ຂປລ
ຂປລ. ກະຊວງສຶກສາທິການ ແລະ ກິລາ(ສສກ) ຮ່ວມກັບ ວິສາຫະກິດຈີນ ອາຊີ-ໂປຕາສ ສາກົນ ຊ່ວຍສະໜັບ ສະໜູນປະເທດເຂັ້ມແຂງດ້ານການສຶກສາ ພາຍໃຕ້ ກອງທຶນການສຶກສາລາວໄດ້ເບີກຈ່າຍ ງວດທໍາອິດ ຈໍານວນ 700.000 ໂດລາສະຫະລັດ.
ບໍລິສັດ ຊີໂນ-ອາກຣີ ໂປຕາສ ຈໍາກັດ ໄດ້ມອບເງິນຊ່ວຍເຫຼືອການສຶກສາທັງໝົດ 700.000 ໂດລາສະຫະລັດ ໄລຍະ 2023-2024 ໃຫ້ກະຊວງສຶກສາທິການ ແລະ ກິລາ
ຂປລ. ກະຊວງສຶກສາທິການ ແລະ ກິລາ(ສສກ) ຮ່ວມກັບ ວິສາຫະກິດຈີນ ອາຊີ-ໂປຕາສ ສາກົນ ຊ່ວຍສະໜັບ ສະໜູນປະເທດເຂັ້ມແຂງດ້ານການສຶກສາ ພາຍໃຕ້ ກອງທຶນການສຶກສາລາວໄດ້ເບີກຈ່າຍ ງວດທໍາອິດ ຈໍານວນ 700.000 ໂດລາສະຫະລັດ.ເມື່ອບໍ່ດົນມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ສົ່ງສານອວຍພອນວັນຄູແຫ່ງຊາດ ແລະ ຊີ້ໃຫ້ເຫັນວ່າ: “ໃນປະຫວັດແຫ່ງການຕໍ່ສູ້ກູ້ຊາດໃນເມື່ອກ່ອນ ແລະ ການປົກ ປັກຮັກສາ, ສ້າງສາພັດທະນາປະເທດຊາດໃນປັດຈຸບັນ ກໍລ້ວນແຕ່ຮຽກຮ້ອງໃຫ້ມີຊັບພະຍາກອນມະນຸດ ທີ່ມີຄວາມຮູ້, ຄວາມສາມາດ, ມີແບບແຜນການດຳລົງຊີວິດທີ່ປອດໄສ, ມີຄຸນສົມບັດສິນທຳປະຕິວັດທີ່ໜັກ ແໜ້ນ. ຢາກເຮັດໄດ້ຄືແນວນັ້ນ, ຄູ-ອາຈານ ຂອງພວກເຮົາ ທີ່ຢູ່ບັນດາສະຖານການສຶກສາ, ໃນໂຮງຮຽນ ແລະ ນອກໂຮງຮຽນ ຍິ່ງຈະຕ້ອງໄດ້ເສີມຂະຫຍາຍ ການຮຽນຮູ້ຂອງຕົນເອງ ໃຫ້ກ້າວທັນກັບການປ່ຽນແປງ ຂອງສາກົນກວ່າເວລາໃດໝົດ. ໃນສະພາບການທີ່ມີຄວາມທ້າທາຍຫລາຍຢ່າງ ຕໍ່ຂະແໜງສຶກສາທິການ ແລະ ກິລາ, ພວກເຮົາບໍ່ອາດຈະປະໃຫ້ຄູຜະເຊີນກັບສິ່ງທ້າທາຍນັ້ນພຽງລຳພັງໄດ້. ສະນັ້ນ, ຈຶ່ງຮຽກຮ້ອງມາຍັງທຸກ ພາກສ່ວນໃນທົ່ວສັງຄົມຈະຕ້ອງໄດ້ໃຫ້ການຮ່ວມມື ແລະ ເຮັດວຽກຮ່ວມກັນ”.
