ຢາສະຜົມຈາກສີມືຄົນລາວ ພວມໄດ້ຮັບຄວາມສົນໃຈ

04/07/2024 08:02
Email Print 586
ຂປລ ໃນສະພາບເສດຖະກິດຫຍຸ້ງຍາກ ແລະ ເງິນເຟີ້ແບບນີ້ ການຊົມໃຊ້ຜະລິດຕະພັນລາວ ແມ່ນອີກວິທີໜຶ່ງທີ່ທຸກຄົນສາມາດເຮັດໄດ້ໃນການຊ່ວຍກະຕຸກຊຸກຍູ້ເສດຖະກິດ ຂອງປະເທດເຮົາໃຫ້ມີບາດກ້າວດີຂຶ້ນ ເຖິງວ່າຈະບໍ່ໄດ້ຮັບໝາກຜົນຮ້ອຍເປີເຊັນ ແຕ່ຖ້າທຸກຄົນຮ່ວມແຮງຮ່ວມໃຈກັນກໍ່ຈະເຮັດໃຫ້ສະພາບ ຄວາມຫຍຸ້ງຍາກຜ່ານພົ້ນໄປໄດ້.

     *ໃນສະພາບເສດຖະກິດຫຍຸ້ງຍາກ ແລະ ເງິນເຟີ້ແບບນີ້ ການຊົມໃຊ້ຜະລິດຕະພັນລາວ ແມ່ນອີກວິທີໜຶ່ງທີ່ທຸກຄົນສາມາດເຮັດໄດ້ໃນການຊ່ວຍກະຕຸກຊຸກຍູ້ເສດຖະກິດ ຂອງປະເທດເຮົາໃຫ້ມີບາດກ້າວດີຂຶ້ນ ເຖິງວ່າຈະບໍ່ໄດ້ຮັບໝາກຜົນຮ້ອຍເປີເຊັນ ແຕ່ຖ້າທຸກຄົນຮ່ວມແຮງຮ່ວມໃຈກັນກໍ່ຈະເຮັດໃຫ້ສະພາບ ຄວາມຫຍຸ້ງຍາກຜ່ານພົ້ນໄປໄດ້. ສະນັ້ນ,  ເພື່ອເປັນການສົ່ງເສີມຜະລິດຕະພັນລາວ ຄໍລໍາສົ່ງເສີມທຸລະກິດ ສະບັບນີ້ຈະພາທຸກທ່ານມາຮູ້ຈັກ ອີກຜະລິດຕະພັນໜຶ່ງຂອງລາວ ນັ້ນກໍຄືຢາສະຜົນ ແລະ ຄີມນວດ BSK ສິນຄ້າຄຸນນະພາບດີ ຈາກແຂວງສາລະວັນ ທີ່ກໍາລັງໄດ້ຮັບຄວາມນົຍົມຈາກສັງຄົມຈົນສາມາດສ້າງຍອດຂາຍໄດ້ 900 ກວ່າລ້ານກີບຕໍ່ປີ.

     ທ້າວ ສີສຸວັນ ລາດຊະບັນລິດ ປະຊາຊົນບ້ານນາກົກໂພ, ເມືອງ ແລະ ແຂວງສາລະວັນໃຫ້ຮູ້ວ່າ: ເມື່ອກ່ອນເຮັດທຸລະກິດຄ້າຂາຍທົ່ວໄປ ແລະ ໄດ້ພົບບັນຫາຂາຍເຄ່ືອງບໍ່ໄດ້ດີບ່ໍມີຜູ້ມາບໍລິການ ເນ່ືອງຈາກພະຍາດໂຄວິດ 19 ລະບາດໜັກໃນໄລຍະປີ 2019 ຈຶ່ງໄດ້ເຊົາຂາຍ ແລະ ຢູ່ບ້ານລ້າໆ ບໍ່ໄດ້ເຮັດຫຍັງເລີຍ ສະນັ້ນ, ຈຶ່ງເຮັດໃຫ້ຄອບຄົວພົບກັບຄວາມຫຍຸ້ງຍາກທາງດ້ານເສດຖະກິດການເງິນ. ດັ່ງນັ້ນ ຈຶ່ງຂາຍເຄື່ອງອອນລາຍ ໂດຍຜະລິດຕະພັນທີ່ນໍາມາຂາຍກໍຄື ຢາສະຜົມແບບທໍາມະຊາດ ທີ່ຜະລິດຈາກຢາພື້ນເມືອງຂອງປະເທດເພື່ອນບ້ານ  (ປະເທດໄທ  ເຫັນມາໄດ້ຂາຍດີຈຶ່ງມີແນວຄວາມຄິດຢາກເຮັດເປັນຜະລິດຕະພັນເປັນຂອງໂຕເອງຂຶ້ນມາ ຈຶ່ງໄດ້ຄົ້ນຄ້ວາສູດກ່ຽວກັບການຜະລິດຢາສະຜົມທາງອອນລາຍ ແລະ ໄດເດີນທາງໄປເບິ່ງໂຕຈິງກ່ຽວກັບຂັ້ນຕອນຫານຜະລິດຢູ່ປະເທດເພື່ອນບ້ານ  ທີ່ເພີ່ນໄດ້ມີການຜະລິດມາກ່ອນ, ຈາກນ້ັນກໍໄດ້ທົດລອງຜະລິດດ້ວຍຕົນເອງ ໂດຍເບື້ອງຕົ້ນໄດ້ນຳເອົາສິນຄ້າ ທີ່ໄດ້ມາໄປແຈກຢາຍໃຫ້ພີ່ນ້ອງໄດ້ນຳໃຊ້ກ່ອນເຫັນວ່າໄດ້ຮັບຜົນດີ, ຈາກນັ້ນໄດ້ສັ່ງຂວດບັນຈຸພັນ ແລະ ໄດ້ອອກແບບສະຫລາກ ສິນຄ້າເພື່ອທົດລອງຈຳໜ່າຍອອກສູ່ສັງຄົມ ເຫັນວ່າຕະຫລາດແມ່ນມີຄວາມຕ້ອງການ ແລະ ນິຍົມໃຊ້ຜະລິດຕະພັນຂອງຕົນເພີ່ມຂຶ້ນເລື້ອຍໆຈົນມາປີ 2021  ໄດ້ຂໍອະນຸຍາດເປີດ  ບໍລິສັດ ບີເອັດເຄ (BSK  SOLE CO.LTD) ຈາກກະຊວງອຸດສາ ຫະກໍາ ແລະ ການຄ້າ ແລະ  ຕັ້ງຊື່ຫຍໍ້ ຢາສະຜົມ ແລະ ຄີມນວດ ວ່າ:  BSK ຜະລິດຕະພັນດັ່ງກ່າວແມ່ນ ໄດ້ຜ່ານ ການຂຶ້ນທະບຽນຈາກກົມອາຫານ ແລະ ຢາ (ອຢ) ກະຊວງສາທາລະ ນະສຸກ ມາຮອດວັນທີ 15 ພະຈິກປີ 2022 ທາງບໍລິສັດບີເອັດເຄຈຳກັດຜູ້ດຽວ ໄດ້ຮັບອະນຸຍາດໄດ້ນຳໃຊ້ ກາໝາຍສີນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດ (ODOP) ປະເພດຢາສະຜົມ ແລະ ຄີມນວດ.

