ຂປລ
ອີງຕາມມາດຕາທີ 127 ຂອງ “ທຳມະນູນໂຣມ ຂອງສານອາຍາສາກົນ”, ເວເນຊູເອລາ ຈະຖອນຕົວອອກຈາກ “ທຳມະ ນູນໂຣມຂອງສານອາຍາສາກົນ” ຢ່າງເດັດດ່ຽວ ແລະ ສິ້ນເຊີງ ພ້ອມທັງເລີ່ມຂັ້ນຕອນຖອນຕົວອອກຈາກສານອາຍາສາກົນ.
ຂປລ.ວິທະຍຸ ໂທລະພາບ ສູນກາງຈີນ, ທ່ານ ເຟລິກສ ປລາເຊນເຊຍ ລັດຖະມົນຕີ ກະຊວງການຕ່າງປະເທດເວເນຊູເອລາ ປະກາດວ່າ: ໂດຍໄດ້ຮັບຄຳຊີ້ນຳຈາກ ທ່ານ ນາງເດວຊີ ໂຣດຣິເກັສ ຮັກສາການແທນປະທານາທິບໍດີ ເວເນຊູເອລາ, ເວເນຊູເອລາ ໄດ້ສົ່ງໜັງສືແຈ້ງການຕໍ່ ທ່ານ ອັນໂຕນິໂອ ກູເຕີເຣສ ເລຂາທິການໃຫຍ່ ອົງການສະຫະປະຊາຊາດ ຢ່າງເປັນທາງການວ່າ: ອີງຕາມມາດຕາທີ 127 ຂອງ “ທຳມະນູນໂຣມ ຂອງສານອາຍາສາກົນ”, ເວເນຊູເອລາ ຈະຖອນຕົວອອກຈາກ “ທຳມະນູນໂຣມຂອງສານອາຍາສາກົນ” ຢ່າງເດັດດ່ຽວ ແລະ ສິ້ນເຊີງ ພ້ອມທັງເລີ່ມຂັ້ນຕອນຖອນຕົວອອກຈາກສານອາຍາສາກົນ. ລັດຖະມົນຕີກະຊວງການຕ່າງປະເທດ ເວເນຊູເອລາ ກ່າວວ່າ: ເວເນຊູເອລາ ເຫັນວ່າ, ການປະຕິບັດງານຂອງສານອາຍາສາກົນ ມີຄວາມລຳອຽງຕໍ່ພາກພື້ນຕ່າງກັນ ຢ່າງຈະແຈ້ງ, ຕຸລາການສາກົນ ບໍ່ໄດ້ຮັບການປະຕິບັດຢ່າງຍຸດຕິທຳທີ່ແທ້ຈິງ, ຫາກແມ່ນຖືກໃຊ້ເປັນເຄື່ອງມື ເຮັດໃຫ້ຄວາມບໍ່ສະເໝີພາບ ລະຫວ່າງ ປະເທດຕ່າງໆ ຮ້າຍແຮງຂຶ້ນຕື່ມ ພ້ອມທັງ ບໍ່ເອົາຫົວຊາຕໍ່ສິດໃນການຕັດສິນ ດ້ວຍຕົນເອງ ແລະ ອະທິປະໄຕແຫ່ງຊາດ ຂອງປະຊາຊົນປະເທດຕ່າງໆ.ໜັງສືແຈ້ງການ ຂອງລັດຖະມົນຕີ ກະຊວງການຕ່າງປະເທດ ເວເນຊູເອລາ ໄດ້ເນັ້ນຢ້ຳວ່າ: ເວເນຊູເອລາຈະສືບຕໍ່ສຸມໃສ່ຊຸກຍູ້ຕຸລາການສາກົນ ທີ່ມີຄວາມຍຸດຕິທຳ, ເປັນທຳ, ເຄົາລົບອະທິປະໄຕແຫ່ງຊາດ ແລະ ສິດຕັດສິນດ້ວຍຕົນເອງຂອງປະຊາຊົນປະເທດຕ່າງໆ ຢ່າງແທ້ຈິງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
