ຂປລ. ສຳນັກຂ່າວ ວິທະຍຸ ກະຈາຍສຽງແຫ່ງຊາດ ຫວຽດນາມ,  ວັນທີ 5 ພຶດສະພາ, ຢູ່ສຳນັກງານກະຊວງ ປ້ອງກັນ ປະເທດ ຫວຽດນາມ (ຮ່າໂນ້ຍ), ໂດຍມີ ທ່ານພົນເອກ ຟານວັນຢາງ ລັດຖະມົນຕີ ກະຊວງປ້ອງກັນປະເທດ ຫວຽດນາມ ເປັນປະທານ ໃນພິທີຕ້ອນຮັບ ທ່ານ ເຊບັສຈຽນ ເລີກູເນີ ລັດຖະມົນຕີ ກະຊວງ ກອງທັບ ຝຣັ່ງ ເດີນທາງມາ ຢ້ຽມຢາມ ຫວຽດນາມ ຢ່າງເປັນທາງການ.

ທ່ານ ຟານວັນຢາງ ໄດ້ເນັ້ນຫນັກວ່າ: ການຢ້ຽມຢາມ ຫວຽດນາມ ຂອງ ທ່ານ ເຊບັສຈຽນ ເລີກູເນີ ແມ່ນມີຄວາມໝາຍ ສຳຄັນ ທີ່ສຸດ ໃນການ ປະກອບສ່ວນ ຊຸກຍູ້ ການພົວພັນຮ່ວມມື ດ້ານປ້ອງກັນຊາດ ລະຫວ່າງ ສອງຝ່າຍ ພ້ອມທັງ ຢັ້ງຢືນວ່າ : ຫວຽດນາມ ຖືເປັນ ວຽກງານ ສຳຄັນໜຶ່ງ ໃນການພົວພັນ ຄູ່ຮ່ວມມື ຍຸດທະສາດ ກັບຝຣັ່ງ.

ໃນຂະນະດຽວກັນ, ທ່ານ ຟານວັນຢາງ ກ່າວວ່າ ການພົວພັນຄູ່ຮ່ວມມື ຍຸດທະສາດ ຫວຽດນາມ-ຝຣັ່ງ ໃນໄລຍະຜ່ານມາ ໄດ້ມີການພັດທະນາ ກ້າວເຂົ້າສູ່ ລວງເລິກ ດ້ວຍຫລາກ ຫລາຍຮູບແບບ ໃນຫລາຍຂົງເຂດ, ໃນນັ້ນ ມີການຮ່ວມມື ດ້ານປ້ອງກັນຊາດ. ທ່ານ ຟານວັນຢາງ ຄາດວ່າ ໃນຕໍ່ໜ້າ, ສອງຝ່າຍ ຈະສືບຕໍ່ຊຸກຍູ້ ການຮ່ວມມື ດ້ານປ້ອງກັນຊາດ, ແນໃສ່ເຂົ້າໃນບັນດາຂົງເຂດ; ແລກປ່ຽນ ຄະນະຜູ້ແທນ ທຸກຂັ້ນ, ເປັນຕົ້ນແມ່ນ ຄະນະຜູ້ແທນຂັ້ນສູງ, ຮັກສາສັນຕິພາບ ສປຊ, ອຸດສາຫະກຳ ປ້ອງກັນຊາດອື່ນໆ. ສອງຝ່າຍຕັ້ງຫນ້າ ປຶກສາຫາລືນຳກັນ ເພື່ອເປັນເອກະພາບໂດຍໄວ ກ່ຽວກັບໂຄງການ ຮ່ວມມື ດ້ານປ້ອງກັນຊາດ ຫວຽດນາມ-ຝຣັ່ງ  ໄລຍະປີ 2025- 2028 ຜ່ານມາ. ໃນຂະນະດຽວກັນ,  ນອກນັ້ນ ທ່ານ ເຊສບັສຈຽນ ເລີກວັກມູ (Sébastien Lecornu), ລັດຖະມົນຕີ ກະຊວງ ກອງທັບ ຝຣັ່ງ ໄດ້ເນັ້ນຫນັກເຖິງ ຄວາມໝາຍ ສຳຄັນ ຂອງ ການຮ່ວມມື ແບ່ງປັນ ຄວາມຊົງຈຳ ປະຫວັດສາດ, ແກ້ໄຂຜົນຮ້າຍ ຢ້ອນຫລັງ ຈາກ ສົງຄາມ ລະຫວ່າງ ສອງປະເທດ; ພ້ອມທັງ ສະແດງຄວາມ ປາດຖະຫນາ ຢາກໃຫ້ສອງຝ່າຍ ສືບຕໍ່ມານະ ພະຍາຍາມ ຊຸກຍູ້ ການຮ່ວມມື ດ້ານປ້ອງກັນຊາດ ໃຫ້ນັບມື້ ກ້າວເຂົ້າສູ່ ລວງເລິກ, ມີປະສິດທິຜົນ ແລະ ອື່ນ./.

KPL