    ທ້າວ ສີສຸວັນ ຍັງໃຫ້ຮູ້ຕື່ມວ່າ: ປັດຈຸບັນມີຮ້ານຄ້າຂາຍຢາສະຜົມເຖິງ 8 ຕົວເມືອງ ໃນທົ່ວແຂວງ ແລະ  ມີໂຕແທນຂາຍທາງອອນລາຍ 400 ກວ່າຄົນໃນທົ່ວປະເທດ, ນອກນັ້ນ ຍັງມີຕົວແທນຢູ່ຕ່າງປະເທດ ໂດຍສະເພາະແມ່ນ ສສ ຫວຽດນາມ, ສປ ຈີນ, ໄທ ແລະ ໂຕແທນຄົນລາວ ທີ່ອາໃສຢູ່ສະຫະລັດອາເມລິກາ ຈົນເຮັດໃຫ້  ປີ 2023 ສາມາດຜະລິດຢາສະຜົມແບບຂວດມີທັງໝົດ 24 ພັນກວ່າຂວດ, ແບບຊອງໄດ້ 297 ພັນຊອງສາມາດສ້າງລາຍຮັບໄດ້ທັງໝົດ 927 ລ້ານກີບຕໍ່ປີ ໃນນີ້ຕະຫລາດພາຍໃນກວມ 80% ແລະ ຕະຫລາດຕ່າງປະເທດ 20%  ຜົນສຳເລັດທີ່ຍາດມາໄດ້ນັ້ນແມ່ນຍ້ອນການຊີ້ນຳໆພາຈາກພັກ, ລັດແຕ່ລະຂັ້ນເຊິ່ງຍາມໃດກໍຊອກທຸກວິທີທາງ, ຊອກທຸກເງື່ອນໄຂເພື່ອຊຸກຍູ້ ໃຫ້ຜູ້ປະກອບການ ກໍຄືພໍ່ແມ່ປະຊາຊົນໄດ້ມີວຽກເຮັດງານທຳ, ໄດ້ມີອາຊີບທີ່ດີເພື່ອສ້າງລາຍຮັບໃຫ້ແກ່ຄອບຄົວກໍຄືຄົນທີ່ຢູ່ອ້ອມຂ້າງທີ່ມວຽກເຮັດງານທຳ, ມີລາຍຮັບທີ່ສາມາດເຮັດຄອບຄົວຫລຸດພົ້ນອອກຈາກຄອບທຸກຍາກຕາມແນວທາງ ຂອງພັກ-ລັດຖະບານວາງອອກໃນແຕ່ລະໄລຍະ.

ໂດຍ: ມາລິດາ
ແຫລ່ງຂໍ້ມູນ: ແຂວງສາລະວັນ

KPL

ຂ່າວອື່ນໆ

    • ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍບົດ-ສາລະຄະດີ

      ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍ

      7/19/2024 11:08:30 AM

      ໃນມາດຕາທີ 41 ຂອງກົດໝາຍວ່າດ້ວຍສັດນໍ້າ ແລະ ສັດປ່າ ໄດ້ກຳນົດໄວ້ວ່າ: ການເຄື່ອນຍ້າຍສັດນ້ຳ ແລະ ສັດປ່າ ປະເພດຫວງຫ້າມ ແລະ ປະເພດຄຸ້ມຄອງຈາກສະຖານທີ່ໜຶ່ງໄປສະຖານທີ່ອື່ນຢູ່ພາຍໃນປະເທດ ຕ້ອງໄປຕາມເສັ້ນ ທາງທີ່ໄດ້ກຳນົດໃຫ້ ແລະ ແຈ້ງເອກະສານຕໍ່ເຈົ້າໜ້າທີ່ປະຈຳດ່ານ ກວດກາຊຶ່ງປະກອບດ້ວຍໃບອະນຸຍາດເຄື່ອນຍ້າຍຂອງຂະແໜງການກະສິກຳ ແລະ ປ່າໄມ້, ໃບຢັ້ງຢືນສຸຂະພາບ, ໃບຢັ້ງຢືນຖິ່ນກຳເນີດ, ໃບທະບຽນສັດ.

    • ປ່ອຍແລ້ວ ຕ້ອງຮ່ວມກັນປົກປັກຮັກສາບົດ-ສາລະຄະດີ

      ປ່ອຍແລ້ວ ຕ້ອງຮ່ວມກັນປົກປັກຮັກສາ

      7/19/2024 11:00:41 AM

      ໃນວັນທີ 13 ກໍລະກົດ ຜ່ານມາເຫັນວ່າ: ຫລາຍທ້ອງຖິ່ນທາງພາກ ລັດ ແລະ ເອກະຊົນໃນຂອບເຂດທົ່ວປະເທດໄດ້ພ້ອມກັນສ້າງຂະບວນການປ່ອຍປາ ແລະ ສັດນໍ້າ ເພື່ອສະເຫລີມສະຫລອງວັນດັ່ງກ່າວຢ່າງຟົດຟື້ນ ແລະ ກໍຫວັງວ່າໄດ້ບັນລຸຕາມຄາດ ໝາຍທີ່ວາງໄວ້ ໂດຍສະເພາະແມ່ນສູ້ຊົນປ່ອຍປາໃຫ້ໄດ້ 64 ບ້ານ ໂຕທີ່ກະຊວງກະສິກຳ ແລະ ປ່າໄມ້ວາງໄວ້.

    • ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່ບົດ-ສາລະຄະດີ

      ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່

      7/19/2024 10:33:35 AM

      ວັນທີ 18 ກໍລະກົດ 2024, ພັກ​ກອມ​ມູ​ນິດ​ຈີນ​ໄດ້​ເຜີຍ​ແຜ່​ຖະ​ແຫລງ​ການ​ ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX ໂດຍ​ໄດ້​ວາງ​ແຜນ​ຍຸດ​ທະ​ສາດ​ກ່ຽວ​ກັບ​ການ​ລົງ​ເລິກ​ການ​ປະ​ຕິ​ຮູບ​ຢ່າງ​ຮອບ​ດ້ານ​ຕື່ມ​ອີກ ​ແລະ​ ຊຸກ​ຍູ້​ຄວາມ​ທັນ​ສະ​ໄໝ​ແບບ​ຈີນ ພ້ອມ​ທັງ​ວາງ​ມາດ​ຕະ​ການ​ລະ​ອຽດ.

    • ເກມພະນັນອອຍລາຍ ຜິດກົດໝາຍ ພ້ອມກັນຕ້ານບົດ-ສາລະຄະດີ

      ເກມພະນັນອອຍລາຍ ຜິດກົດໝາຍ ພ້ອມກັນຕ້ານ

      7/19/2024 10:02:21 AM

      ການພະນັນອອນລາຍ ຫລື ເກມອອນລາຍ ແມ່ນການຫລິ້ນເກມໃນຮູບແບບການສ່ຽງໂຊກທາງອອນລາຍ ກຳລັງມີທ່າອ່ຽງຂະຫຍາຍຕົວເພີ່ມຂຶ້ນໃນທົ່ວໂລກ ແລະ ມີຫລາຍປະເທດໄດ້ຫັນມາຄຸ້ມຄອງ ແລະ ຄວບຄຸມບັນຫາດັ່ງກ່າວຢ່າງເປັນລະບົບ, ຮອດປັດຈຸບັນນີ້ການພະນັນອອນລາຍຢູ່ປະເທດເຮົາ ຍັງສືບຕໍ່ເຄື່ອນໄຫວຢ່າງເສລີ ແລະ ມີແຫລ່ງເງິນຕາເຂົ້າ-ອອກປະເທດ ໂດຍບ່ໍໄດ້ຮັບການຄຸ້ມຄອງເປັນຈຳນວນຫລາຍ.

    • ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກບົດ-ສາລະຄະດີ

      ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກ

      7/19/2024 9:54:44 AM

      ໃນປະຫວັດສາດຂອງການພົວພັນສາກົນ ສາຍພົວພັນມິດຕະພາບທີ່ ເປັນມູນເຊ້ືອຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ເປັນແວ່ນແຍງແບບຢ່າງອັນພົ້ນເດັ່ນ ທີ່ບໍ່ເຄີຍມີມາກ່ອນ ໂດຍໄດ້ເອົາຜົນປະໂຫຍດມາສູ່ປະຊາຊົນສອງປະເທດ ທັງໃນຂະບວນການຕໍ່ສູ້ເພື່ອເອກະລາດເສລີພາບ ແລະ ຄວາມຮຸ່ງເຮືອງສີວິໄລໃນໄລຍະສ້າງສາ ແລະ ພັດທະນາປະເທດຊາດ.

ads
ads

Top