ໃນວັນທີ 27 ຕຸລາ 2023, ກະຊວງສຶກສາທິການ ແລະ ກິລາ ຂອງ ສປປ ລາວ ໄດ້ຮ່ວມກັບ ອາຊີ-ໂປຕາສ ສາກົນ ແລະ ບໍລິສັດໃນເຄືອ ຊີໂນ-ອາກຣີ ໂປຕາສ ຈໍາກັດ, ສໍາເລັດການຈັດ “ພິທີມອບທຶນຊ່ວຍເຫລືອການສຶກສາ 2023-2024” ໂດຍການເຂົ້າຮ່ວມເປັນສັກຂີພິຍານຂອງ ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍບັນດາການນຳຂັ້ນສູງ ແລະ ບັນດາສື່ມວນຊົນ; ທຶນຊ່ວຍເຫລືອຊຸດທໍາອິດ ຈໍານວນ 700.000 ໂດລາສະຫະລັດ ຂອງກອງທຶນການສຶກສາທີ່ບໍລິສັດສ້າງຕັ້ງຂຶ້ນ ໄດ້ມອບໃຫ້ກະຊວງສຶກສາທິການຢ່າງເປັນທາງການ ໂດຍມີທ່ານ ຮອງເຈົ້າແຂວງແຂວງເຊກອງ, ຮອງເຈົ້າແຂວງ ແຂວງສາລະວັນ, ຮອງເຈົ້າແຂວງ ແຂວງຊຽງຂວາງ, ຫົວໜ້າພະແນກສຶກສາແຂວງທີ່ກ່ຽວຂ້ອງ, ລວມທັງການນໍາທີ່ກ່ຽວຂ້ອງຂອງຝ່າຍສະໜອງທຶນ ອາຊີ-ໂປຕາສ ສາກົນ ໄດ້ເຂົ້າຮ່ວມໃນພິທີມອບທຶນຊ່ວຍເຫລືອໃນຄັ້ງນີ້ ໂດນມີໂທລະພາບແຫ່ງຊາດລາວ, ໜັງສືພິມປະຊຊົນ, ໜັງສືພິມວຽງຈັນທາມສ໌ ແລະ ສື່ອື່ນໆ ໄດ້ເຂົ້າຮ່ວມເກັບກໍາຂໍ້ມູນ ພ້ອມທັງລາຍງານຂ່າວ.
ລັດຖະມົນຕີກະຊວງສຶກສາທິການ ແລະ ກິລາ ມອບໃບກຽດຕິຄຸນ ໃຫ້ແກ່ ບໍລິສັດ ຊີໂນ-ອາກຣີ ໂປຕາສ ຈໍາກັດ
ດັ່ງທີ່ຮູ້ກັນດີແລ້ວວ່າ, ກອງທຶນການສຶກສາໄດ້ສ້າງຕັ້ງຂຶ້ນໃນວັນທີ 1 ທັນວາ 2022, ເປັນກອງທຶນການ ສຶກສາ ທີ່ລົງນາມຮ່ວມກັນ ໂດຍກະຊວງສຶກສາທິການ ແລະ ກິລາ ແລະ ອາຊີ-ໂປຕາສ ສາກົນ ເຊິ່ງໄດ້ຮັບ ການສະໜັບສະໜູນທຶນເຕັມຈໍານວນຈາກ ບໍລິສັດ ອາຊີ-ໂປຕາສ ສາກົນ. ເຊິ່ງຈະສືບຕໍ່ຮັກສາການຊ່ວຍ ເຫລືອໃນແຕ່ລະປີ 350.000 ໂດລາສະຫະລັດ, ເປັນກອງທຶນການສຶກສາແຫ່ງທໍາອິດຂອງລາວ, ທັງເປັນທຶນການສຶກສາສະເພາະຈໍານວນຫລາຍ ທີ່ວິສາຫະກິດຈີນຊ່ວຍເຫລືອຢູ່ລາວ. ອາຊີ-ໂປຕາສ ສາກົນ ກ່າວ ວ່າ: ບໍລິສັດມີຄວາມຍຶດໝັ້ນສະເໝີມາ ແລະ ມຸ້ງເນັ້ນເພື່ອເປັນ “ຜູ້ຊ່ວຍແຮງ” ໃຫ້ແກ່ການພັດທະນາເສດ ຖະກິດສັງຄົມຂອງ ສປປ ລາວ. ໃນນັ້ນ, ໄດ້ເອົາໃຈໃສ່ເຖິງການພັດທະນາການສຶກສາ, ເຊິ່ງກອງທຶນການສຶກ ສານີ້ໄດ້ຮັບການສ້າງຕັ້ງຂຶ້ນ ເພື່ອຊ່ວຍໜູນຜູ້ທີ່ເຮັດວຽກດ້ານການສຶກສາໃນເຂດທຸກຍາກ, ນັກສຶກສາທີ່ທຸກ ຍາກໃນສະຖານບັນການສຶກສາ ແລະ ກໍ່ສ້າງຜູ້ມີຄວາມຮູ້ດ້ານເຕັກນິກວິຊາຊີບ. ຖືເອົາການປະຕິບັດຕົວຈິງ ເພື່ອແກ້ໄຂຄວາມຫຍຸ້ງຍາກທີ່ສຸດໃນພາລະກິດການສຶກສາ, ໃຫ້ການຮັບປະກັນດ້ານການເງິນ ແລະ ການສະ ໜັບສະໜູນການພັດທະນາວຽກງານການສຶກສາໃນ ສປປ ລາວ. ກອງທຶນດັ່ງກ່າວລວມມີ 3 ໂຄງການຊ່ວຍ ເຫລືອຕົ້ນຕໍຄື: ໂຄງການທີ 1 ແມ່ນ “ທຶນຊ່ວຍເຫລືອຄູ ອາຊີ-ໂປຕາສ ສາກົນ”, ເຊິ່ງເນັ້ນໃສ່ການຊ່ວຍ ເຫລືອຄູອາຈານໃນເຂດທຸກຍາກ ແລະ ຄູທີ່ໄດ້ປະກອບສ່ວນເຂົ້າໃນການສິດສອນແຕ່ບໍ່ມີເງິນເດືອນ; ໂຄງ ການທີ 2 ແມ່ນ “ກອງທຶນການສຶກສາ ອາຊີ-ໂປຕາສ ສາກົນ” ເຊິ່ງເນັ້ນໃສ່ການຊ່ວຍເຫລືອນັກສຶກສາ ທີ່ທຸກຍາກຂອງ ສປປ ລາວ ໃນໂຮງຮຽນສາມັນສຶກສາ, ວິທະຍາໄລ ຫລື ມະຫາວິທະຍາໄລ; ໂຄງການທີ 3 ແມ່ນ "ກອງທຶນອາຊີວະສຶກສາ ອາຊີ-ໂປຕາສ ສາກົນ", ເຊິ່ງເນັ້ນໃສ່ການຊ່ວຍເຫລືອນັກວິຊາການ ແລະ ວຽກງານຄົ້ນຄວ້າວິໄຈທີ່ມີຄວາມຈໍາເປັນເລັ່ງດ່ວນ ຂອງສະຖາບັນອາຊີວະສຶກສາໃນ ສປປ ລາວ.
ໃນພິທີ, ກະຊວງສຶກສາທິການ ແລະ ກິລາ ໄດ້ມອບໃບກຽດຕິຄຸນໃຫ້ແກ່ ບໍລິສັດ ຊີໂນ-ອາກຣີ ໂປຕາສ ຈໍາກັດ ພ້ອມທັງອ່ານເຜີຍແຜ່ “ບົດແນະນໍາໂຄງການກອງທຶນຊ່ວຍເຫລືອຄູ ແລະ ນັກຮຽນ ຂອງກະຊວງ ສຶກສາທິການ ແລະ ກິລາ”. ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ກ່າວວ່າ “ກອງທຶນຊ່ວຍເຫລືອຊຸດທໍາອິດ ຈະຖືກທົດລອງປະຕິບັດຢູ່ພາກກາງ, ພາກເໜືອ ແລະ ພາກໃຕ້ ຈໍານວນ 6 ແຂວງ ເພື່ອໃຫ້ຄວາມຊ່ວຍເຫລືອແກ່ຄູອາຈານ ແລະ ນັກຮຽນທຸກຍາກທີ່ຄົບເງື່ອນໄຂ ເພື່ອປັບປຸງຄ່າ ແຮງງານຂອງຄູສອນ ແລະ ໃຫ້ທຶນຊ່ວຍເຫລືອນັກຮຽນທຸກຍາກ ໃນຄັ້ງນີ້, ມີຄູອາສາສະໝັກ 104 ຄົນ, ນັກຮຽນສາມັນ ສຶກສາ 444 ຄົນ, ນັກຮຽນອາຊີວະສຶກສາ 444 ຄົນ ແລະ ນັກສຶກສາມະຫາວິທະຍາໄລ 444 ຄົນ, ລວມທັງໝົດ 1.436 ຄົນ ທີ່ໄດ້ຮັບທຶນຊ່ວຍເຫລືອດ້ານການເງິນ”.
