ຂປລ
ງານລ້ຽງ ຮັບຮອງ ເພື່ອສະເຫລີມ ສະຫລອງ ສປ ຈີນ ສະຖາປະນາຂຶ້ນ ຄົບຮອບ 75 ປີໄດ້ຈັດຂຶ້ນຢູ່ ຫໍສະພາ ປະຊາຊົນຈີນ ທີ່ນະຄອນຫລວງ ປັກກິ່ງ ຂອງ ສປ ຈີນ ເມື່ອບໍ່ດົນມານີ້.
ຂປລ.ວິທະຍຸ ສາກົນແຫ່ງ ສປ ຈີນ, ງານລ້ຽງ ຮັບຮອງ ເພື່ອສະເຫລີມ ສະຫລອງ ສປ ຈີນ ສະຖາປະນາຂຶ້ນ ຄົບຮອບ 75 ປີໄດ້ຈັດຂຶ້ນຢູ່ ຫໍສະພາ ປະຊາຊົນຈີນ ທີ່ນະຄອນຫລວງ ປັກກິ່ງ ຂອງ ສປ ຈີນ ເມື່ອບໍ່ດົນມານີ້.ຈາກນັ້ນ ທ່ານ ສີ ຈິ້ນຜິງ, ເລຂາ ທິການໃຫຍ່ ຄະນະກຳມະການ ສູນກາງພັກກອມມູນິດຈີນ ປະທານປະເທດ ປະທານ ຄະນະກຳມະການ ການທະຫານສູນກາງຈີນ ໄດ້ເຂົ້າຮ່ວມງານລ້ຽງດັ່ງກ່າວ ພ້ອມທັງ ໄດ້ກ່າວເນັ້ນໜັກວ່າ: ນັບແຕ່ ສາທາ ລະນະລັດ ປະຊາຊົນຈີນ ສະຖາປະນາ ຂຶ້ນເປັນ ເວລາ 75 ປີມານີ້, ພັກກອມມູນິດຈີນ ພວກເຮົາ ໄດ້ສາມັກຄີ ແລະ ນຳພາທົ່ວປວງຊົນທັງຊາດ ບຸກບືນ ສູ້ຊົນຢ່າງບໍ່ລົດລະ, ໄດ້ສ້າງມະຫັດສະຈັນໃຫຍ່ ສອງປະການ ຄື: ເສດຖະກິດ ພັດທະນາ ຢ່າງວ່ອງໄວ ແລະ ສັງຄົມ ມີຄວາມສະຫງົບ ເປັນໄລຍະຍາວ, ສປ ຈີນ ໄດ້ມີການປ່ຽນແປງ ອັນໃຫຍ່ຫລວງ ແບບປ່ຽນໜ້າມື ເປັນຫລັງມື, ການຟື້ນຟູ ຄວາມຈະເລີນ ຮຸ່ງເຮືອງ ອັນຍິ່ງໃຫຍ່ ຂອງປະຊາຊາດຈີນ ໄດ້ເຂົ້າສູ່ ຂະບວນການ ປະຫວັດສາດ ທີ່ບໍ່ສາມາດ ຕ່າວປິ້ນຄືນໄດ້. ບົນຂະບວນການໃໝ່ ໃນຍຸກໃຫຍ່, ປະຊາຊົນຈີນ ຍ່ອມຈະສ້າງ ຄວາມຈະເລີນ ຮຸ່ງເຮືອງໃໝ່ ທີ່ໃຫຍ່ກວ່າເກົ່າ, ຍ່ອມຈະປະກອບສ່ວນໃໝ່ ເຂົ້າໃນພາລະກິດ ສູງສົ່ງ ແຫ່ງສັນຕິພາບ ແລະ ການພັດທະນາ ຂອງມວນມະນຸດ ໃຫ້ຫລາຍກວ່າເກົ່າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
