ຜະລິດຕະພັນກະສິກຳຂອງຄົນລາວ ພວມໄດ້ຮັບຄວາມນິຍົມຈາກສັງຄົມ

11/06/2024 10:01
Email Print 137
ຂປລ ບໍລິສັດ ຂ້ອຍຮັກກະສິກໍາ ແມ່ນບໍລິສັດທີ່ຜະລິດ ແລະ ຈໍາໜ່າຍກ່ຽວກັບຜະລິດຕະພັນກະສິກໍາສະອາດ ເປັນຕົ້ນຝຸ່ນຊີວະພາບ, ດິນປູກຝັງ, ນ້ຳຈຸລິນຊີສັງເຄາະແສງ ແລະ ອື່ນໆອີກ.

   *ບໍລິສັດ ຂ້ອຍຮັກກະສິກໍາ ແມ່ນບໍລິສັດທີ່ຜະລິດ  ແລະ ຈໍາໜ່າຍກ່ຽວກັບຜະລິດຕະພັນກະສິກໍາສະອາດ ເປັນຕົ້ນຝຸ່ນຊີວະພາບ, ດິນປູກຝັງ, ນ້ຳຈຸລິນຊີສັງເຄາະແສງ ແລະ ອື່ນໆອີກ ໂດຍວັດຖະດິບທີ່ນໍາໃຊ້ເຂົ້າໃນຂະບວນການຜະລິດ  ແມ່ນວັດຖຸດິບພາຍໃນປະເທດ ທີ່ໄດ້ຮັບການຢັ້ງຢືນມາດຕະຖານກະສິກໍາອິນຊີລາວ ຈາກກົມປູກຝັງກະຊວງກະສິກໍາ ແລະ ປ່າໄມ້ ຈຶ່ງເຮັດໃຫ້ຜະລິດຕະພັນ ຈາກບໍລິສັດກະສິກໍາ ສະອາດ ຮັບຄວາມນິຍົມຈາກສັງຄົມ ໂດຍສະເພາະຜູ້ທີ່ມັກເລື່ອງການປູກຝັງ.

   ທ່ານ ນາງ ວິໄລພອນ ສົມສະນິດ ປະທານບໍລິສັດຂ້ອຍຮັກກະສິກໍາ ໃຫ້ສໍາພາດວ່າ: ບໍລິສັດຂ້ອຍຮັກກະສິກໍາ ເລີ່ມຜະລິດຝຸ່ນຊີວະພາບມາແຕ່ທ້າຍປີ 2019 ໂດຍນໍາໃຊ້ວັດຖຸດິບຢູ່ພາຍໃນປະເທດເຂົ້າໃນຂະບວນການຜະລິດ ເປັນຕົ້ນມູນສັດ, ຂີ້ແກບ, ດິນລວມ, ຂີ້ເລື່ອຍ, ຮຳອ່ອນ, ອິນຊີສັງເຄາະແສງ, ກາກນ້ຳຕານ, ນ້ຳສະກັດຊີວະພາບມາປະສົມເຂົ້າກັນຕາມຫລັກວິຊາການກະສິກໍາສະອາດ ໂດຍເນັ້ນເຖິງຄວາມປອດໄພ ແລະ ເປັນມິດກັບສິ່ງແວດລ້ອມເຊິ່ງຝຸ່ນດັ່ງກ່າວ, ເໝາະສຳລັບພືດຜັກ, ຕົ້ນໄມ້ໃຫ້ໝາກທຸກຊະນິດ, ໄມ້ປະດັບ ແລະ ບຳລຸງທາດອາຫານໃຫ້ດິນທີ່ເຊື່ອມໂຊມກັບມາອຸດົມສົມບູນ.

