ຂປລ
ລັດຖະບານອິນເດຍ ປະກາດ ຍົກເລີກ ຄຳສັ່ງ ຫ້າມສົ່ງອອກເຂົ້າ ປອດສານພິດ (organic) ລວມທັງ ເຂົ້າຫັກ ຫລັງຈາກ ບັງຄັບໃຊ້ ຄຳສັ່ງ ດັ່ງກ່າວ ເປັນເວລາ 3 ເດືອນແລ້ວ
ຂປລ.ສຳນັກຂ່າວ ຊິນຮວາ, ສຳນັກງານ ການຄ້າ ຕ່າງປະເທດ ອິນເດຍ ລະບຸວ່າ: ລັດຖະບານອິນເດຍ ປະກາດ ຍົກເລີກ ຄຳສັ່ງ ຫ້າມສົ່ງອອກເຂົ້າ ປອດສານພິດ (organic) ລວມທັງ ເຂົ້າຫັກ ຫລັງຈາກ ບັງຄັບໃຊ້ ຄຳສັ່ງ ດັ່ງກ່າວ ເປັນເວລາ 3 ເດືອນແລ້ວ ໂດຍເລີ່ມ ມີຜົນ ບັງຄັບໃຊ້ ນັບແຕ່ວັນທີ 1 ທັນວານີ້. ອິນເດຍ ຫ້າມສົ່ງອອກເຂົ້າ ເພື່ອຮັບປະກັນ ການສະໜອງເຂົ້າ ໃຫ້ພຽງພໍກັບ ຄວາມຕ້ອງການ ພາຍໃນປະເທດ ທ່າມກາງ ຄວາມເປັນຫ່ວງວ່າ ຈະຜະເຊີນກັບ ການຂາດແຄນເຂົ້າ ຫລັງຈາກ ການຜະລິດ ຫລຸດລົງ. ນອກນີ້, ລັດຖະບານ ອິນເດຍ ຍັງໄດ້ເກັບພາສີ ສົ່ງອອກເຂົ້າ 20% ສຳລັບ ແນວພັນ ເຂົ້າປອດສານພິດ ເພື່ອເພີ່ມ ປະລິມານ ການສະໜອງເຂົ້າ ໃນທົ່ວປະເທດ./. (ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
