ຂປລ
ເກີດນໍ້າຖ້ວມຢ່າງຮຸນແຮງ ໃນປະເທດ ສົ່ງຜົນໃຫ້ມີ ຜູ້ເສຍຊີວິດ ຢ່າງໜ້ອຍ 113 ຄົນ, ບາດເຈັບ 14 ຄົນ ແລະ ສູນຫາຍ 64 ຄົນ ຂະນະດຽວກັນ ປະຊາຊົນຫລາຍກວ່າ 320.000 ຄົນ ຈາກປະມານ 78.000 ຄົວເຮືອນ
ຂປລ.ສຳນັກຂ່າວ ຊິນຮວາຂອງ ສປຈີນ, ວັນທີ 15 ກັນຍາ, ທາງການມຽນມາ ລາຍງານວ່າ: ເກີດນໍ້າຖ້ວມຢ່າງຮຸນແຮງ ໃນປະເທດ ສົ່ງຜົນໃຫ້ມີ ຜູ້ເສຍຊີວິດ ຢ່າງໜ້ອຍ 113 ຄົນ, ບາດເຈັບ 14 ຄົນ ແລະ ສູນຫາຍ 64 ຄົນ ຂະນະດຽວກັນ ປະຊາຊົນຫລາຍກວ່າ 320.000 ຄົນ ຈາກປະມານ 78.000 ຄົວເຮືອນ ຕ້ອງອົບພະຍົບອອກຈາກທີ່ຢູ່ ອາໄສ. ເນື່ອງຈາກເກີດຝົນທີ່ຕົກລົງມາ ຢ່າງໜັກ ຕິດຕໍ່ກັນ ຫລາຍວັນ ສົ່ງຜົນກະທົບຕໍ່ 462 ບ້ານ ແລະ 64 ເມືອງ ໃນພາກພື້ນ ນະຄອນ ຫລວງ ເນປິດໍ , ພະໂກ, ມັນທະເລຍ ແລະ ອິຣະວະດີ , ລວມເຖິງລັດ ມອນ, ລັດຄະສິ່ນ ແລະ ລັດສານ.
ໄພພິບັດຄັ້ງນີ້ ສ້າງຄວາມເສຍຫາຍ ໃຫ້ແກ່ຂົວ 24 ແຫ່ງ, ໂຮງຮຽນ 375 ແຫ່ງ, ວັດວາອາຮາມ ແລະ ເຂື່ອນ 5 ແຫ່ງ , ເຈດີ 4 ແຫ່ງ, ໝໍ້ແປງໄຟຟ້າ 14 ໜ່ວຍ, ເສົາໄຟສ່ອງທາງ 456 ເສົາ ແລະ ເຮືອນປະຊາຊົນ ເປ້ເພ່65.759 ຫລັງ ໃນພື້ນທີ່ປະສົບໄພ ນໍ້າຖ້ວມດັ່ງກ່າວ.
ໃນຂະນະທີ່ ມຽນມາ ໄດ້ຈັດຕັ້ງສູນບັນເທົາທຸກ ຊົ່ວຄາວ ເພື່ອຈັດສັນ ການບໍລິການ ເບິ່ງແຍງ ສຸຂະພາບທີ່ຈຳເປັນ, ອາຫານ ແລະ ນໍ້າດື່ມ ໃນນະຄອນຫລວງ ເນປີດໍ ລວມເຖິງລັດ ແລະ ພາກພື້ນຕ່າງໆ ເພື່ອຮັບມືກັບໄພພິ ບັດຄັ້ງນີ້ , ສ່ວນໜ່ວຍກູ້ໄພ ພວມສືບຕໍ່ ປະຕິບັດການ ຄົ້ນຫາຜູ້ສູນຫາຍ ດັ່ງກ່າວ, ພ້ອມທັງ ໃຫ້ຄວາມ ຊ່ວຍເຫລືອ ຢ່າງທົ່ວເຖິງ./.
KPL
