ຂປລ
ການແຂ່ງຂັນ ລົດຖີບ “ກັບຄືນດ້ຽນບຽນຝູ-2024, ຊິງຂັນໜັງສືພິມ ກອງທັບ ປະຊາຊົນ ຫວຽດນາມ ປີ 2024 ໄດ້ຈັດຂຶ້ນ ເນື່ອງໃນໂອກາດ ສະເຫລີມສະຫລອງ ວັນໄຊຊະນະ ດ້ຽນບຽນຝູ ຄົບຮອບ 70 ປີ (07/05/1954 - 07/05/2024). ດ້ວຍໄລຍະທາງ ການແຂ່ງຂັນຍາວ 525 ກິໂລແມັດ ຈາກ ນະຄອນຫລວງ ຮ່າໂນ້ຍ ໄປຮອດ ນະຄອນ ດ້ຽນບຽນຝູ
ຂປລ.ສຳນັກຂ່າວ ວິທະຍຸກະຈາຍສຽງ ແຫ່ງຊາດ ຫວຽດນາມ, ເມື່ອບໍ່ດົນມານີ້, ການແຂ່ງຂັນ ລົດຖີບ “ກັບຄືນດ້ຽນບຽນຝູ-2024, ຊິງຂັນໜັງສືພິມ ກອງທັບ ປະຊາຊົນ ຫວຽດນາມ ປີ 2024 ໄດ້ຈັດຂຶ້ນ ເນື່ອງໃນໂອກາດ ສະເຫລີມສະຫລອງ ວັນໄຊຊະນະ ດ້ຽນບຽນຝູ ຄົບຮອບ 70 ປີ (07/05/1954 - 07/05/2024). ດ້ວຍໄລຍະທາງ ການແຂ່ງຂັນຍາວ 525 ກິໂລແມັດ ຈາກ ນະຄອນຫລວງ ຮ່າໂນ້ຍ ໄປຮອດ ນະຄອນ ດ້ຽນບຽນຝູ, ດ້ວຍ 5 ໄລຍະທາງ ການແຂ່ງຂັນ ທີ່ແກ່ຍາວ ເລີ່ມແຕ່ ວັນທີ 1-5 ພຶດສະພາ ຈຶ່ງອັດລົງ. ດ້ວຍໄຊຊະນະເປັນຂອງ ທ່ານຟ້າມເລຊວັນລົກ ອາຍຸ 19 ປີ ຂອງ ທີມກອງທັບເຂດ 7.
ໂດຍທ່ານ ດວ່ານຊວັນໂບ້ ຫົວໜ້າ ບັນນາ ທິການ ໜັງສືພິມກອງທັບ ປະຊາຊົນ ຫວຽດນາມ ກ່າວວ່າ: ການແຂ່ງຂັນ ໄດ້ດຳເນີນ ໄປຢ່າງຈົບງາມ ເມື່ອໄດ້ຮັບ ກຳລັງໃຈ ຢ່າງລົ້ນເຫຼືອ ຈາກປະຊາຊົນ ບັນດາແຂວງ ທາງທິດຕາເວັນຕົກ ສ່ຽງເໜືອ ໃນລະຫວ່າງ ຄະນະ ນັກແຂ່ງຂັນຖີບລົດ ໄປຜ່ານ, ປຸກລະດົມ ຄວາມເອກອ້າງ ທະນົງໃຈ ແລະ ຄຳນຶງເຖິງ ຂະບວນລົດຖີບ, ລຳລຽງສະບຽງ ອາຫານ ວິລະຊົນ ທີ່ໄດ້ເຂົ້າຮ່ວມ ບັ້ນຮົບ ປະຫວັດສາດ ດ້ຽນບຽນຝູ ກ່ອນນີ້ 70 ປີ. ການແຂ່ງຂັນ ກໍໄດ້ຮັບການ ສະໜັບສະໜູນ ຈາກຫລາຍວິສາຫະກິດ, ສະນັ້ນ ກໍ່ໄດ້ສ້າງເປັນ ກອງທຶນທີ່ມີມູນຄ່າກວ່າ 10 ຕື້ດົ່ງ (400.000ໂດລາສະຫະລັດ) ເພື່ອແນໃສ່ ປະກອບສ່ວນເຂົ້າ ໃນການເຄື່ອນໄຫວ ສັງຄົມ ເຂດທາງທິດຕາເວັນຕົກ ພາກເໜືອ./
KPL
