ່ງການສະຖາປະນາປະເທດຈີນໃໝ່-ຄຸນໝິງໃໝ່ໃນມຸມມອງຂອງຕົນເອງ”

#ຄຸນໝິງໃໝ່ໃນມຸມມອງຂອງຕົນເອງ #ການເຂົ້າປະກວດ. ອີກວິທີໜຶ່ງສົ່ງຜົນງານໂດຍກົງໄປທີ່ກ່ອງຈົດໝາຍ 1456539290@qq. com.

ສ່ວນວິທີການເຂົ້າສູ່ລະບົບຂອງ WWW.CLZG.CN ທາງຄອມພິວເຕີ ພິມ:  https://www.clzg.cn/ ທາງແອບພີເຄຊັນ ແມ່ນ ດາວໂຫລດ ແລະ ຕິດຕັ້ງລົຝໃນໂທລະສັບມືຖື  ພິມຄຳວ່າ WWW.CLZG.CN  ຜ່ານຮ້ານແອັບພລິເຄຊັນມືຖື. ຜ່ານ WeChat ໂດຍຄົ້ນຫາຄຳວ່າ: WWW.CLZG.CN. ຫລັງຈາກເຂົ້າສູ່ລະບົບແລ້ວ ໃຫ້ເຂົ້າໄປໃນກິດຈະກຳເພື່ອເຜີຍແຜ່ວຽກງານຂອງທ່ານ.

ລາງວັນ: ໜ່ວຍງານຈັດງານ ໄດ້ຈ້າງຜູ້ຊ່ຽວຊານ ເພື່ອດໍາເນີນການກວດກາຜົນງານການປະກອບສ່ວນ ຕາມຫລັກການເປີດເຜີຍ, ຍຸຕິທໍາ, ຜົນງານດີເດັ່ນໄດ້ເຜີຍແຜ່ຢູ່ເວທີ ແລະ ບັນຊີທີ່ກ່ຽວຂ້ອງຂອງສູນຂໍ້ມູນຂ່າວສານຄຸນໝິງ. ໂດຍຈັດແບ່ງລາງວັນ ຄື: ລາວງວັນທີ 1 ມີ 1 ລາງວັນ, ລາງວັນທີສອງ ມີ 2 ລາງວັນ, ລາງວັນທີສາມ ມີ 3 ລາງວັນ, ລາງວັນຊົມເຊີຍແມ່ນ 800 ຢວນ, 600 ຢວນ,400 ຢວນຕາມລໍາດັບ.

KPL