*ມື້ນີ້ວັນທີ 25 ເມສາເປັນມື້ທີ່ມີຄວາມໝາຍສຳຄັນຍິ່ງຂອງສອງປະເທດ ສປປ ລາວ ແລະ ສປ ຈີນ ເພາະເປັນມື້ສ້າງຕັ້ງສາຍພົວພັນການທູດ ລະຫວ່າງລາວ-ຈີນ (25 ເມສາ 1961-25 ເມສາ 2024) ຊຶ່ງປີນີ້ກໍຄົບຮອບ 63 ປີພໍ ດີ.ຕະຫລອດໄລຍະ 63 ປີແຫ່ງການຮ່ວມມືເຫັນວ່າ ການຮ່ວມມືລະຫວ່າງ 2 ຝ່າຍນັບມື້ກວ້າງຂວາງ ຊຶ່ງເປັນການເສີມຂະຫຍາຍມູນເຊື້ອປະຕິວັດ ອັນດີງາມປະກອບສ່ວນອັນໃໝ່ ໃນການຊຸກຍູ້ການຮ່ວມມືກັນ ຕ່າງຝ່າຍຕ່າງມີຜົນປະໂຫຍດ ຮ່ວມກັນ ໃນທຸກຂົງເຂດວຽກງານ ແລະ ເພີ່ມເນື້ອໃນອັນໃໝ່ ໃຫ້ແກ່ການພົວພັນຄູ່ຮ່ວມມື ຍຸດທະສາດຮອບດ້ານລະຫວ່າງລາວ ແລະ ຈີນ ເຮັດໃຫ້ປະເທດລາວ ແລະ ປະເທດຈີນ ເປັນເພື່ອນບ້ານທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ເປັນ ຄູ່ຮ່ວມມືທີ່ດີຕະຫລອດໄປ.

ໃນໄລຍະທີ່ ສປປ ລາວ ຍັງບໍ່ໄດ້ຮັບການສະຖາປານາການພົວພັນຮ່ວມມື ລາວ-ຈິນ ແມ່ນຢູ່ໃນຮູບແບບການ ສະໜັບສະໜູນຊ່ວຍເຫລືອ ໃຫ້ແກ່ພາລະກິດຕໍ່ສູ້ ຂອງປະຊາຊົນລາວບັນດາເຜົ່າ ເພື່ອຂັບໄລ່ຈັກກະພັດຕ່າງດ້າວ ແລະ ໂຄ່ນ ລົ້ມຊົນຊັ້ນປົກຄອງທີ່ກົດຂີ່ຂູດຮີດ ໃນຖານະທີ່ສອງປະເທດ ມີເສັ້ນຊາຍແດນຕິດຈອດກັນ ເປັນປະເທດບ້ານໃກ້ເຮືອນຄຽງ ສິ່ງສຳຄັນແມ່ນມີພັກກອມມູນິດ ນຳພາການປະຕິບັດຄືກັນ. ພັກ-ລັດຖະບານ ແລະປະຊາຊົນ ຈີນ ອ້າຍນ້ອງໄດ້ ຢູ່ຄຽງ ຂ້າງ ໃຫ້ການສະໜັບສະໜູນຊ່ວຍເຫລືອ ແກ່ການປະຕິບັດລາວທັງດ້ານວັດຖຸ, ຈິດໃຈ, ທັງໃນເວທີ່ສາກົນພາກພື້ນ, ມີການໄປມາຢ້ຽມຢາມກັນຕະຫລອດມາ, ອັນທີ່ພົ້ນເດັ່ນກວ່າໝູ່ແມ່ນປີ 1959 ປະ ທານ ໄກສອນ ພົມວິຫານ ເລຂາທິ ການໃຫຍ່ຂອງພັກປະຊາຊົນລາວ (ພັກປະຊາຊົນປະຕິບັດລາວໃນປັດຈຸບັນ) ໄດ້ໄປຢ້ຽມຢາມ ສປ ຈີນ, ຈາກນັ້ນກໍ່ມີຜູ້ນຳທ່ານອື່ນໆ ໄປຢ້ຽມຢາມ ສປ ຈີນ ຫລາຍຄັ້ງ ເພື່ອແຈ້ງສະພາບການ ຂອງການປະຕິວັດລາວ, ປຶກສາຫາລືກ່ຽວກັບ ບັນຫາການຊ່ວຍເຫລືອ ຂອງ ສປ ຈີນ ໃຫ້ແກ່ການປະຕິວັດລາວ ຕົກມາຮອດເດືອນ 4 ປີ 1961 ລັດຖະບານປະສົມແຫ່ງຊາດ ນຳໂດຍສະເດັດເຈົ້ າສຸວັນນະພູມາ ນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ໄດ້ໄປ ຢ້ຽມຢາມ ສປ ຈີນ, ໄດ້ເຊັນເອກະສານທີ່ສຳຄັນ ວ່າດ້ວຍການສ້າງສາຍຕັ້ງ ສາຍສຳພົວພັນການທູດນຳກັນ ໃນວັນທີ 25 ເມສາ 1961 ນັ້ນ ແມ່ນເຫດການທີ່ສຳຄັນ ໃນປະຫວັດສາດຂອງການພົວພັນລາວ-ຈີນ.

