ຂປລ
ຂປລ. ວັນທີ 14-15 ກັນຍາ 2024 ຜ່ານມາ, ທ່ານ ຄໍາພັນ ພົມມະທັດ ປະທານຄະນະກວດ ກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ຜູ້ ຊີ້ນໍາ ແຂວງຫລວງນໍ້າທາ ພ້ອມຄະນະ ໄດ້ລົງຕິດຕາມສະພາບໄພພິບັດ ນໍ້່າຖ້ວມຢູ່ເມືອງຫລວງນໍ້າທາ ແລະ ມອບເຄື່ອງຊ່ວຍເຫລືອບັນເທົາທຸກໃຫ້ປະຊາຊົນ ຜູ້ທີ່ຖືກຜົນກະທົບຈາກໄພນໍ້າຖ້ວມຢູ່ ບ້ານ ນາເຕີຍ ແລະ ບ້ານ ນໍ້າແດງໃຕ້.
ຂປລ. ວັນທີ 14-15 ກັນຍາ 2024 ຜ່ານມາ, ທ່ານ ຄໍາພັນ ພົມມະທັດ ປະທານຄະນະກວດ ກາສູນກາງພັກ, ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ຜູ້ ຊີ້ນໍາ ແຂວງຫລວງນໍ້າທາ ພ້ອມຄະນະ ໄດ້ລົງຕິດຕາມສະພາບໄພພິບັດ ນໍ້່າຖ້ວມຢູ່ເມືອງຫລວງນໍ້າທາ ແລະ ມອບເຄື່ອງຊ່ວຍເຫລືອບັນເທົາທຸກໃຫ້ປະຊາຊົນ ຜູ້ທີ່ຖືກຜົນກະທົບຈາກໄພນໍ້າຖ້ວມຢູ່ ບ້ານ ນາເຕີຍ ແລະ ບ້ານ ນໍ້າແດງໃຕ້. ໃນນັ້ນປະກອບມີ: ເຄື່ອງນຸ່ງຫົ່ມ, ເຂົ້່າສານ, ອາຫານແຫ້ງ ແລະ ນໍ້າດື່ມ ມອບໃຫ້ອົງການປົກຄອງບ້ານ, ນາຍບ້ານ ເພື່ອແຈກຢາຍ ໃຫ້ປະຊາຊົນ ຜູ້ທີ່ຖືກຜົນກະທົບຈາກ ໄພນໍ້າຖ້ວມຢູ່ພາຍໃນບ້ານໃຫ້ທົ່ວເຖິງ.
ຈາກນັ້ນ, ທ່ານ ຄໍາພັນ ພົມມະທັດ ກໍໄດ້ພົບປະກັບ ທ່ານ ວຽງສະຫວັດ ສີພັນດອນ ເຈົ້າແຂວງຫລວງນໍ້າທາ ເພື່ອຮັບຟັງລາຍງານສະພາບນໍ້າຖ້ວມ ເຊິ່ງວັນທີ 9 -13 ກັນຍາ 2024 ເກີດນໍ້າຖ້ວມຢູ່ເມືອງຫລວງນໍ້າທາ ເຮັດໃຫ້ປະຊາຊົນໄດ້ຮັບຜົນກະທົບທັງຊີວິດ ແລະ ສັບສີນ, ເຮືອນຊານ ບ້ານຊ່ອງ ດິນທັບຖົມ, ໄຮ່ນາ, ຮົ້ວສວນ, ຍານພາຫະນະ, ເຄື່ອງໃຊ້ຂອງສອຍເສຍຫາຍຢ່າງໜັກໜ່ວງ ແລະ ຕ້ອງການຄວາມຊ່ວຍເຫລືອ ໃນນີ້, ທຸກພາກສ່ວນກໍໄດ້ສຸມໃສ່ຊ່ວຍເຫລືອປະຊາຊົນ ໄປຢູ່ບ່ອນປອດໄພ. ປັດຈຸບັນ, ນໍ້າໄດ້ບົກແຫ້ງແລ້ວ, ປະຊາຊົນກໍໄດ້ເຂົ້າໄປອະນາໄມເຮືອນຊານ.
ໂອກາດນີ້, ທ່ານ ຄໍາພັນ ພົມມະທັດ ກໍໄດ້ສະແດງຄວາມເປັນຫ່ວງ ເປັນໄຍມາຍັງປະຊາຊົນພາຍໃນ ເມືອງຫລວງນໍ້າທາ, ພ້ອມທັງເນັ້ນໃຫ້ມີຄວາມສາມັກຄີ ແລະ ເຂັ້ມແຂງ, ພ້ອມກັນຜ່ານຜ່າສະພາບໄພນໍ້າຖ້ວມໃນຄັ້ງນີ້ໃຫ້ໄດ້; ໃຫ້ສືບຕໍ່ໃນການພັດທະນາຄອບຄົວ ແລະ ການທໍາມາຫາກິນ ໃຫ້ມີການຊ່ວຍເຫລືອເຊິ່ງກັນ ແລະ ກັນ. ພ້ອມນີ້, ທ່ານ ຍັງໄດ້ລະດົມທຶນຮອນ ຈາກຫລາຍພາກສ່ວນ ເປັນຕົ້ນແມ່ນເຄື່ອງອຸປະໂພກ-ບໍລິໂພກ ແລະ ເງິນສົດຈໍໍານວນ 820 ລ້ານກີບ ມອບໃຫ້ແຂວງຫລວງນໍ້າທາ ຕື່ມອີກ.
ຫລັງຈາກນັ້ນ, ທ່ານ ຄໍາພັນ ພົມມະທັດ ແລະ ທ່ານ ວຽງສະຫວັດ ສີພັນດອນ ພ້ອມດ້ວຍຄະນະ ແລະ ຄອບຄົວ ໄດ້ລົງມອບເຄື່ອງຊ່ວຍເຫລືອບັນເທົາທຸກ ໃຫ້ປະຊາຊົນຜູ້ທີ່ຖືກຜົນກະທົບ ຈາກໄພນໍ້າຖ້ວມຢູ່ ບ້ານໃໝ່, ບ້ານປ່າສັກ, ບ້ານປຸງ ແລະ ບ້ານດອນຄຸນ ເຊິ່ງປະກອບມີ: ເຄື່ອງນຸ່ງຫົ່ມ, ເຂົ້່າສານ, ອາຫານແຫ້ງ ແລະ ນໍ້າດື່ມ ໂດຍມອບໃຫ້ອົງການປົກຄອງບ້ານ ນໍາແຈກຢາຍໃຫ້ປະຊາຊົນຜູ້ທີ່ຖືກ ຜົນກະທົບຈາກໄພນໍ້າຖ້ວມໃຫ້ທົ່ວເຖີງ. ທັງນີ້, ກໍເພື່ອເປັນການໃຫ້ກຳລັງໃຈ ແລະ ເປັນການບັນ ເທົາທຸກເບື້ອງຕົ້ນໃຫ້ແກ່ປະຊາຊົນ ຜູ້ທີ່ຖືກຜົນກະທົບ ແລະ ຍັງຈະໄດ້ສືບຕໍ່ໃຫ້ ການຊ່ວຍເຫລືອຕື່ມອີກ ໃນຫລາຍບ້ານ ທີ່ໄດ້ຮັບຜົນເສຍຫາຍ ໃນຄັ້ງນີ້ໃຫ້ທົ່ວເຖິງ.
ຂ່າວ: ມຸນຕີ
KPL
