ຂປລ
ຂປລ. ສື່ມວນຊົນອາຊຽນ ສຳເລັດການຍົກລະດັບຄວາມຮູ້ ທັກສະການລາຍງານຂ່າວ ກ່ຽວກັບຄວາມປອດໄພຂອງເດັກນ້ອຍ ຈາກສື່ອອນລາຍ ໃນວັນທີ 5 ຕຸລາ 2024 ຜ່ານມາ ຢູ່ນະຄອນຫລວງຮ່າໂນ້ຍ ສສ ຫວຽດນາມ ພາຍຫລັງດຳເນີນມາເປັນເວລາ 3 ວັນ ໂດຍການເປັນເຈົ້າພາບຈັດ ຂອງວິທະ ຍຸກະຈາຍສຽງແຫ່ງຊາດ ແຫ່ງ ສສ ຫວຽດນາມ (VOV).
ຂປລ. ສື່ມວນຊົນອາຊຽນ ສຳເລັດການຍົກລະດັບຄວາມຮູ້ ທັກສະການລາຍງານຂ່າວ ກ່ຽວກັບຄວາມປອດໄພຂອງເດັກນ້ອຍ ຈາກສື່ອອນລາຍ ໃນວັນທີ 5 ຕຸລາ 2024 ຜ່ານມາ ຢູ່ນະຄອນຫລວງຮ່າໂນ້ຍ ສສ ຫວຽດນາມ ພາຍຫລັງດຳເນີນມາເປັນເວລາ 3 ວັນ ໂດຍການເປັນເຈົ້າພາບຈັດ ຂອງວິທະ ຍຸກະຈາຍສຽງແຫ່ງຊາດ ແຫ່ງ ສສ ຫວຽດນາມ (VOV).
ຊຸດອົບຮົມໃນຄັ້ງນີ້, ໄດ້ບັນລຸຜົນສໍາເລັດຕາມຄາດໝາຍທີ່ວາງໄວ້, ບັນດາສື່ມວນຊົນຈາກ 10 ປະເທດອາຊຽນ ໄດ້ຮັບຮູ້ ແລະ ເຂົ້າໃຈ ກ່ຽວກັບຄວາມປອດໄພຂອງເດັກ ຈາກສື່ອອນລາຍ ໂດຍສະ ເພາະ ການຂຽນບົດ ແລະ ການສ້າງເນື້ອໃນບົດຂ່າວ, ຄວາມສ່ຽງທາງໄຊເບີ ທີ່ເປັນໄພຄຸກຄາມຕໍ່ເດັກ ນ້ອຍ, ການລາຍງານຂ່າວຢ່າງມີຈະລິຍະທຳ, ການນຳໃຊ້ເຕັກໂນໂລຊີ ໃຫ້ເປັນປະໂຫຍດ ໃນການປູກຈິດສຳນຶກສັງຄົມ ໃຫ້ເຫັນຄວາມອັນຕະລາຍ ຂອງສື່ສັງຄົມອອນລາຍ, ການສ້າງເນື້ອໃນຂ່າວທີ່ສ້າງສັນ ໃຫ້ສາມາດດຶງດູດຄວາມສົນໃຈຂອງຜູ້ຊົມຜູ້ຟັງ. ນອກຈາກນີ້, ສຳມະນາກອນຍັງໄດ້ຮຽນຮູ້ ກ່ຽວກັບການໃຊ້ງານຂອງປັນຍາປະດິດ, ການຝຶກປະຕິບັດຕົວຈິງ ເພື່ອສ້າງສື່ທີ່ມີຄຸນນະພາບ.
ໂອກາດນີ້, ທ່ານ ນາງ ເຟຍນາ ບາວເດັນ ຜູ້ຊ່ຽວຊານຝ່າຍສຽງ, ຄູຝຶກ ຈາກສະຖານີ ABC ປະເເທດອົດສະຕາລີ ກໍໄດ້ມອບໃບຢັ້ງຢືນ ຜົນສຳເລັດຂອງຊຸດຝຶກອົບຮົມໃຫ້ສຳມະນາກອນ, ພ້ອມທັງໃຫ້ທິດຊີ້ນໍາ ໂດຍໄດ້ເນັ້ນເຖິງຄວາມສຳຄັນ ແລະ ຄວາມຈຳເປັນຕໍ່ວຽກງານ ຄວາມປອດໄພຂອງເດັກ ຈາກສື່ອອນລາຍ ເຊິ່ງເປັນວຽກງານໜຶ່ງ ທີ່ຈໍາເປັນຕ້ອງໄດ້ເອົາໃຈໃສ່ຢ່າງຈິງຈັງ ແລະ ຮຽກຮ້ອງໃຫ້ສຳມະນາກອນ ຈົ່ງນຳເອົາຄວາມຮູ້, ບົດຮຽນຕ່າງໆທີ່ໄດ້ຮຽນຮູ້ໃນຄັ້ງນີ້ ໄປໝູນໃຊ້ເຂົ້າໃນການປະຕິບັດ ວຽກງານວິຊາສະເພາະ ຢູ່ກົມກອງຂອງຕົນ ໃຫ້ເກີດຜົນປະໂຫຍດສູງສຸດ.
ຂ່າວ: ກິດຕາ
KPL
