ຂປລ
ທ່ານ ໂຈ ໄບເດັນ,ປະທານາທິບໍດີ ສ.ອາເມລິກາ ເປີດເຜີຍວ່າ: ການຟື້ນຟູ ຫລັງໄຟປ່າ ທີ່ເກີດຂຶ້ນຢູ່ ລັດແຄລິຟໍເນຍ ຕ້ອງໃຫ້ເງິນ ຫລາຍຕື້ ໂດລາສະຫະລັດ ເພື່ອໃຫ້ກັບຄືນສູ່ ສະພາບເດີມ ກ່ອນເກີດໄຟປ່າ ຮຸນແຮງ ໃນຄັ້ງນີ້
ຂປລ.ຕາມຂ່າວຈາກ ວໍຊີງຕັນ, ທ່ານ ໂຈ ໄບເດັນ,ປະທານາທິບໍດີ ສ.ອາເມລິກາ ເປີດເຜີຍວ່າ: ການຟື້ນຟູ ຫລັງໄຟປ່າ ທີ່ເກີດຂຶ້ນຢູ່ ລັດແຄລິຟໍເນຍ ຕ້ອງໃຫ້ເງິນ ຫລາຍຕື້ ໂດລາສະຫະລັດ ເພື່ອໃຫ້ກັບຄືນສູ່ ສະພາບເດີມ ກ່ອນເກີດໄຟປ່າ ຮຸນແຮງ ໃນຄັ້ງນີ້ ຫລັງຈາກ ຍອດຜູ້ເສຍຊີວິດ ເພີ່ມຂຶ້ນຢ່າງຕໍ່ເນື່ອງ, ເຮືອນປະຊາຊົນ ປະມານ 12.300 ຫລັງ ຖືກໄຟໄໝ້ ແລະ ສ້າງຄວາມເສຍຫາຍ ເປັນບໍລິເວນກວ້າງ ຄິດເປັນມູນຄ່າ ຫລາຍຕື້ ໂດລາສະຫະລັດ.ຂະນະທີ່ ລັດຖະບານ ສະຫະລັດ ອາເມລິກາ ຈະໃຫ້ການສະໜັບສະໜູນ ຈາກສູນກາງ ຢ່າງເຕັມສ່ວນ ແລະ ສັນຍາວ່າ ຈະເບິ່ງແຍງ 100%ໃນເລື່ອງຄ່າໃຊ້ຈ່າຍ ລ້ວງ້ວລາ ຂອງເຈົ້າໜ້າທີ່ ດັບເພີງ,ຄ່າເຄື່ອນຍ້າຍ ຊາກອາຄານ ທີ່ເສຍຫາຍ ແລະ ການຈັດຫາ ທີ່ພັກຊົ່ວຄາວ ໃຫ້ແກ່ ຜູ້ປະສົບໄພ ໃນໄລຍະ 180ວັນ ຫລັງຈາກນີ້ ຍັງຮຽກຮ້ອງໃຫ້ສະພາຈັດຫາເງິນທຶນ ທີ່ຈຳເປັນ ໃນຄວາມພະຍາຍາມ ຟື້ນຟູ ຈາກຄວາມເສຍຫາຍ ທີ່ເກີດຂຶ້ນ.ປັດຈຸບັນ ເຈົ້າໜ້າທີ່ກູ້ໄພ ແລະ ໜ່ວຍງານ ທີ່ກ່ຽວຂ້ອງ ຍັງລະດົມກຳລັງ ຄວບຄຸມໄຟປ່າ ທີ່ຍັງເພີ່ມຄວາມຮຸນແຮງຂຶ້ນ ຢ່າງຕໍ່ເນື່ອງ ຍ້ອນມີກະແສລົມ ພັດແຮງເຖິງ 160 ກິໂລແມັດ ຕໍ່ຊົ່ວໂມງ ຈຶ່ງເປັນອຸປະສັກ ໃນການຄວບຄຸມ ໄຟປ່າ ຄັ້ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
