ຜູ້ແທນອົງການ ອອປສ ເຂົ້າຢ້ຽມຂໍ່ານັບຮອງຫົວໜ້າ ອົງການໄອຍະການປະຊາຊົນສູງສຸດ ສສ ຫວຽດນາມ

22/05/2024 15:49
Email Print 495
ຂປລ ຂປລ. ຕອນບ່າຍວັນທີ 21 ພຶດສະພາ 2024, ຄະນະຜູ້ແທນ ອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ນໍາໂດຍ ສະຫາຍ ບຸນທ່ຽງ ວິໄລວົງ ຮັກສາການຫົວໜ້າຫ້ອງການອົງ ການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງຽນ ກວາງຢຸ້ງ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນໂອກາດເດີນທາງ ຢ້ຽມຢາມ ແລະ ເຮັດວຽກຢ່າງເປັນທາງການ ລະຫວ່າງ ວັນທີ 20-24 ພຶດສະພາ 2024 ທີ່ ສສ ຫວຽດນາມ.



ຂປລ. ຕອນບ່າຍວັນທີ
21 ພຶດສະພາ 2024, ຄະນະຜູ້ແທນ ອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ນໍາໂດຍ ສະຫາຍ ບຸນທ່ຽງ ວິໄລວົງ ຮັກສາການຫົວໜ້າຫ້ອງການອົງ ການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງຽນ ກວາງຢຸ້ງ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນໂອກາດເດີນທາງ ຢ້ຽມຢາມ ແລະ ເຮັດວຽກຢ່າງເປັນທາງການ ລະຫວ່າງ ວັນທີ 20-24 ພຶດສະພາ 2024 ທີ່ ສສ ຫວຽດນາມ.

ສະຫາຍ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ກັບການມາເຄື່ອນໄຫວຢ້ຽມຢາມ ແລະ ເຮັດວຽກຂອງຄະນະຜູ້ແທນ ອົງການໄອຍະການປະຊາຊົນສູງສຸດໃນຄັ້ງນີ້ ເຊິ່ງເປັນການປະກອບສ່ວນສຳຄັນ ເຂົ້າໃນການເພີ່ມພູມຄູນສ້າງ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ທີ່ມີມູນເຊື້ອມາແຕ່ດົນນານ ໂດຍສະເພາະ ແມ່ນການຮ່ວມມືຮອບດ້ານ ລະຫວ່າງ ສອງອົງການໄອຍະການປະຊາຊົນ ຫວຽດ ນາມ-ລາວ, ລາວ-ຫວຽດນາມ ນັບມື້ຈະເລີນງອກງາມຍິ່ງໆຂຶ້ນ.



ໂອກາດນີ້, ສະຫາຍ ບຸນທ່ຽງ ວິໄລວົງ ຕາງໜ້າໃຫ້ຄະນະຜູ້ແທນລາວ ສະແດງຄວາມຂອບໃຈຢ່າງສູງ ຕໍ່ກັບການຕ້ອນຮັບອັນອົບອຸ່ນ, ພ້ອມທັງລາຍງານໃຫ້ຊາບ ຈຸດປະສົງການມາຢ້ຽມຢາມ ແລະ ເຮັດວຽກງານຮ່ວມກັບຄະນະນໍາຫ້ອງການ
, ຄະນະບັນນາທິ ການຂ່າວສານປົກປ້ອງກົດໝາຍ ແລະ ຄະ ນະບັນນາທິການວາລະສານຂອງ ອົງໄອຍະການປະຊາຊົນສູງສຸດ ແຫ່ງ ສສ ຫວຽດນາມ ໃນບາດກ້າວ ໃໜ່ ແລະ ກໍເປັນຄັ້ງທໍາອິດ ໃນການແລກປ່ຽນຂໍ້ມູນເຊິ່ງກັນ ແລະ ກັນ ເຊິ່ງເຫັນວ່າຕ່າງຝ່າຍຕ່າງມີຄວາມສົນໃຈ ແລະ ພ້ອມໃຫ້ການສະໜັບສະໜູນຊ່ວຍເຫລືອກັນຕາມຄວາມເໝາະສົມ.

ຂ່າວ: ວົງເດືອນ ສຸພັນທອງ

ພາບ: ແສງພະຈັນ ຄຳມະນີ

KPL

ຂ່າວອື່ນໆ

ads
ads

Top