   ນອກຈາກຝຸ່ນຊີວະພາບແລ້ວ, ບໍລິສັດຂ້ອຍຮັກກະສິກຳ ຍັງໄດ້ຜະລິດດິນປູກຝັງເພື່ອກະສິກໍາສະອາດ ເຊິ່ງເປັນດິນປະສົມພ້ອມປູກ ໂດຍນຳໃຊ້ວັດຖຸດິບຢູ່ພາຍໃນປະເທດ ເປັນຕົ້ນດິນດຳແຄມຂອງ, ແກບເຜົາ, ຂີ້ແກບ, ຂີ້ເລື່ອຍ ແລະ ຂີ້ງົວ. ນອກນັ້ນ, ຍັງມີນ້ຳຈຸລິນຊີສັງເຄາະແສງຊ່ວຍໃຫ້ພືດໃຫຍ່ໄວ, ເພີ່ມຜົນຜະລິດ, ຫລຸດຜ່ອນກິ່ນເໝັນໃນຄອກລັດລ້ຽງ ແລະ ບຳບັດນ້ຳເສຍ ທີ່ສຳຄັນເປັນມິດກັບສິ່ງແວດລ້ອມ. ປັດຈຸບັນຜະລິດຕະພັນຂອງບໍລິສັດຂ້ອຍຮັກກະສິກຳ ມີຕົວແທນຈໍາໜ່າຍຕາມຮ້ານຂາຍເບ້ຍໄມ້ໃນນະຄອນຫລວງວຽງຈັນ ຫລາຍກວ່າ 50 ຮ້ານ ແລະ ແຜນ ການໃນຕໍ່ໜ້າຈະຂະຫຍາຍສາຂາໄປຂາຍຢູ່ຕ່າງແຂວງຕື່ມອີກ. ຖ້າທ່ານໃດສົນໃຈສາມາດຕິດຕໍ່ໄດ້ທີ່ໝາຍເລກໂທລະສັບ 020  5561 9353 ຫລື ເຂົ້າໄປຕິດຕາມໄດ້ຢູ່ເຟສບຸກຂ້ອຍຮັກກະສິກຳ.

ໂດຍ: ມາລີດາ

KPL

ຂ່າວອື່ນໆ

    • ເຮັດທຸລະກິດຮ້ານອາຫານສ້າງລາຍຮັບໄດ້ 300 ລ້ານກີບຕໍ່ປີບົດ-ສາລະຄະດີ

      ເຮັດທຸລະກິດຮ້ານອາຫານສ້າງລາຍຮັບໄດ້ 300 ລ້ານກີບຕໍ່ປີ

      6/13/2024 10:32:45 AM

      ທຸລະກິດຮ້ານອາຫານ ເປັນອີກທຸລະກິດໜຶ່ງທີ່ຫລາຍຄົນຖືເອົາເປັນອາຊີບໜຶ່ງ ເພື່ອສ້າງລາຍຮັບເຂົ້າຄອບຄົວ ແຕ່ກ່ໍບໍ່ແມ່ນເລື່ອງງ່າຍທີ່ທຸລະກິດນີ້ຈະປະສົບຜົນສໍາເລັດໄດ້ສະເໝີໄປ ເພາະມັນກໍມີຄວາມສ່ຽງເຊັ່ນກັນ ອີກຢ່າງໜຶ່ງຕ້ອງສຶກສາດ້ານການຕະຫລາດຢ່າງເໝາະສົມ ເລື່ອງ ສະຖານທີ່ ເພາະທຸລະກິດດ້ານນີ້ ແມ່ນລົງທຶນຫລາຍ ແລະ ມີຄວາມສ່ຽງສູງໃນຫລາຍໆດ້ານ.

    • ກະຈັດກະຈາຍ-ກະແຈກກະຈາຍ ແລະ ກະແສ ໃນພາສາລາວບົດ-ສາລະຄະດີ

      ກະຈັດກະຈາຍ-ກະແຈກກະຈາຍ ແລະ ກະແສ ໃນພາສາລາວ

      6/13/2024 10:05:31 AM

      ຫລາຍບົດຜ່ານມາ, ຄໍລໍາ ຮັກພາສາລາວ ໄດ້ເກັບກໍາຮິບໂຮມເອົາບັນດາຄໍາສັບຈໍານວນໜຶ່ງ ທີ່ມີພື້ນສຽງພະຍັນຊະນະຕົວແກນໃກ້ຄຽງກັນ, ປະກອບຂຶ້ນດ້ວຍສະຫລະສຽງຄືກັນ ຫລື ໃກ້ຄຽງກັນ... ນັບທັງບັນດາຄໍາທ່ີມີຄວາມໝາຍໃກ້ຄຽງກັນ ມາທົບທວນເພື່ອກັນລືມ, ໃຫ້ການຂີດຂຽນ ແລະ ເວົ້າຖືກຕ້ອງຕາມຫລັກພາສາລາວເຮົາ.