ທ່ານ ຮສ ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ
ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ໄດ້ກ່າວຊົມເຊີຍເປັນຢ່າງສູງຕໍ່ ການເຄື່ອນໄຫວຊຸກຍູ້ກອງທຶນການສຶກສາຂອງ ອາຊີ-ໂປຕາສາ ສາກົນ ໂດຍທ່ານໄດ້ກ່າວວ່າ: "ການຊ່ວຍ ເຫລືອຂອງ ບໍລິສັດ ຊີໂນ-ອາກຣີ ໂປຕາສ ຈໍາກັດ ໄດ້ປະກອບສ່ວນອັນສໍາຄັນເຂົ້າໃນການຜັນຂະຫຍາຍ ການກໍ່¬ສ້າງຄູ່ຮ່ວມຊາຕາກໍາ ລາວ-ຈີນ, ຈີນ-ລາວ, ການຮ່ວມມືລະຫວ່າງ 2 ພັກ 2 ລັດ ແລະ ປະຊາຊົນ 2 ຊາດ ຂອງພວກເຮົາ ເວົ້າລວມ, ເວົ້າສະເພາະ ແມ່ນການກະຕຸຊຸກຍູ້ການຮ່ວມມື ໃນຂົງເຂດວຽກງານການສຶກ ສາຂອງ ສປປ ລາວ ໃຫ້ມີຄຸນນະພາບ ນັບມື້ນັບສູງຂຶ້ນ ໂດຍສະເພາະ ແມ່ນເພື່ອປັບປຸງອັດຕາການເຂົ້າຮຽນ ແລະ ອັດຕາຮຽນຈົບ ຂອງນັກຮຽນ ສາມັນສຶກສາ, ເພີ່ມອັດຕາເຂົ້າຮຽນອາຊີວະສຶກສາ ແລະ ການສຶກສາຊັ້ນສູງ., ພ້ອມນີ້, ທຶນດັ່ງກ່າວ ຍັງເປັນການແບ່ງເບົາຊີວິດການເປັນຢູ່ ຂອງຄູ ຈໍນວນໜຶ່ງຕື່ມອີກ ແນ່ໃສ່ເຮັດໃຫ້ເຂົາເຈົ້າມີຄວາມອຸ່ນອ່ຽງທຸ່ນທ່ຽງປະກອບສ່ວນ ໃນການສິດສອນລູກຫລານ ຂອງພວກເຮົາ”
ທ່ານ ນາງ ດາລາ ພຣະກອນຄໍາ ຫົວໜ້າກົມການເງິນ ກະຊວງສຶກສາທິການ ແລະ ກິລາ ກ່າວວ່າ: ນັບແຕ່ໂຄງການສະໜັບສະໜູນທຶນຊ່ວຍເຫລືອຄູ ແລະ ນັກຮຽນ-ນັກສຶກສາ ໄດ້ມີພິທີເຊັນ ບົດບັນທຶກຂໍ້ຕົກລົງ ຮ່ວມກັນ ລະຫວ່າງ ກະຊວງສຶກສາທິການ ແລະ ກິລາ ແລະ ບໍລິສັດ ຊີໂນ-ອາກຣີ ໂປຕາສ ຈໍາກັດ ຄັ້ງວັນທີ 01 ທັນວາ 2022 ກໍໄດ້ມີການຄົ້ນຄວ້າ ສ້າງຂໍ້ຕົກລົງ ລັດຖະມົນຕີ ວ່າດ້ວຍການແຕ່ງຕັ້ງ ຄະນະຮັບຜິດຊອບທຶນຊ່ວຍເຫລືອຄູ ແລະ ນັກຮຽນ ນັກສຶກສາ ຂອງຂະແໜງ ສຶກສາທິການ ແລະ ກິລາ ແລະ ຄະນະຮັບຜິດຊອບ ໄດ້ມີການປະສານສົມທົບ, ເກັບກຳຂໍ້ມູນ, ຄົ້ນຄວ້າ ປຶກສາຫາລື ແລະ ປະຊຸມຮ່ວມກັບທຸກພາກສ່ວນທີ່ກ່ຽວຂ້ອງ ເພື່ອກະກຽມສ້າງຄູ່ມືຄຸ້ມຄອງ ໃຫ້ທຶນຄູ ແລະ ນັກຮຽນ ນັກສຶກສາ (ສະບັບທົດລອງ) ແລະ ຄຳແນະນຳ ໃນການຄັດເລືອກເປົ້າໝາຍ ໃນ 6 ແຂວງ. ເນື່ອງຈາກວ່າ ເປັນຄັ້ງທຳອິດ ທີ່ໄດ້ຮັບການສະໜັບສະໜູນຈາກ ບໍລິສັດ ທີ່ມີການຊ່ວຍເຫລືອໃຫ້ທຶນແກ່ຄູ ແລະ ນັກຮຽນ ນັກສຶກສາ ແກ່ຂະແໜງການສຶກສາທິການແລະກິລາ ຊຶ່ງມີ ຈຳນວນເງິນ 700.000 ໂດລາສະຫະລັດ ປະຕິບັດໃນໄລຍະ 2 ປີ/ສົກຮຽນ ແລະ ສົກຮຽນ 2023-2024 ນີ້ ເປັນສົກຮຽນທຳອິດ ທີ່ຈະໄດ້ມີການມອບທຶນ ໃຫ້ແກ່ເປົ້າໝາຍທີ່ໄດ້ຮັບການຄັດເລືອກຕາມເງື່ອນໄຂທີ່ໄດ້ກຳນົດ.”
ທ່ານ ນາງ ດາລາ ພຣະກອນຄໍາ ຫົວໜ້າກົມການເງິນ ກະຊວງສຶກສາທິການ ແລະ ກິລາ
ທ່ານ Ai Yongjun, ຮອງຜູ້ອໍານວຍການໃຫຍ່ ບໍລິສັດ ຊີໂນ-ອາກຣີ ໂປຕາສ ຈໍາກັດ ເຊິ່ງເປັນບໍລິສັດ ໃນເຄືອຂອງ ອາຊີ-ໂປຕາສ ສາກົນ ໄດ້ກ່າວວ່າ: ໃນຖານະທີ່ເປັນວິສາຫະກິດຈີນ ເຊິ່ງໄດ້ເຕີບໃຫຍ່ໃນດິນແດນເຂດຮ້ອນຂອງ ສປປ ລາວ, ບໍລິສັດໄດ້ຮັບປະໂຫຍດຈາກການສະໜັບສະໜູນຂອງລັດຖະບານ ແລະ ປະຊາ ຊົນ, ບໍລິສັດມີຄວາມກະຕັນຍູສະເໝີມາ ແລະ ໄດ້ຕັ້ງໜ້າດໍາເນີນມາດຕະການຫລາຍຢ່າງທີ່ເປັນປະໂຫຍດຕໍ່ການພັດທະນາເສດຖະກິດ, ການພັດທະນາສັງຄົມ ແລະ ການກໍ່ສ້າງຊີວິດການເປັນຢູ່ຂອງປະຊາຊົນຂອງ ສປປ ລາວ ແລະ ໄດ້ມອບໝາກຜົນແຫ່ງການພັດທະນາວິສາຫະກິດຄືນສູ່ປະຊາຊົນລາວ. ໃນບັນດາການ ເຄື່ອນໄຫວຫລາຍຢ່າງຂອງຕົນ, ອາຊີ-ໂປຕາສ ສາກົນ ເອົາໃຈໃສ່ເປັນພິເສດຕໍ່ຂະແໜງການສຶກສາ ແລະ ຫວັງເປັນຢ່າງຍິ່ງວ່າ ຜ່ານມາດຕະການທີ່ແທດຈິງ, ພວກເຮົາຈະສາມາດຊຸກຍູ້ການພັດທະນາການສຶກສາຢູ່ ສປປ ລາວ ໂດຍພື້ນຖານ ແລະ ສະສົມຜູ້ມີຄວາມຮູ້ຄວາມສາມາດ ເພື່ອການພັດທະນາໃນໄລຍະຍາວຂອງ ປະເທດລາວ. ໃນອະນາຄົດ, ໄປຄຽງຄູ່ກັບການສືບຕໍ່ເສີມຂະຫຍາຍບົດບາດຂອງກອງທຶນ, ບໍລິສັດຍັງຈະ ໃຫ້ບູລິມະສິດຜູ້ທີ່ມີຄວາມສາມາດທີ່ມີຄຸນນະພາບສູງໃນການຮັບເລືອກເຂົ້າເຮັດວຽກ ໂດຍຜ່ານຮູບແບບ ການຮ່ວມມືລະຫວ່າງໂຮງຮຽນ ແລະ ວິສາຫະກິດ; ການເຊື່ອມໂຍງອຸດສາຫະກໍາ ແລະ ການສຶກສາຢ່າງ ແທ້ຈິງ ຈະເປັນການຊຸກຍູ້ຢ່າງຕໍ່ເນື່ອງສໍາລັບການພັດທະນາ ເພື່ອຫັນເປັນອຸດສາຫະກໍາ ແລະ ຫັນເປັນຕົວ ເມືອງຂອງ ສປປ ລາວ.
Ai Yongjun, ຮອງຜູ້ອໍານວຍການໃຫຍ່ ບໍລິສັດ ຊີໂນ-ອາກຣີ ໂປຕາສ ຈໍາກັດ ເຊິ່ງເປັນບໍລິສັດໃນເຄືອນຂອງ ອາຊີ-ໂປຕາສ ສາກົນ
ດັ່ງທີ່ຮູ້ກັນດີແລ້ວວ່າ, ນອກຈາກການສ້າງຕັ້ງກອງທຶນຊ່ວຍເຫລືອດ້ານການສຶກສາ ສະເພາະແຫ່ງທຳ ອິດຂອງ ສປປ ລາວ ແລ້ວ, ອາຊີ-ໂປຕາສ ສາກົນ ຍັງໃຫ້ການຊ່ວຍເຫລືອບັນດາບ້ານທຸກຍາກອ້ອມຂ້າງ ໂຮງງານ, ໃນໂຄງການຫລຸດຜ່ອນຄວາມທຸກຍາກດ້ານອຸດສາຫະກໍາ ຢູ່ບ້ານຊຽງແຫວນ ແຂວງຄໍາມ່ວນ ໄດ້ ຖືກຈັດຕັ້ງປະຕິບັດໂດຍບໍລິສັດ; ບໍລິສັດໄດ້ລົງທຶນສະເພາະ 1,9 ຕື້ກວ່າກີບ ເພື່ອສ້າງໂຮງຮຽນປະຖົມແຫ່ງ ຄວາມຫວັງ ອາຊີ-ໂປຕາສ ໂດຍຜ່ານການສ້ອມແປງຫ້ອງຮຽນ, ສະໜັບສະໜູນອຸປະກອນການຮຽນ-ການ ສອນ, ການມອບທຶນຊ່ວຍເຫລືອຄູ ແລະ ຮູບແບບອື່ນໆ, ເຊິ່ງໄດ້ປັບປຸງສະພາບແວດລ້ອມການຮຽນ-ການສອນຂອງທ້ອງຖິ່ນໄດ້ຢ່າງຫລວງຫລາຍ. ນອກຈາກນັ້ນ, ຍັງໄດ້ກໍ່ສ້າງເຮືອນຮົ່ມທີ່ທັນສະໄໝ 45 ແຫ່ງ ແລະ ແນະນໍາການນຳໃຊ້ເຕັກນິກການປູກຝັງທີ່ກ້າວໜ້າ ເພື່ອຊ່ວຍຊາວກະສິກອນເພີ່ມການຜະລິດ ແລະ ລາຍຮັບ ເພື່ອໃຫ້ຊາວບ້ານທຸກຍາກສາມາດຫລຸດພົ້ນອອກຈາກ “ໝວກ” ຄວາມທຸກຍາກໄດ້ໂດຍພື້ນຖານ. ໃນຖານະທີ່ເປັນບໍລິສັດເໝືອງແຮ່ທີ່ໂດດເດັ່ນຢູ່ລາວ, ບໍລິສັດຍັງຈະສືບຕໍ່ນໍາໃຊ້ຂໍ້ໄດ້ປຽບຂອງຕົນ ແລະ ສະໜັບສະໜູນການພັດທະນາພາລະກິດຕ່າງໆຂອງ ສປປ ລາວ ຢ່າງບໍ່ຂາດ.
ອາຊີ-ໂປຕາສ ສາກົນ ແຈກຂອງຂັວນໃຫ້ແກ່ຕົວແທນຄູອາຈານ ແລະ ນັກສຶກສາ
ຖ້າປະເທດຕ້ອງການພັດທະນາ, ການສຶກສາຕ້ອງໄດ້ຮັບການຟື້ນຟູ. ການມອບທຶນຊ່ວຍເຫລືອການ ສຶກສາ ເປັນການເລີ່ມຕົ້ນທີ່ດີຂອງການຮ່ວມມືລະຫວ່າງ ລັດຖະບານ-ວິສາຫະກິດ ເພື່ອສະໜັບສະ ໜູນການສຶກສາຂອງລາວ ແລະ ເພື່ອສ້າງແບບຢ່າງການສຶກສາ ຕາມຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”. ຮູບແບບການຮ່ວມມືລະຫວ່າງລັດຖະບານ ກັບວິສາຫະກິດຈະຮັດແໜ້ນພື້ນຖານການສຶກສາຂອງປະເທດໃຫ້ມີພະລັງແຮງ ແລະ ອາຊີ-ໂປຕາສ ສາກົນ ໄດ້ກາຍເປັນຕົ້ນແບບຂອງວິສາຫະກິດຈີນທີ່ໄດ້ກາຍເປັນແບບຢ່າງ ໃຫ້ທຸກວົງການໃນລາວໄດ້ຮຽນຮູ້. ດັ່ງທີ່ຮູ້ດີແລ້ວວ່າ, ໃນອະນາຄົດ, ກອງທຶນການສຶກສາຈະສືບຕໍ່ສຸມໃສ່ ວຽກງານການສຶກສາຢູ່ເຂດຫ່າງໄກສອກຫລີກ ແລະ ເຂດທຸກຍາກ ເພື່ອໃຫ້ການຊ່ວຍເຫລືອ ແລະ ສະໜັນ ສະໜູນຄູອາຈານ ແລະ ພັດທະນານັກສຶກສາ ເພື່ອຊ່ວຍເຫລືອປະເທດລາວ ແລະ ການພັດທະນາເສດຖະ ກິດ-ສັງຄົມໃຫ້ຫລາຍຂຶ້ນ. ພ້ອມກັນນັ້ນ, ພວກຂ້າພະເຈົ້າຂໍເຊີນຊວນໃຫ້ບັນດາບໍລິສັດ ແລະ ໜ່ວຍງານ ຕ່າງໆ ເພີ່ມທະວີການຮ່ວມມືຊ່ວຍເຫລືອພັດທະນາວຽກງານຕ່າງໆຢູ່ໃນ ສປປ ລາວ ແລະ ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມໃຫ້ຫລາຍຍິ່ງຂຶ້ນ.
KPL
