ຂປລ
ຂປລ. ໂຮງຮຽນວັດທະນະທຳຊົນເຜົ່າກອງທັບ ຈັດເຜີຍແຜ່ເຊື່ອມຊຶມມະຕິຂອງກົມການ ເມືອງສູນກາງພັກ ແລະ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ໃນວັນທີ 26 ກັນຍາ 2024 ໂດຍການເຜີຍແຜ່ຂອງ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, 4 ຫ້ອງ ການ, 2 ກອງພັນ, ພະນັກງານ-ນັກຮົບທົ່ວໂຮງຮຽນ ເຂົ້າຮ່ວມ.
ຂປລ. ໂຮງຮຽນວັດທະນະທຳຊົນເຜົ່າກອງທັບ ຈັດເຜີຍແຜ່ເຊື່ອມຊຶມມະຕິຂອງກົມການ ເມືອງສູນກາງພັກ ແລະ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ໃນວັນທີ 26 ກັນຍາ 2024 ໂດຍການເຜີຍແຜ່ຂອງ ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, 4 ຫ້ອງ ການ, 2 ກອງພັນ, ພະນັກງານ-ນັກຮົບທົ່ວໂຮງຮຽນ ເຂົ້າຮ່ວມ.
ສະຫາຍ ພັນເອກ ປອ ສະແຫວງ ແດນນາມົນ ໄດ້ເຜີຍແຜ່ເຊື່ອມຊຶມມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 8 ສະໄໝທີ XI ເຊິ່ງເນື້ອໃນສຳຄັນມະຕິ ຂອງກອງປະຊຸມດັ່ງກ່າວໄດ້ຕີລາຄາ ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳ 6 ເດືອນຕົ້ນປີ ແລະ ທິດທາງແຜນການ ປະຈໍາ 6 ເດືອນທ້າຍປີ 2024 ຕິດພັນກັບການຈັດຕັ້ງ ປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ເຊິ່ງໃນນີ້, ກໍໄດ້ຍົກໃຫ້ຮູ້ເຖິງ 9 ວຽກງານຈຸດສຸມໃນ 6 ເດືອນທ້າຍປີ 2024; ກ່ຽວກັບການປະຕິຮູບລັດວິສາຫະກິດ ກໍໄດ້ມີການຕີລາຄາຢ່າງກົງໄປກົງມາ ຕໍ່ສະພາບການດຳເນີນທຸລະກິດຂອງລັດວິສາຫະກິດ ໃນໄລຍະຜ່ານມາ ພ້ອມທັງໃຫ້ທັດສະນະຕ້ອງສືບຕໍ່ ຍຶດໝັ້ນແນວທາງການ ສ້າງເສດຖະກິດລັດ ກໍຄື ສ້າງລັດວິສາ ຫະກິດໃຫ້ມີຄວາມເຂັ້ມແຂງ; ເປັນເອກະພາບກຳນົດ 5 ຈຸດສຸມປະຕິຮູບລັດວິສາຫະກິດ ໃຫ້ເຂັ້ມ ແຂງໃນຕໍ່ໜ້າ; ຕີລາຄາກ່ຽວກັບການຍົກສູງຄຸນນະພາບການດຳເນີນຄະດີ ຕາມຂະບວນຍຸຕິທໍາ ຂອງກົມການເມືອງສູນກາງພັກ ເຊິ່ງມະຕິກອງປະຊຸມແມ່ນໄດ້ເປັນເອກະພາບຕີລາຄາສູງ ຕໍ່ບັນດາຜົນສຳເລັດ ທີ່ອົງການຮັບຜິດຊອບດຳເນີນຄະດີ ຕາມຂະບວນຍຸດຕິທໍາທີ່ສ້າງມາໄດ້. ພ້ອມດຽວກັນ, ກໍໃຫ້ທິດຊີ້ນໍາບັນຫາຈໍານວນໜຶ່ງ ກ່ຽວກັບການປັບປຸງຄຸນນະພາບການສຶກສາ ແລະ ແກ້ໄຂບັນຫາການປະລະການຮຽນ, ການຂາດແຄນຄູສອນ ເຊິ່ງມະຕິກອງປະຊຸມໄດ້ເນັ້ນໜັກ ໃຫ້ເອົາໃຈໃສ່ 3 ບັນຫາສໍາຄັນ, ມະຕິກອງປະຊຸມ ໄດ້ລະບຸເຖິງການກະກຽມເອກະສານຕົ້ນຕໍ ຂອງກອງປະຊຸມໃຫຍ່ ຄັ້ງທີ XII ຂອງພັກ ແລະ ບັນດາວຽກຈຸດສຸມ ແຕ່ນີ້ຮອດກອງປະຊຸມຄົບຄະນະ ຄັ້ງທີ 9 ໃນທ້າຍປີ 2024. ພ້ອມດຽວກັນນັ້ນ, ສະຫາຍຍັງໄດ້ເຜີຍແຜ່ ດໍາລັດຂອງລັດຖະບານ ວ່າດ້ວຍການຄຸ້ມຄອງ ການຄ້າຂາຍສັດນໍ້າ-ສັດປ່າ ແລະ ພືດປ່າທີ່ໃກ້ຈະສູນພັນອີກດ້ວຍ.
ຈາກນັ້ນ, ຍັງໄດ້ເຜີຍແຜ່ ມະຕິ ວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່ ແລະ ທິດທາງລວມ, ເປົ້າໝາຍສູ້ຊົນ, ແຜນນະໂຍບາຍເພື່ອເພີ່ມທະວີການແກ້ໄຂຄວາມ ຫຍຸ້ງຍາກດ້ານເສດຖະກິດ-ການເງິນ, ສ້າງຄວາມເຂັ້ມແຂງໃຫ້ແກ່ການຜະລິດ, ການບໍລິການ, ລະ ບົບການເງິນ-ເງິນຕາ ແລະ ການຄຸ້ມຄອງບໍລິຫານລັດ ເພື່ອເປັນພື້ນຖານໃຫ້ແກ່ ການສ້າງເສດຖະກິດ ເອກະລາດ ເປັນເຈົ້າຕົນເອງ ຢ່າງມີບາດກ້າວເດີນທີ່ໜັກແໜ້ນ; ພ້ອມທັງໄດ້ໃຫ້ຮູ້ເຖິງການຈັດຕັ້ງປະຕິບັດ ທີ່ລະບຸໃນມະຕິດັ່ງກ່າວ. ທັງນີ້, ກໍເພື່ອເຮັດໃຫ້ພະນັກງານຫລັກແຫລ່ງທົ່ວໂຮງຮຽນວັດ ທະນະທຳຊົນເຜົ່າກອງທັບ ມີຄວາມຮັບຮູ້ເຂົ້າໃຈ ແລະ ພ້ອມກັນນຳເອົາເນື້ອໃນມະຕິດັ່ງກ່າວ ໄປຈັດຕັ້ງເຜີຍແຜ່ຢູ່ກົມກອງ ຂອງຕົນໃຫ້ທົ່ວເຖິງ.
ຂ່າວ: ໂອລິນ ມິ່ງມີໄຊ
KPL