    • ມີທຳມະຊາດ ມີແຫລ່ງທ່ອງທ່ຽວຍຶນຍົງບົດ-ສາລະຄະດີ

      ມີທຳມະຊາດ ມີແຫລ່ງທ່ອງທ່ຽວຍຶນຍົງ

      6/13/2024 9:59:21 AM

      ການທ່ອງທ່ຽວທໍາມະຊາດຢູ່ປະເທດເຮົາ ໄດ້ຮັບຄວາມນິຍົມຫລາຍຈາກນັກທ່ອງທ່ຽວພາຍໃນ ແລະ ຕ່າງປະເທດ, ອາດຈະບໍ່ແຕກຕ່າງຈາກຫລາຍໆ ປະເທດ ທີ່ມີມູນມັ່ງທາງທໍາມະຊາດອັນສວຍງາມ ເປັນອັນສະເພາະຕາມສະພາບທີ່ຕັ້ງພູມສັນຖານ, ໝາຍວ່າສວຍສົດງົດງາມແຕກຕ່າງກັນໄປ.

    • ເຮັດກະສິກຳແບບປະສົມປະສານ ສ້າງລາຍຮັບ 200 ລ້ານກວ່າກີບຕໍ່ປີບົດ-ສາລະຄະດີ

      ເຮັດກະສິກຳແບບປະສົມປະສານ ສ້າງລາຍຮັບ 200 ລ້ານກວ່າກີບຕໍ່ປີ

      6/12/2024 11:04:58 AM

      ຄອບຄົວ ທ່ານ ນາງ ສົມສະໄໝ ບົວສະຫວັນ ປະຊາຊົນບ້ານແສນຊຸມ ເມືອງໂພນໂຮງ ແຂວງວຽງຈັນ ແມ່ນຄອບຄົວໜຶ່ງທີ່ປະກອບອາຊີບເຮັດນາ ແລະ ລ້ຽງສັດ, ມາຮອດປີ 2019 ໄດ້ເລີ່ມເຮັດນາບົວ (ປູກໝາກບົວ) ດ້ວຍເນື້ອ 3 ເຮັກຕາ ເຊິ່ງການປູກນາບົວ, ເຮັດນາ, ລ້ຽງສັດຜົນຜະລິດບາງປີກໍຫລາຍ, ບາງປີພົບບັນຫາບ້ົງທໍາລາຍຝັກບົວ.

    • ຂໍ້ມູນດ້ານພົນລະເມືອງ ມີຄວາມສຳຄັນຕໍ່ການວາງແຜນພັດທະນາແບບຍືນຍົງບົດ-ສາລະຄະດີ

      ຂໍ້ມູນດ້ານພົນລະເມືອງ ມີຄວາມສຳຄັນຕໍ່ການວາງແຜນພັດທະນາແບບຍືນຍົງ

      6/12/2024 10:24:21 AM

      ບັນດາຂໍ້ມູນຕ່າງໆດ້ານພົນລະເມືອງເປັນຕົ້ນ: ຈຳນວນພົນລະເມືອງແບ່ງຕາມເພດ, ອາຍຸ, ສະພາບສົມລົດ, ຊົນເຜົ່າ, ສາສະໜາ, ການສຶກສາ, ສະພາບການຈ້າງງານ, ການເກີດ, ການຕາຍ, ການຍົກຍ້າຍ, ຄຸນລັກສະນະທີ່ຢູ່ອາໄສ, ການນຳໃຊ້ທີ່ດິນ ແລະ ການເຂົ້າເຖິງການບໍລິການ ດ້ານສັງຄົມອື່ນໆ.

ads
ads

Top