ໃນຕົ້ນເດືອນກັນຍາ 2009 ການພົວພັນລະຫວ່າງ 2 ປະເທດໄດ້ກ້າວຂຶ້ນສູ່ລະດັບສູງສຸດ ເມື່ອຜູ້ນໍາທັງສອງປະເທດໄດ້ມອງກວ້າງເຫັນໄກ ໄດ້ຍົກລະດັບການພົວພັນລະຫວ່າງຈີນ ແລ ະລາວ ໃຫ້ເປັນການພົວພັນແບບຄູ່ຮ່ວມມືຍຸດທະ ສາດຮອບດ້ານ. ອັນໄດ້ເຮັດໃຫ້ການພົວພັນກ້າວເຂົ້າສູ່ໄລຍະພັດທະນາໃໝ່ ແລະ ເພີ່ມເນື້ອໃນອັນໃໝ່ໃຫ້ແກ່ການພົວພັນຄູ່ຮ່ວມມື ຍຸດທະສາດຮອບດ້ານລະຫວ່າງ ລາວ ແລະ ຈີນເຮັດໃຫ້ປະເທດລາວ ແລະ ປະເທດຈີນ ເປັນເພື່ອນບ້ານທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ເປັນຄູ່ຮ່ວມມືທີ່ດີຕະຫລອດໄປ. ພາຍຫລັງຍົກລະດັບການຮ່ວມມື ຂອງສອງປະເທດ ລາວ-ຈີນ ມາເປັນຄູ່ຮ່ວມມືຍຸດທະສາດຮອບດ້ານ ການພົວພັນລະຫວ່າງ 2 ປະເທດ ລາວ- ຈີນ ກໍໄດ້ມີບາດກ້າວຂະ ຫຍາຍຕົວຢ່າງແຂງແຮງ ໂດຍສະເພາະດ້ານເສດຖະກິດ, ການຄ້າ ແລະ ການລົງທຶນນັບມື້ເພີ່ມຂຶ້ນ ປະກອບສ່ວນສໍາຄັນເຂົ້າການພັດທະນາ ເສດຖະກິດ-ສັງຄົມຂອງລາວ.

ປັດຈຸບັນ, ສາຍພົວພັນ ຈີນ-ລາວ ພວມຢູ່ໃນໄລຍະທີ່ດີທີ່ສຸດໃນປະຫວັດສາດ, ເມື່ອຜະເຊີນໜ້າກັບການປ່ຽນແປງອັນໃຫຍ່ຫລວງຂອງໂລກ ໃນຮອບຮ້ອຍປີຜ່ານມາ ແລະ ຜົນກະທົບຈາກການລະບາດ ຂອງພະຍາດ ໂຄວິດ-19, ທັງສອງ ປະເທດຍິນດີຮ່ວມກັນ ໂດຍເພີ່ມທະວີການໄປມາຫາສູ່ກັນ ລະຫວ່າງການນຳຂັ້ນສູງຕື່ມອີກ, ເພີ່ມທະວີການແລກປ່ຽນທາງຍຸດທະສາດ, ລົງເລິກການແລກປ່ຽນບົດຮຽນ ດ້ານການຄຸ້ມຄອງພັກ ແລະ ການບໍລິ ຫານປະເທດ. ຝ່າຍຈີນ ຈະສືບ ຊຸກຍູ້ການສ້າງສາໂຄງການສຳຄັນ ຂະໜາດໃຫຍ່ຕ່າງໆ, ເຊັ່ນ: ແລວເສດຖະກິດ ລາວ-ຈີນ, ທາງລົດໄຟ ລາວ-ຈີນ ແລະ ການຮ່ວມກັນສ້າງໜຶ່ງ ແລວໜຶ່ງເສັ້ນທາງຂອງລາວ ແລະ ຈີນ ໃຫ້ໄດ້ຮັບ ໝາກຜົນຫລາຍກວ່າເກົ່າ. ຄຽງຄູ່ກັບການລົງ ເລິກການແລກປ່ຽນ ແລະ ການຮ່ວມມື ໃນຂົງເຂດວັດທະນະທຳ, ວຽກງານຊາວໜຸ່ມ, ການທ່ອງທ່ຽວແລະອື່ນໆ, ພ້ອມກັນເພີ່ມເນື້ອໃນ ດ້ານວັດທະນະທຳຂອງ ຄູ່ຮ່ວມຊາຕາກຳ ລາວ-ຈີນ ໃຫ້ອຸດົມສົມບູນຂຶ້ນຢ່າງບໍ່ຢຸດຢັ້ງ. ຈີນ ຈະສືບຕໍ່ສະ ໜັບສະໜູນຄວາມພະຍາຍາມຂອງລາວ ໃນການຕ້ານກັບພະຍາດໂຄວິດ-19, ຈີນ ຍິນດີພິຈາລະນາການຊ່ວຍເຫລືອວັກຊິນ ຕ້ານເຊື້ອພະຍາດໂຄວິດ-19 ໃຫ້ແກ່ລາວ, ພ້ອມຍິນດີເພີ່ມທະວີການປະສານງານ ແລະ ປະສານສົມທົບກັບລາວ ໃນ ວຽກງານສາກົນກໍຄືພາກພື້ນ, ຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຮ່ວມກັນ.

ນັບແຕ່ພັກປປລາວແລະພັກກອມມູນິດຈີນ ໄດ້ສ້າງສາຍພົວພັນໂດຍກົງນຳກັນ ໃນປີ 1959 ການພົວພັນຂອງສອງພັກ ແລະ ປະຊາຊົນສອງຊາດ ກໍໄດ້ມີການສະໜິດຕິດພັນກັນ ຢ່າງແໜ້ນແຟ້ນຕະຫລອດມາ.

ອວຍພອນໃຫ້ການຮ່ວມມືຂອງສອງປະເທດສປປລາວແລະສປຈີນສືບຕໍ່ແໜ້ນແຟ້ນແລະຍືນຍົງຕະຫລອດໄປ !

KPL