ຂປລ
ຂປລ. ໃນວັນທີ 5 ກໍລະກົດ 2024 ຢູ່ກະຊວງການຕ່າງປະເທດ ໄດ້ມີພິທີມອບ-ຮັບຜະລິດຕະພັນຊາສຳເລັດຮູບ ເພື່ອນຳໃຊ້ເຂົ້າໃນວຽກງານ ການເປັນປະທານອາຊຽນ ຂອງ ສປປ ລາວ ໃນປີ 2024 ຈໍານວນ 200 ກ່ອງ ລວມມູນຄ່າ 190.800.000 ກີບ ຈາກ ບໍລິສັດ ລາວທີຊິກມາເນີ ການຄ້າ ຂາເຂົ້າ-ຂາອອກ ຈໍາກັດ, ຕາງໜ້າໃຫ້ລັດຖະບານ ສປປ ລາວ ແມ່ນ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ, ໃນນາມຮອງຫົວໜ້າອະນຸກໍາມະການ ຂົນຂວາຍການຊ່ວຍເຫລືອ ສໍາລັບປະທານອາຊຽນ ຂອງ ສປປ ລາວ ໃນປີ 2024
![](https://kpl.gov.la/Media/Upload/News/Thumb/2024/07/05/20.jpg)
ຂປລ. ໃນວັນທີ 5 ກໍລະກົດ 2024 ຢູ່ກະຊວງການຕ່າງປະເທດ ໄດ້ມີພິທີມອບ-ຮັບຜະລິດຕະພັນຊາສຳເລັດຮູບ ເພື່ອນຳໃຊ້ເຂົ້າໃນວຽກງານ ການເປັນປະທານອາຊຽນ ຂອງ ສປປ ລາວ ໃນປີ 2024 ຈໍານວນ 200 ກ່ອງ ລວມມູນຄ່າ 190.800.000 ກີບ ຈາກ ບໍລິສັດ ລາວທີຊິກມາເນີ ການຄ້າຂາເຂົ້າ-ຂາອອກຈໍາກັດ, ຕາງໜ້າໃຫ້ລັດຖະບານ ສປປ ລາວ ແມ່ນ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ, ໃນນາມຮອງຫົວໜ້າອະນຸກໍາມະການ ຂົນຂວາຍການຊ່ວຍເຫລືອ ສໍາລັບປະທານອາຊຽນ ຂອງ ສປປ ລາວ ໃນປີ 2024 ເປັນຜູ້ຮັບ ແລະ ມອບໂດຍ ທ່ານ ນາງ ຢວນທຽນ ຜູ້ອໍານວຍການ ບໍລິສັດ ລາວທີຊິກມາເນີ ການຄ້າ ຂາເຂົ້າ-ຂາອອກ ຈໍາກັດ.
![](https://kpl.gov.la/Media/Upload/News/Thumb/2024/07/05/21.jpg)
ຜະລິດຕະພັນຊາສຳເລັດຮູບດັ່ງກ່າວ, ແມ່ນຈະນຳໄປເປັນຂອງທີ່ລະນຶກ ມອບໃຫ້ຫົວໜ້າຄະນະຜູ້ແທນ ກອງປະຊຸມລັດຖະມົນຕີ ຕ່າງປະເທດອາຊຽນ ຄັ້ງທີ 57 ແລະ ກອງປະຊຸມອື່ນໆທີ່ກ່ຽວຂ້ອງ ໃນເດືອນ ກໍລະກົດ 2024 ແລະ ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆ ທີ່ກ່ຽວຂ້ອງ ໃນເດືອນ ຕຸລາ 2024.
KPL