ຂປລ
ຂປລ. ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ໃນວັນທີ 6 ຕຸລາ 2024 ນີ້, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ ແລະ ທ່ານ ເລັດ ໄຊຍະພອນ ປະທານສູນກາງສະຫະພັນກໍາມະບານລາວ ໄດ້ມອບລົດຈັກ ຈຳນວນ 5 ຄັນ
ຂປລ. ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ໃນວັນທີ 6 ຕຸລາ 2024 ນີ້, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ ແລະ ທ່ານ ເລັດ ໄຊຍະພອນ ປະທານສູນກາງສະຫະພັນກໍາມະບານລາວ ໄດ້ມອບລົດຈັກ ຈຳນວນ 5 ຄັນ ແລະ ຄອມພິວເຕີຕັ້ງໂຕະ ຈໍານວນ 5 ຊຸດ ລວມມູນຄ່າທັງໝົດ 160 ລ້ານກວ່າກີບ ໃຫ້ສະຫະພັນກໍາມະບານແຂວງເຊກອງ ເພື່ອນຳໃຊ້ເຂົ້າໃນການເຄື່ອນໄຫວວຽກງານວິຊາສະເພາະ, ຕາງໜ້າຮັບໂດຍ ທ່ານ ເຫລັກໄຫລ ສີວິໄລ ເຈົ້າແຂວງເຊກອງ, ທ່ານ ຄໍາພາ ໄຊຍະແສງ ປະທານສະຫະພັນກໍາມະບານແຂວງ ໂດຍມີພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ.
ໂອກາດດັ່ງກ່າວ, ທ່ານ ເຫລັກໄຫລ ສີວິໄລ ໄດ້ຕີລາຄາສູງ ແລະ ສະແດງຄວາມຂອບໃຈ ຕໍ່ທ່ານເຈົ້າຄອງນະຄອນຫລວງວຽງຈັນ, ທ່ານປະທານສູນກາງສະຫະພັນກໍາມະບານລາວ, ບໍລິສັດ ວັງຕັດຂຸດຄົ້ນບໍ່ແຮ່ ຈໍາກັດ ແລະ ບໍລິສັດ ວີລາການຄ້າຂາອອກ-ຂາເຂົ້າ ຈໍາກັດ ທີ່ເຫັນໄດ້ຄວາມສຳຄັນໃນການປະກອບສ່ວນເຂົ້າໃນວຽກງານສະຫະ ພັນກໍາມະບານ, ພ້ອມທັງຢືນຢັນວ່າ ຈະນຳເອົາລົດຈັກ ແລະ ຄອມພິວເຕີຈຳນວນດັ່ງກ່າວ ໄປນຳໃຊ້ເຂົ້າໃນການ ເຄື່ອນໄຫວວຽກງານວິຊາສະເພາະ ໂດຍສະເພາະແມ່ນການກະຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງສະ ຫະພັນກໍາມະບານ ທົ່ວແຂວງເຊກອງ ໃຫ້ເກີດຜົນປະໂຫຍດສູງສຸດ.
ຂ່າວ: ສັນຍາ
KPL
