ຂປລ
ຂປລ. ພິທີມອບ-ຮັບຊົ່ວຄາວ ອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງ ຈັດຂຶ້ນໃນວັນທີ 27 ພຶດສະພາ 2023 ພາຍຫລັງລົງມືກໍ່ສ້າງ ນັບແຕ່ວັນທີ 1 ມີນາ 2022 ເປັນຕົ້ນມາ ຊຶ່ງມີໄລຍະເວລາ ໃນການກໍ່ສ້າງຕາມສັນຍາແມ່ນ 15 ເດືອນ, ແຕ່ຜ່ານການຈັດຕັ້ງປະຕິບັດ ໃຊ້ເວລາ 12 ເດືອນແມ່ນໄດ້ກໍ່ສ້າງສຳເລັດແລ້ວ 100%.
ຂປລ. ພິທີມອບ-ຮັບຊົ່ວຄາວ ອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງ ຈັດຂຶ້ນໃນວັນທີ 27 ພຶດສະພາ 2023 ພາຍຫລັງລົງມືກໍ່ສ້າງ ນັບແຕ່ວັນທີ 1 ມີນາ 2022 ເປັນຕົ້ນມາ ຊຶ່ງມີໄລຍະເວລາ ໃນການກໍ່ສ້າງຕາມສັນຍາແມ່ນ 15 ເດືອນ, ແຕ່ຜ່ານການຈັດຕັ້ງປະຕິບັດ ໃຊ້ເວລາ 12 ເດືອນແມ່ນໄດ້ກໍ່ສ້າງສຳເລັດແລ້ວ 100%.
ທ່ານ ຈັນລະຄອນ ວົງສະຜ່າຍ ປະທານບໍລິສັດ ໂຊກໄຊຊະນະ ກໍ່ສ້າງ ຈຳກັດຜູ້ດຽວ, ຜູ້ຮັບເໝົາ ໄດ້ໃຫ້ຮູ້ວ່າ: ໂຄງການກໍ່ສ້າງອາຄານໂຮງຮຽນສາທິດ ວິທະຍາໄລຄູ ດົງຄຳຊ້າງ ພາຍໃຕ້ໂຄງການປັບປຸງວິທະຍາໄລຄູ ໃນ ສປປ ລາວ ແມ່ນໂຄງການໜຶ່ງທີ່ສຳຄັນ, ເປັນໂຄງການທີ່ຕ້ອງໄດ້ ນຳໃຊ້ປະສົບການ ແລະ ເຕັກນິກສູງເຂົ້າໃນການກໍ່ສ້າງ ເຊິ່ງໄດ້ລົງມືກໍ່ສ້າງ ນັບແຕ່ວັນທີ 1 ມີນາ 2022 ເປັນຕົ້ນມາ ຊຶ່ງມີໄລຍະເວລາ ໃນການກໍ່ສ້າງຕາມສັນຍາແມ່ນ 15 ເດືອນ ແຕ່ມາຮອດມື້ນີ້ ການກໍ່ສ້າງແມ່ນໄດ້ສຳເລັດແລ້ວ 100% ໂດຍໃຊ້ເວລາພຽງ 12 ເດືອນເທົ່ານັ້ນ ໂດຍໜ້າວຽກທີ່ບໍລິສັດ ໄດ້ຮັບເໝົາກໍ່ສ້າງ ປະກອບມີ ຕຶກອາຄານອະນຸບານ ຊັ້ນດຽວ 1 ຫລັງ, ຕຶກອາຄານ ປະຖົມສຶກສາ 2 ຊັ້ນ 1 ຫລັງ, ຕຶກອາຄານມັດ ທະຍົມສຶກສາ 2 ຊັ້ນ 1 ຫລັງ, ຫ້ອງນ້ຳປະຖົມສຶກສາ 1 ຫລັງ, ຕຶກຫ້ອງນ້ຳມັດທະຍົມສຶກສາ 1 ຫລັງ ແລະ ສະໜອງອຸປະກອນເຟີນິເຈີຄົບຊຸດ ແລະ ພ້ອມມອບໃຫ້ກົມສ້າງຄູ ກະຊວງສຶກສາທິການ ແລະ ກິລາ ເຈົ້າຂອງໂຄງການ ຢ່າງເປັນທາງການ ເພື່ອມອບຕໍ່ໃຫ້ວິທະຍາໄລຄູ ດົງຄຳຊ້າງ ເປັນຜູ້ຊົມໃຊ້, ຄຸ້ມຄອງ, ປົກປັກຮັກສາ ແລະ ນຳໃຊ້ໃຫ້ກຸ້ມຄ່າຖືກຕ້ອງ ຕາມວັດຖຸປະສົງຂອງໂຄງການ.
ໂອກາດນີ້, ທ່ານ ນາງ ດາລາວອນ ກິດຕິພັນ ຫົວໜ້າຫ້ອງການ ກະຊວງສຶກສາທິການ ແລະ ກິລາ ໄດ້ກ່າວວ່າ: ເຖິງວ່າໃນມື້ນີ້, ຈະເປັນການມອບ-ຮັບຊົ່ວຄາວກໍຕາມ ແຕ່ໂດຍພື້ນຖານ ກໍແມ່ນສາມາດນຳໃຊ້ອາຄານຮຽນ ໄດ້ເປັນປົກກະຕິແລ້ວ ສະນັ້ນ, ຮຽກຮ້ອງໃຫ້ຄະນະນຳ ວິທະຍາໄລຄູດົງຄຳຊ້າງ, ຄູ-ອາຈານ ແລະ ນ້ອງນັກຮຽນ-ນັກສຶກສາ ຈົ່ງເອົາໃຈໃສ່ຊ່ວຍກັນປົກປັກ ຮັກສາອາຄານຮຽນ, ຫ້ອງຮຽນ ແລະ ເຟີນິເຈີ ທີ່ໄດ້ຮັບການຊ່ວຍເຫລືອໃນຄັ້ງນີ້ ໃຫ້ຢູ່ໃນສະພາບທີ່ດີ, ສະອາດ, ຈົບງາມ ແລະ ນຳໃຊ້ໃຫ້ຄຸ້ມຄ່າ ຖືກຕ້ອງຕາມຈຸດປະສົງຂອງໂຄງການ. ເຖິງຢ່າງໃດກໍຕາມ, ໃນໄລຍະຮັບປະກັນ 1 ປີ ມອບໃຫ້ຄະນະຮັບຜິດຊອບ ໂຄງການຂັ້ນວິທະຍາໄລຄູ ສົມທົບກັບກອງເລຂາ ໜ່ວຍງານຄຸ້ມຄອງ ໃຫ້ມີການຕິດຕາມ, ກວດກາສະພາບອາຄານຮຽນແຕ່ລະຫລັງ ແລະ ລາຍງານໃຫ້ກົມສ້າງຄູຊາບ ແຕ່ລະໄລຍະ ຈົນໄດ້ຮັບການ ມອບ-ຮັບຢ່າງຖາວອນ.
KPL
